ਮਾਮਲਾ ਹੈ ਜਲੰਧਰ ਦੇ ਪਾਸ਼ ਇਲਾਕੇ ਗ੍ਰੀਨ ਮਾਡਲ ਟਾਊਨ ’ਚ ਇਨੋਸੈਂਟ ਹਾਰਟ ਸਕੂਲ ਨਾਲ ਲੱਗਦੇ ਪੀਐੱਨਬੀ ਬੈਂਕ ’ਦਾ ਜਿੱਥੇ ਸਵੇਰੇ ਹਥਿਆਰਬੰਦ ਲੁਟੇਰਿਆਂ ਨੇ ਨਾਟਕੀ ਢੰਗ ਨਾਲ ਇਕ ਦੇਸੀ ਕੱਟੇ, ਪੇਚਕਸ ਤੇ ਦਾਤਰ ਦੇ ਜ਼ੋਰ ’ਤੇ 16.93 ਲੱਖ ਰੁਪਏ ਲੁੱਟ ਲਏ। ਘਟਨਾ ਸਵੇਰੇ ਸਵਾ ਨੌਂ ਵਜੇ ਦੀ ਹੈ |
ਸਵੇਰੇ ਲਗਪਗ 9.15 ਵਜੇ ਬੈਂਕ ਦਾ ਸਫਾਈ ਮੁਲਾਜ਼ਮ ਅਮਿਤ ਕੁਮਾਰ ਬੈਂਕ ਪੁੱਜਾ ਸੀ। ਜਿਵੇਂ ਹੀ ਉਸ ਨੇ ਬੈਂਕ ਦਾ ਦਰਵਾਜ਼ਾ ਖੋਲ੍ਹਿਆ ਤਾਂ ਪਿੱਛਿਓਂ ਆਏ ਤਿੰਨ ਨੌਜਵਾਨਾਂ ਨੇ ਉਸ ਨੂੁੰ ਹਥਿਆਰਾਂ ਦੇ ਜ਼ੋਰ ’ਤੇ ਬੰਦੀ ਬਣਾ ਕੇ ਉਸ ਕੋਲੋਂ ਬੈਂਕ ਦੇ ਚੈਸਟ ਦੀਆਂ ਚਾਬੀਆਂ ਮੰਗਣੀਆਂ ਸ਼ੁਰੂ ਕਰ ਦਿੱਤੀਆਂ। ਇਸ ਦੌਰਾਨ ਲੁਟੇਰਿਆਂ ਨੇ ਬੈਂਕ ਦੇ ਸਫਾਈ ਮੁਲਾਜ਼ਮ ਨਾਲ ਕੁੱਟਮਾਰ ਵੀ ਕੀਤੀ।
ਬੈਂਕ ‘ਚ ਹੋਈ 16.93 ਲੱਖ ਰੁਪਏ ਦੀ ਲੁੱਟ; ਲੁਟੇਰੇ ਸੀਸੀਟੀਵੀ ਕੈਮਰੇ ਤੇ ਡੀਵੀਆਰ ਵੀ ਲੈ ਗਏ ਨਾਲ
