ਪਟਿਆਲਾ : ਪਿੰਡ ਬਰਕਤਪੁਰ ਵਿੱਚ ਵਿਆਹ ਦੇ 3 ਸਾਲ ਬਾਅਦ ਵੀ ਬੱਚਾ ਨਾ ਹੋਣ ਅਤੇ ਦਹੇਜ ਦੀ ਮੰਗ ਨੂੰ ਲੈ ਕੇ ਪਤਨੀ ਦੀ ਗਲਾ ਘੋਟ ਕੇ ਹਤਿਆ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਥਾਣਾ ਜੁਲਕਾਂ ਪੁਲਿਸ ਨੇ ਮਾਮਲੇ ਵਿੱਚ ਮ੍ਰਿਤਕਾ ਦੇ ਪਤੀ ਸਮੇਤ 4 ਲੋਕਾਂ ਖਿਲਾਫ਼ ਦਾਜ ਅਤੇ ਹਤਿਆ ਦਾ ਕੇਸ ਦਰਜ ਕਰ ਲਿਆ ਹੈ। ਪਰ ਹਲੇ ਕਿਸੀ ਮੁਲਜ਼ਮ ਦੀ ਗਿਰਫਤਾਰੀ ਨਹੀਂ ਹੋ ਸਕੀ ਹੈ।
ਪੁਲਿਸ ਮੁਤਾਬਿਕ ਪਿੰਡ ਮੁਰਾਦਮਾਜਰਾ ਦੀ ਪਿੰਕੀ ਰਾਣੀ ਦਾ ਵਿਆਹ 3 ਸਾਲ ਪਹਿਲਾਂ ਪਿੰਡ ਬਰਕਤਪੁਰ ਦੇ ਚਰਨਜੀਤ ਸਿੰਘ ਨਾਲ ਹੋਇਆ ਸੀ। ਵਿਆਹ ਤੋਂ ਬਾਅਦ ਹੁਣ ਤੱਕ ਬੱਚਾ ਪੈਦਾ ਨਹੀਂ ਹੋਇਆ।ਦੋਸ਼ ਹੈ ਕਿ ਇਸ ਗੱਲ ਅਤੇ ਦਹੇਜ ਦੀ ਮੰਗ ਨੂੰ ਲੈ ਕੇ ਸਹੁਰਾ ਪਰਿਵਾਰ ਵਲੋਂ ਉਸ ਨੂੰ ਕਾਫੀ ਤੰਗ ਪਰੇਸ਼ਾਨ ਕੀਤਾ ਜਾਂਦਾ ਸੀ। ਜਾਣਕਾਰੀ ਮੁਤਾਬਕ ਮੰਗਲਵਾਰ ਨੂੰ ਸਹੁਰੇ ਪਰਿਵਾਰ ਨੇ ਪਿੰਕੀ ਰਾਣੀ ਦੇ ਪੇਕੇ ਪਰਿਵਾਰ ਨੂੰ ਫੋਨ ਕੀਤਾ ਕਿ ਉਹਨਾਂ ਦੀ ਕੁੜੀ ਦੀ ਅਚਾਨਕ ਮੌਤ ਹੋ ਗਈ ਹੈ।
ਇਸ ਉਪਰੰਤ ਰੋਂਦੇ ਪਿਟਦੇ ਪੇਕੇ ਪਰਿਵਾਰ ਵਾਲੇ ਜਦੋਂ ਪਿੰਡ ਬਰਕਤਪੁਰ ਪਿੰਕੀ ਦੇ ਸਹੁਰੇ ਘਰ ਪਹੁੰਚੇ ਤਾਂ ਦੇਖਿਆ ਕਿ ਉਹਨਾਂ ਦੀ ਕੁੜੀ ਮਰੀ ਪਈ ਸੀ ਅਤੇ ਉਸਦੇ ਗਲੇ ‘ਤੇ ਦੱਬਣ ਦੇ ਨਿਸ਼ਾਨ ਸਨ। ਪੇਕੇ ਪਰਿਵਾਰ ਵਾਲਿਆਂ ਦਾ ਇਲਜ਼ਾਮ ਹੈ ਕਿ ਉਹਨਾਂ ਦੀ ਕੁੜੀ ਦੀ ਸਹੁਰੇ ਪਰਿਵਾਰ ਵਾਲਿਆਂ ਨੇ ਹਤਿਆ ਕੀਤੀ ਹੈ। ਸੂਚਨਾ ਮਿਲਣ ਤੇ ਪੁਲਿਸ ਮੌਕੇ ਤੇ ਪਹੁੰਚੀ ਅਤੇ ਵਿਆਹੁਤਾ ਦੇ ਭਰਾ ਵਿਜੈ ਕੁਮਾਰ ਵਾਸੀ ਮੁਰਾਦਮਾਜਰਾ ਦੇ ਬਿਆਨ ਤੇ ਪਤੀ ਚਰਨਜੀਤ ਸਿੰਘ, ਸਾਸ ਫੂਲ ਕੌਰ, ਸਹੁਰਾ ਤਰਸੇਮ ਸਿੰਘ, ਦਾਦੀ ਸਾਸ ਚਮਬੀ ਦੇਵੀ ਦੇ ਖਿਲਾਫ ਦਹੇਜ, ਹਤਿਆ ਦੇ ਇਲਜ਼ਾਮ ਵਿੱਚ ਕੇਸ ਦਰਜ ਕਰ ਲਿਆ ਹੈ। ਥਾਣਾ ਜੁਲਕਾਂ ਦੇ ਇੰਚਾਰਜ ਸੁਰਿੰਦਰ ਸਿੰਘ ਮੁਤਾਬਿਕ ਫਿਲਹਾਲ ਸਾਰੇ ਮੁਲਜ਼ਮ ਫਰਾਰ ਹਨ, ਜਿਹਨਾਂ ਦੀ ਤਲਾਸ਼ ਕੀਤੀ ਜਾ ਰਹੀ ਹੈ।
ਵਿਆਹ ਤੋਂ 3 ਸਾਲ ਬਾਅਦ ਤੱਕ ਔਰਤ ਦੇ ਨਹੀਂ ਹੋਇਆ ਬੱਚਾ, ਫੇਰ ਦੇਖੋ ਸਹੁਰਾ ਪਰਿਵਾਰ ਕਿਵੇਂ ਬਣਿਆ ਚੰਡਾਲ !
