ਹੁਸ਼ਿਆਰਪੁਰ : ਪੰਜਾਬ ਦੇ ਹੁਸ਼ਿਆਰਪੁਰ ਜ਼ਿਲ੍ਹੇ ਦੇ ਇੱਕ ਪਿੰਡ ਵਿੱਚ ਅਪਾਚੇ ਹੈਲੀਕਾਪਟਰ ਦੀ ਐਮਰਜੈਂਸੀ ਲੈਂਡਿੰਗ ਕਰਾਈ ਗਈ l ਹਾਲਾਂਕਿ ਪਾਇਲਟ ਅਤੇ ਏਅਰਕਰਾਫਟ ਦੋਨੋਂ ਬਿਲਕੁਲ ਸੁਰੱਖਿਅਤ ਹਨ ਪਰ ਇਸ ਤਰ੍ਹਾਂ ਆਪਾਤ ਲੈਂਡਿੰਗ ਤੋਂ ਸੈਨਾ ਅਧਿਕਾਰੀਆਂ ਦੇ ਹੱਥ ਪੈਰ ਫੁੱਲ ਗਏ l ਦਸੂਹਾ ਤਹਿਸੀਲ ਦੇ ਤਹਿਤ ਬਲਾਕ ਹਾਜੀਪੁਰ ਦੇ ਬੁਡਢਾਵਡ ਪਿੰਡ ਵਿੱਚ ਹੈਲੀਕਾਪਟਰ ਵਿੱਚ ਤਕਨੀਕੀ ਖਰਾਬੀ ਦੇ ਕਾਰਨ ਖੇਤਾਂ ਵਿੱਚ ਉਤਾਰ ਦਿੱਤਾ ਗਿਆ l
ਮਿਲੀ ਜਾਣਕਾਰੀ ਦੇ ਮੁਤਾਬਿਕ ਹੈਲੀਕਾਪਟਰ ਨੇ ਪਠਾਨਕੋਟ ਤੋਂ ਉਡਾਣ ਭਰੀ ਸੀ ਪਰ ਤਕਨੀਕੀ ਖਰਾਬੀ ਦੇ ਚਲਦੇ ਖੇਤਾਂ ਵਿੱਚ ਐਮਰਜੈਂਸੀ ਲੈਡਿੰਗ ਕਰਾਉਣੀ ਪਈ l ਹੈਲੀਕਾਪਟਰ ਵਿੱਚ ਮੌਜੂਦ ਦੋਨੋਂ ਪਾਇਲਟ ਅਤੇ ਹੈਲੀਕਾਪਟਰ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ l ਪਿੰਡ ਦੇ ਸਰਪੰਚ ਕੁਲਦੀਪ ਸਿੰਘ ਨੇ ਦੱਸਿਆ ਕਿ ਕਿਸੀ ਤਰ੍ਹਾਂ ਦਾ ਕੋਈ ਨੁਕਸਾਨ ਨਹੀਂ ਹੋਇਆ ਹੈ l ਹੈਲੀਕਾਪਟਰ ਸੁਰੱਖਿਅਤ ਖੇਤਾਂ ਵਿੱਚ ਉਤਾਰਿਆ ਗਿਆ l ਪੁਲਿਸ ਮੌਕੇ ਤੇ ਪਹੁੰਚ ਗਈ ਅਤੇ ਪਠਾਨਕੋਟ ਬੇਸ ਵਿੱਚ ਸੈਨਾ ਅਧਿਕਾਰੀਆਂ ਨੂੰ ਵੀ ਇਸ ਸੰਬੰਧ ਵਿੱਚ ਸੂਚਨਾ ਦੇ ਦਿੱਤੀ ਗਈ ਹੈ l
ਦੱਸ ਦਈਏ ਕਿ ਹਿੰਡਨ ਏਅਰਬੇਸ ਮੋਹਨ ਨਗਰ ਤੋਂ ਚੰਡੀਗੜ ਦੇ ਲਈ ਉਡਾਣ ਭਰਨ ਵਾਲੇ ਹਵਾਈ ਸੈਨਾ ਦੇ ਚੀਤਾ ਹੈਲੀਕਾਪਟਰ ਦੀ ਵੀ ਤਕਨੀਕੀ ਖਰਾਬੀ ਦੇ ਕਾਰਨ ਈਸਟਰਨ ਪੇਰੀਫੇਰਲ ਤੇ ਐਮਰਜੈਂਸੀ ਲੈਡਿੰਗ ਕਰਾਉਣੀ ਪਈ l ਇਸ ਵਿੱਚ ਕਿਸੀ ਤਰ੍ਹਾਂ ਦਾ ਨੁਕਸਾਨ ਨਹੀਂ ਹੋਇਆ ਸੀ l ਏਅਰਬੇਸ ਤੋਂ ਦੂਸਰੇ ਹੈਲੀਕਾਪਟਰ ਰਾਹੀਂ ਪਹੁੰਚੇ ਇੰਜੀਨੀਅਰ ਨੇ ਤਕਨੀਕੀ ਖਾਮੀ ਨੂੰ ਠੀਕ ਕੀਤਾ l ਇਸ ਦੇ ਬਾਅਦ ਹੀ ਚੀਤਾ ਹੈਲੀਕਾਪਟਰ ਨੇ ਦੁਬਾਰਾ ਚੰਡੀਗੜ ਦੇ ਲਈ ਉਡਾਣ ਭਰੀ l ਵੀਰਵਾਰ ਸਵੇਰੇ ਏਅਰਫੋਰਸ ਦੇ ਫਲਾਈਟ ਲੈਫਟੀਨੈਂਟ ਜੇਐਸ ਪਾਂਡੇ ਅਤੇ ਸਕਵਾਰਡਨ ਲੀਡਰ ਰੋਹਿਤ ਯਾਦਵ ਹਿੰਡਨ ਏਅਰਬੇਸ ਤੋਂ ਉਡਾਣ ਭਰੀ ਸੀ l
ਬਾਗਪਾਤ ਦੇ ਰਟੌਲ ਖੇਤਰ ਵਿੱਚ ਪਹੁੰਚਦੇ ਹੀ ਹੈਲੀਕਾਪਟਰ ਵਿੱਚ ਤਕਨੀਕੀ ਖਰਾਬੀ ਆ ਗਈ l ਇਸ ਕਾਰਨ ਈਸਟਰਨ ਪੇਰੀਫੇਰਲ ਤੇ ਇਸ ਦੀ ਐਮਰਜੈਂਸੀ ਲੈਡਿੰਗ ਹੋਈ l ਇਸ ਲੈਡਿੰਗ ਵਿੱਚ ਕਿਸੇ ਨੂੰ ਕੋਈ ਨੁਕਸਾਨ ਨਹੀਂ ਹੋਇਆ ਪਰ ਕਣਕ ਦੀ ਕਟਾਈ ਕਰ ਰਹੇ ਕਿਸਾਨਾਂ ਦੀ ਮੌਕੇ ਤੇ ਭੀੜ ਲੱਗ ਗਈ ਸੀ l ਕਿਸਾਨ ਸੋਨੂ ਸੈਨੀ ਨੇ ਦੱਸਿਆ ਕਿ ਉਹ ਕੋਲ ਦੇ ਖੇਤ ਵਿੱਚ ਕਣਕ ਵੱਢ ਰਹੇ ਸਨ ਤਦ ਐਕਸਪ੍ਰੈਸ ਵੇ ਤੇ ਹੈਲੀਕਾਪਟਰ ਉਤਾਰਿਆ l ਜਿਵੇਂ ਹੀ ਉਹ ਭੱਜ ਕੇ ਗਏ, ਹੈਲੀਕਾਪਟਰ ਦੇ ਪਾਇਲਟ ਨੇ ਉਨ੍ਹਾਂ ਨੂੰ ਨਜ਼ਦੀਕ ਆਉਣ ਤੋਂ ਮਨ੍ਹਾਂ ਕਰ ਦਿੱਤਾ l
ਕਿਸਾਨਾਂ ਨੇ ਲੈਡਿੰਗ ਦੀ ਸੂਚਨਾ ਚਾਂਦੀਨਗਰ ਥਾਣਾ ਮੁਖੀ ਮੁਨੇਂਦਰ ਪਾਲ ਸਿੰਘ ਅਤੇ ਰਟੌਲੀ ਚੌਂਕੀ ਇੰਚਾਰਜ ਅਸ਼ੋਕ ਕੁਮਾਰ ਨੂੰ ਦਿੱਤੀ ਤਾਂ ਉਹ ਮੌਕੇ ਤੇ ਪਹੁੰਚੇ l ਇਸ ਦੇ ਬਾਅਦ ਏਅਰਬੇਸ ਤੋਂ ਇੰਜੀਨੀਅਰ ਨੂੰ ਲੈ ਕੇ ਦੂਸਰਾ ਹੈਲੀਕਾਪਟਰ ਐਕਸਪ੍ਰੇਸ ਵੇ ਤੇ ਪਹੁੰਚਿਆ l ਕਰੀਬ ਇੱਕ ਘੰਟੇ ਬਾਅਦ ਹੈਲੀਕਾਪਟਰ ਨੂੰ ਠੀਕ ਕਰਕੇ ਪਾਇਲਟ ਨੇ ਦੁਬਾਰਾ ਚੰਡੀਗੜ ਦੇ ਲਈ ਉਡਾਣ ਭਰੀ l
