ਬਿਨਾਂ ਵੈਰੀਫਿਕੇਸ਼ਨ ਦੇ ਰੱਖਿਆ ਸੀ ਕੰਮ ‘ਤੇ, ਕਰ ਗਿਆ ਆਹ ਕੰਮ

ਲੁਧਿਆਣਾ : ਜਗਦੀਪ ਨਗਰ ਵਿੱਚ ਬਿਨਾ ਪੁਲਿਸ ਵੈਰੀਫਿਕੇਸ਼ਨ ਦੇ ਰੱਖੇ ਨੌਕਰ ਨੇ ਹੌਜ਼ਰੀ ਕਾਰੋਬਾਰੀ ਦੇ ਘਰ ਅਲਮਾਰੀ ਦਾ ਲਾਕ ਖੋਲ ਕੇ ਨਕਦੀ ਚੋਰੀ ਕਰ ਲਈ l ਦੁਪਹਿਰ ਨੂੰ ਜਦ ਕਾਰੋਬਾਰੀ ਘਰ ਆਇਆ ਤਾਂ ਉਸ ਨੂੰ ਵਾਰਦਾਤ ਦਾ ਪਤਾ ਲੱਗਿਆ l ਪੀੜਿਤ ਅਨੁਸਾਰ ਨੌਕਰ ਨੇ ਅਲਮਾਰੀ ਵਿੱਚੋਂ ਕਰੀਬ ਚਾਰ ਲੱਖ ਰੁਪਏ ਦੀ ਨਕਦੀ ਚੋਰੀ ਕੀਤੀ ਹੈ l ਥਾਣਾ ਦਰੇਸੀ ਦੀ ਪੁਲਿਸ ਨੇ ਜਗਦੀਪ ਨਗਰ ਦੇ ਕਾਰਤਿਕ ਸਚਦੇਵਾ ਦੀ ਸ਼ਿਕਾਇਤ ‘ਤੇ ਯੂਪੀ ਦੇ ਸ਼ਿਵਮ ਸਿੰਘ ਦੇ ਖਿਲਾਫ ਮਾਮਲਾ ਦਰਜ ਕੀਤਾ ਹੈ l ਏਐਸਆਈ ਗੁਰਵਿੰਦਰ ਸਿੰਘ ਨੇ ਦੱਸਿਆ ਕਿ ਸ਼ਿਕਾਇਤਕਰਤਾ ਦੀ ਬਾਲ ਸਿੰਘ ਨਗਰ ਵਿੱਚ ਐਮਕੇ ਸਚਦੇਵਾ ਇੰਟਰਪ੍ਰਾਇਜ਼ ਨਾਮ ਤੋਂ ਹੋਜ਼ਰੀ ਫੈਕਟਰੀ ਹੈ l ਉਸ ਨੇ ਫੈਕਟਰੀ ਦੀ ਦੇਖਰੇਖ ਦੇ ਲਈ ਉਕਤ ਮੁਲਜ਼ਮ ਨੂੰ ਰੱਖਿਆ ਹੋਇਆ ਸੀ ਪਰ ਉਹ ਸ਼ਿਕਾਇਤਕਰਤਾ ਦੇ ਘਰ ‘ਤੇ ਬਣਾਏ ਅਲੱਗ ਕਮਰੇ ਵਿੱਚ ਰਹਿੰਦਾ ਸੀ l ਸ਼ਿਕਾਇਤਕਰਤਾ ਅਨੁਸਾਰ ਉਨ੍ਹਾਂ ਦੇ ਪਿਤਾ ਕਰੀਬ ਚਾਰ ਲੱਖ ਰੁਪਏ ਦੀ ਨਗਦੀ ਰੱਖੀ ਸੀ l ਨਗਦੀ ਰੱਖਣ ਦੇ ਦੌਰਾਨ ਮੁਲਜ਼ਮ ਕਮਰੇ ਵਿੱਚ ਹੀ ਮੌਜੂਦ ਸੀ l ਅਲਮਾਰੀ ਲੂੰ ਲਾਕ ਕਰਕੇ ਉਨ੍ਹਾਂ ਨੇ ਚਾਬੀ ਉੱਥੇ ਹੀ ਸਾਈਡ ‘ਤੇ ਰੱਖ ਦਿੱਤੀ ਸੀ l ਅਗਲੇ ਦਿਨ ਸ਼ਿਕਾਇਤਕਰਤਾ ਰੋਜ਼ ਦੀ ਤਰ੍ਹਾਂ ਫੈਕਟਰੀ ਚਲਿਆ ਗਿਆ l ਜਦਕਿ ਮੁਲਜ਼ਮ ਘਰ ਵਿੱਚ ਹੀ ਸੀ l ਇਸ ਦਰਾਨ ਉਸ ਨੇ ਅਲਮਾਰੀ ਦਾ ਲਾਕ ਖੋਲ ਕੇ ਨਗਦੀ ਚੋਰੀ ਕੀਤੀ ਅਤੇ ਫਰਾਰ ਹੋ ਗਿਆ ਸੀ l
ਦੱਸ ਦਈਏ ਕਿ ਜਾਂਚ ਅਫਸਰ ਨੇ ਦੱਸਿਆ ਕਿ ਮੁਲਜ਼ਮ ਸ਼ਿਵਮ ਸਿੰਘ ਨੂੰ ਤਿੰਨ ਸਾਲ ਪਹਿਲਾਂ ਨੌਕਰੀ ‘ਤੇ ਰੱਖਿਆ ਸੀ l ਤਿੰਨ ਸਾਲ ਤੋਂ ਨੌਕਰੀ ਕਰਨ ਦੇ ਬਾਵਜੂਦ ਉਨ੍ਹਾਂ ਨੇ ਇੱਕ ਵਾਰ ਵੀ ਮੁਲਜ਼ਮ ਦੀ ਪੁਲਿਸ ਵੈਰੀਫਿਕੇਸ਼ਨ ਨਹੀ਼ ਕਰਵਾਈ l ਜੇਕਰ ਉਸ ਦੀ ਪੁਲਿਸ ਵੈਰੀਫਿਕੇਸ਼ਨ ਕੀਤੀ ਹੁੰਦੀ ਤਾਂ ਮੁਲਜ਼ਮ ਨੂੰ ਲੱਭਣ ਵਿੱਚ ਆਸਾਨੀ ਰਹਿੰਦੀ l ਫਿਲਹਾਲ ਪੁਲਿਸ ਇਲਾਕੇ ਵਿੱਚ ਲੱਗੇ ਸੀਸੀਟੀਵੀ ਕੈਮਰੇ ਜਾਂਚ ਰਹੀ ਹੈ l