ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਤੱਕ ਹੁਣ ਜਲੰਧਰ ਦੀ ਉਸ ਕੁੜੀ ਨੂੰ ਬਣਦਾ ਸਨਮਾਨ ਦੇਣ ਦਾ ਮਸਲਾ ਪਹੁੰਚਣ ਲੱਗ ਗਿਆ ਹੈ ਜਿਸ ਕੁੜੀ ਨੂੰ ਲੁੱਟ ਖੋਟ ਕਰਨ ਵਾਲੇ ਬਦਮਾਸ਼ ਨੇ ਉਸ ਦਾ ਮੋਬਾਇਲ ਖੋਹਣ ਦੀ ਕੋਸ਼ਿਸ਼ ਕੀਤੀ ਸੀ ਤਾਂ ਕੁੜੀ ਨੇ ਉਹਨਾਂ ਨੂੰ ਦਿਨੇ ਤਾਰੇ ਵਿਖਾ ਦਿੱਤੇ ਸਨ।
ਕੁੜੀ ਵੱਲੋਂ ਜਿੱਥੇ ਆਪਣਾ ਸੇਲਫ ਡਿਫੈਸ ਕੀਤਾ ਗਿਆ ਸੀ ਤਾਂ ਦੂਸਰੇ ਪਾਸੇ ਇਕ ਲੁਟੇਰੇ ਨੂੰ ਵੀ ਫੜ ਲਿਆ ਗਿਆ ਸੀ,ਇਸ ਸਾਰੀ ਲੜਾਈ ‘ਚ ਲੜਕੀ ਕੁਸਮ ਦੇ ਸੱਟ ਵੀ ਲੱਗੀ ਜਿਸ ਲਈ ਹੁਣ ਉਹ ਜ਼ੇਰੇ ਇਲਾਜ ਹੈ। ਕੁਸਮ ਨੂੰ ਮਿਲਣ ਲਈ ਹੁਣ ਕਈ ਪਾਰਟੀਆਂ ਦੇ ਨੇਤਾ ਵੀ ਆ ਰਹੇ ਹਨ ਜਿਸ ਦੇ ਚਲਦਿਆਂ ਆਪ ਦੇ ਨੇਤਾ ਹਰਪਾਲ ਚੀਮਾ ਵੱਲੋਂ ਲੜਕੀ ਨੂੰ ਐਵਾਰਡ ਦੇਣ ਦੀ ਮੰਗ ਕੀਤੀ ਜਾ ਰਹੀ ਹੈ।
ਚੀਮਾ ਨੇ ਪੰਜਾਬ ਸਰਕਾਰ ਨੂੰ ਇਸ ਲਈ ਕੇਂਦਰ ਸਰਕਾਰ ਨੂੰ ਸਿਫਾਰਿਸ਼ ਕਰ ਬਹਾਦਰ ਲੜਕੀ ਦਾ ਬਣਦਾ ਸਨਮਾਨ ਦੇਣ ਦੀ ਗੱਲ ਕੀਤੀ ਗਈ ਤਾਂ ਜੋ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਹੋਣ ‘ਤੇ ਟੱਕਰ ਲੈਣ ਦਾ ਹੌਂਸਲਾ ਮਿਲ ਸਕੇ।
