ਤਾਲਾਬੰਦੀ ਦਾ ਅਸਰ, ਲੋਕ ਹੁਣ ਸੜਕਾਂ ‘ਤੇ ਨਹੀਂ, ਘਰਾਂ ‘ਚ ਮਰ ਰਹੇ ਨੇ? ਦੇਖੋ ਕਿਵੇਂ

ਨਵੀਂ ਦਿੱਲੀ : ਦੇਸ਼ ਭਰ ਲਾਕਡਾਊਨ ਨੂੰ ਲਗਭਗ ਸਵਾ ਮਹੀਨਾ ਹੋ ਗਿਆ ਹੈ l ਇਸ ਦੌਰਾਨ ਸਾਰੇ ਲੋਕ ਆਪਣੇ ਘਰ ਹੀ ਹਨ l ਅਜਿਹੇ ਵਿੱਚ ਹਸਪਤਾਲਾਂ ਦੇ ਟਰਾਮਾ ਸੈਂਟਰਾਂ ਵਿੱਚ ਆਉਣ ਵਾਲੇ ਦੁਰਘਟਨਾ ਦੇ ਮਾਮਲਿਆਂ ਵਿੱਚ 80 ਤੋਂ 90 ਫੀਸਦੀ ਤੱਕ ਦੀ ਕਮੀ ਆਈ ਹੈ l ਜਿੱਥੇ ਪਹਿਲਾਂ ਹਸਪਤਾਲਾਂ ਦੇ ਐਮਰਜੈਂਸੀ ਟਰਾਮਾ ਸੈਂਟਰਾਂ ਵਿੱਚ ਔਸਤਨ ਪ੍ਰਤੀ ਮਹੀਨਾ 100 ਤੋਂ 150 ਮਾਮਲੇ ਤੱਕ ਆਉਂਦੇ ਸਨ.ਲਾਕਡਾਊਨ ਦੇ ਦੌਰਾਨ ਮਹਿਜ 20 ਤੋਂ 30 ਮਾਮਲੇ ਆਏ ਹਨ l
ਏਮਜ਼ ਹਸਪਤਾਲ ਦੇ ਟਰਾਮਾ ਸੈਂਟਰ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਟਰਾਮਾ ਸੈਂਟਰ ਵਿੱਚ ਇੱਕ ਮਹੀਨੇ ਵਿੱਚ ਸੜਕ ਦੁਰਘਟਨਾ ਦੇ ਸਿਰਫ 20 ਮਾਮਲੇ ਆਏ ਹਨ l ਇਨ੍ਹਾਂ ਵਿੱਚ ਜ਼ਿਆਦਾ ਲੋਕਾਂ ਨੂੰ ਇੱਕ ਦੋ ਦਿਨ ਵਿੱਚ ਹੀ ਛੁੱਟੀ ਦੇ ਦਿੱਤੀ ਗਈ ਸੀ l ਏਮਜ਼ ਦੇ ਟਰਾਮਾ ਸੈਂਟਰ ਵਿੱਚ ਨਰਸਿੰਗ ਅਫਸਰ ਮਦਨ ਲਾਲ ਦੱਸਦੇ ਹਨ ਕਿ ਹਸਪਤਾਲ ਵਿੱਚ 22 ਫਰਵਰੀ ਤੋਂ 22 ਮਾਰਚ ਤੱਕ ਕਰੀਬ 240 ਤੋਂ 250 ਲੋਕ ਦਾਖਲ ਹੋਏ ਸਨ l ਇਨ੍ਹਾਂ ਵਿੱਚ ਕਰੀਬ 110 ਮਾਮਲੇ ਦੁਰਘਟਨਾ ਦੇ ਸਨ ਪਰ ਪਿਛਲੇ ਸਵਾ ਮਹੀਨੇ ਵਿੱਚ ਦੁਰਘਟਨਾ ਦੇ ਸਿਰਫ 15 ਮਾਮਲੇ ਆਏ ਹਨ l ਲੇਡੀ ਹਾਰਡਿੰਗ ਹਸਪਤਾਲ ਦੇ ਟਰਾਮਾ ਸੈਂਟਰ ਵਿੱਚ ਦਾਖਲ ਹੋਣ ਵਾਲੇ ਮਰੀਜ਼ਾਂ ਦੀ ਸੰਖਿਆ ਵਿੱਚ ਪਿਛਲੇ ਇੱਕ ਮਹੀਨੇ ਵਿੱਚ 80 ਫੀਸਦੀ ਤੱਕ ਦੀ ਕਮੀ ਆਈ ਹੈ l ਹਸਪਤਾਲ ਵਿੱਚ ਜਿੱਥੇ ਪਹਿਲਾਂ 150 ਤੋਂ 200 ਕੇਸ ਆਉਂਦੇ ਸਨ, ਪਿਛਲੇ ਸਵਾ ਮਹੀਨੇ ਵਿੱਚ ਸਿਰਫ 40 ਕੇਸ ਆਏ ਹਨ l
ਲਾਕਡਾਊਨ ਦੇ ਦੌਰਾਨ ਹਸਪਤਾਲਾਂ ਦੇ ਟਰਾਮਾ ਸੈਂਟਰ ਵਿੱਚ ਆਪਸੀ ਹਿੰਸਾ ਨਾਲ ਜੁੜੇ ਕਾਫੀ ਮਾਮਲੇ ਪਹੁੰਚੇ l ਏਮਜ਼ ਦੇ ਟਰਾਮਾ ਸੈਂਟਰ ਵਿੱਚ ਪਿਛਲੇ ਇੱਕ ਮਹੀਨੇ ਵਿੱਚ 50 ਤੋਂ 70 ਮਰੀਜ਼ ਦਾਖਲ ਹੋੲ, ਜਿਨ੍ਹਾਂ ਵਿੱਚ 40 ਤੋਂ ਜ਼ਿਆਦਾ ਆਪਸੀ ਹਿੰਸਾ ਵਿੱਚ ਜ਼ਖ਼ਮੀ ਹੋਏ l ਲੇਡੀ ਹਾਰਡਿੰਗ ਹਸਪਤਾਲ ਵਿੱਚ ਜਿਹੜੇ ਮਰੀਜ਼ ਦਾਖਲ ਹੋਏ ਹਨ, ਉਨ੍ਹਾਂ ਵਿੱਚ ਵੀ 70 ਫੀਸਦੀ ਤੋਂ ਜ਼ਿਆਦਾ ਆਪਸੀ ਅਤੇ ਘਰੇਲੂ ਹਿੰਸਾ ਦੇ ਹਨ l