ਇੰਦੌਰ : ਦੁਨੀਆਂ ਭਰ ਵਿੱਚ ਹਾਈਡਰੋਕਸੀਕਲੋਰੋਕਵੀਨ ਦਵਾਈ ਨੂੰ ਕੋਰੋਨਾ ਦੇ ਬਚਾਅ ਵਿੱਚ ਕਾਰਗਰ ਮੰਨਿਆ ਜਾ ਰਿਹਾ ਹੈ l ਪਰ ਇੱਥੇ ਸਵਾਲ ਇਹ ਹੈ ਕਿ ਕੀ ਇੰਦੌਰ ਵਿੱਚ ਪ੍ਰਭਾਵਿਤ ਹੋਏ ਕੋਰੋਨਾ ਦਾ ਇਲਾਜ ਕਰ ਰਹੇ 3 ਡਾਕਟਰ, 9 ਨਰਸਾਂ ਅਤੇ 2 ਟੈਕਨੀਸ਼ੀਅਨ ਨੇ ਇਹ ਦਵਾਈ ਨਹੀਂ ਲਈ ਸੀ l ਦਰਅਸਲ ਸਿਹਤ ਕਰਮੀਆਂ ਨੂੰ ਦੇਣ ਦੇ ਲਈ ਸਿਹਤ ਵਿਭਾਗ ਨੂੰ 2 ਲੱਖ ਗੋਲੀਆਂ ਦਿੱਤੀਆਂ ਗਈਆਂ ਸਨ l ਮੈਡੀਕਲ ਕਾਲਜ ਨੇ ਵੀ ਲੱਖਾਂ ਦੀ ਸੰਖਿਆ ਵਿੱਚ ਦਵਾਈ ਖਰੀਦੀ l ਡਾਕਟਰਸ ਅਤੇ ਨਰਸਿੰਗ ਸਟਾਫ ਨੇ ਦਵਾਈ ਦਾ ਡੋਜ਼ ਲਿਆ ਸੀ l ਇਸ ਦੇ ਬਾਵਜੂਦ ਡਾਕਟਰ ਨਰਸਾਂ ਸਮੇ਼ 14 ਹੈਲਥ ਵਰਕਰਸ ਪ੍ਰਭਾਵਿਤ ਹੋ ਗਏ l ਇਨ੍ਹਾਂ ਦਾ ਐਮਆਰ ਟੀਬੀ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ l
ਐਨੇਸਥੀਸਿਆ ਵਿਭਾਗ ਵਿੱਚ ਕੰਮ ਕਰਦੇ ਐਸੋਸੀਏਟ ਪ੍ਰੋਫੈਸਰ ਡਾਕਟਰ ਕਬੀਰ ਕੌਸ਼ਲ ਦੀ ਡਿਊਟੀ ਐਮਆਰ ਟੀਬੀ ਹਸਪਤਾਲ ਵਿੱਚ ਲੱਗੀ ਸੀ l ਡਾਕਟਰ ਕੌਸ਼ਲ ਚੌਥੇ ਹਫਤੇ ਦੀ ਦਵਾਈ ਲੈਣ ਤੋਂ ਪਹਿਲਾਂ ਹੀ ਕੋਰੋਨਾ ਦੀ ਚਪੇਟ ਵਿੱਚ ਆ ਗਏ ਪਰ ਹੁਣ ਉਹ ਡਿਸਚਾਰਜ ਹੋ ਗਏ ਹਨ l ਉਨ੍ਹਾਂ ਦਾ ਕਹਿਣਾ ਹੈ ਕਿ ਐਚਸੀਕਿਊਐਸ ਕੋਰੋਨਾ ਵਾਇਰਸ ਤੋਂ ਬਚਾਉਂਦੀ ਨਹੀਂ ਹੈ, ਪਰ ਉਸ ਦੀ ਤੀਬਰਤਾ ਘੱਟ ਕਰ ਦਿੰਦੀ ਹੈ l ਸੰਭਾਵਨਾ ਹੈ ਕਿ ਇਸ ਦਵਾਈ ਦੇ ਕਾਰਨ ਹੀ ਬੀਮਾਰੀ ਦਾ ਮੇਰੇ ਤੇ ਪ੍ਰਭਾਵ ਨਾ ਮਾਤਰ ਦਾ ਰਿਹਾ l
ਆਈਐਮਏ ਦੇ ਪ੍ਰਧਾਨ ਅਤੇ ਗਠੀਆ ਰੋਗ ਵਿਸ਼ੇਸ਼ਕ ਡਾਕਟਰ ਸੌਰਭ ਮਾਲਵੀ ਦੱਸਦੇ ਹਨ ਕਿ ਸਰੀਰ ਦੇ ਸੈਲ ਐਸਿਟਿਕ ਹੁੰਦੇ ਹਨ l ਇਹ ਦਵਾਈ ਉਨ੍ਹਾਂ ਦਾ ਪੀਐਚ ਲੈਵਲ ਵਧਾਉਂਦੀ ਹੈ, ਜਿਸ ਕਾਰਨ ਵਾਇਰਸ ਸਿੱਧੇ ਅਟੈਕ ਨਹੀਂ ਕਰ ਪਾਉਂਦਾ, ਹਾਲਾਂਕਿ ਦਵਾਈ ਦੇ ਕੋਰੋਨਾ ਵਾਇਰਸ ਤੇ ਅਸਰ ਨੂੰ ਲੈ ਕੇ ਬਹਿਸ ਚੱਲ ਰਹੀ ਹੈ l
