ਫਿਰੋਜ਼ਪੁਰ : ਫਾਸਟ ਐਂਡ ਕਿਊਰਿਅਸ ਫਿਲਮ ਦੀ ਤਰਜ਼ ‘ਤੇ ਬੈਂਕ ਤੋਂ ਸੇਫ ਅਤੇ ਏਟੀਐਮ ਦੀ ਚੋਰੀ ਦੀ ਵਾਰਦਾਤਾਂ ਨੂੰ ਅੰਜ਼ਾਮ ਦੇਣ ਵਾਲੇ ਗਿਰੋਹ ਦਾ ਸਰਗਨਾ ਉਸੀ ਬੈਂਕ ਦਾ ਪੁਰਾਣਾ ਗਾਰਡ ਹੈ ਜਿਸ ਵਿੱਚ ਉਨ੍ਹਾਂ ਨੇ 6 ਫਰਵਰੀ ਨੂੰ ਸੇਫ ਚੋਰੀ ਦੀ ਘਟਨਾ ਨੂੰ ਅੰਜ਼ਾਮ ਦਿੱਤਾ l ਗਿਰੋਹ ਦਾ ਸਰਗਨਾ ਕਰੀਬ 1 ਮਹੀਨੇ ਪਹਿਲਾਂ ਹੀ ਗਾਰਡ ਦੀ ਨੌਕਰੀ ਛੱਡ ਕੇ ਗਿਆ ਸੀ l ਬੈਂਕ ਦੇ ਚੱਪੇ ਚੱਪੇ ਦੀ ਜਾਣਕਾਰੀ ਤੋਂ ਵਾਕਿਫ ਹੋਣ ਦਾ ਫਾਇਦਾ ਚੱਕਦੇ ਹੋਏ ਉਸ ਨੇ ਪਿੰਡ ਭਾਗੋਕੇ ਸਥਿਤ ਐਚਡੀਐਫਸੀ ਬੈਂਕ ਤੋਂ ਸੇਫ ਚੋਰੀ ਕੀਤਾ ਪਰ ਉਹ ਬਹੁਤ ਮਸ਼ਕਤ ਅਤੇ ਗੈਸ ਕਟਰ ਅਤੇ ਹੋਰ ਉਪਕਰਣਾਂ ਦੀ ਸਹਾਇਤਾ ਨਾਲ ਵੀ ਖੁੱਲਿਆ ਨਹੀਂ l ਜੇਕਰ ਸੇਫ ਟੁੱਟ ਜਾਂਦਾ ਤਾਂ ਗਿਰੋਹ ਲੱਖਪਤੀ ਹੋ ਜਾਂਦਾ ਕਿਉਂਕਿ ਬੈਂਕ ਦੇ ਸੇਫ ਵਿੱਚ 15 ਤੋਂ 20 ਲੱਖ ਰੁਪਏ ਦੀ ਨਕਦੀ ਸੀ ਜਿਹੜੀ ਕਿ ਸੇਫ ਦੇ ਨਾ ਟੁੱਟਣ ਤੋਂ ਬਚ ਗਈ l ਇਸ ਮਾਮਲੇ ਵਿੱਚ ਪੁਲਿਸ ਨੇ 4 ਮੁਲਜ਼ਮਾਂ ਨੂੰ ਕਾਬੂ ਕਰਦੇ ਹੋਏ ਗਿਰੋਹ ਦੇ 9 ਮੈਂਬਰਾਂ ‘ਤੇ ਮਾਮਲਾ ਦਰਜ ਕੀਤਾ ਹੈ, ਜਿਸ ਵਿੱਚੋਂ 5 ਮੈਂਬਰ ਹੁਣ ਤੱਕ ਫਰਾਰ ਹਨ l
ਬੈਂਕ ਦਾ ਸਾਬਕਾ ਗਾਰਡ ਹੀ ਨਿਕਲਿਆ ਮਾਸਟਰਮਾਈਂਡ
