ਰਾਏਬਰੇਲੀ : ਉੱਤਰ ਪ੍ਰਦੇਸ਼ ਦੇ ਰਾਏਬਰੇਲੀ ਜ਼ਿਲ੍ਹੇ ਵਿੱਚ ਕੋਰੋਨਾ ਵਾਇਰਸ ਤੋਂ ਪ੍ਰਭਾਵਿਤ ਰੋਗੀਆਂ ਦਾ ਇਲਾਜ ਕਰਨ ਵਾਲੇ ਸਰਕਾਰੀ ਡਾਕਟਰਾਂ ਅਤੇ ਪੈਰਾਮੈਡੀਕਲ ਸਟਾਫ ਦੇ ਇੱਕ ਸਮੂਹ ਦੁਆਰਾ ਅਵਿਵਸਥਾਵਾਂ ਨਾਲ ਜੁੜੇ ਵੀਡੀਓ ਨੂੰ ਜਾਰੀ ਕਰਨ ਦੇ ਬਾਅਦ ਬੁੱਧਵਾਰ ਰਾਤ ਉਨ੍ਹਾਂ ਨੂੰ ਇੱਕ ਗੈਸਟ ਹਾਊਸ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਹੈ l ਮੈਡੀਕਲ ਸਟਾਫ ਨੂੰ ਐਕਟਿਵ ਕੁਆਰੰਨਟਾਈਨ ਕੀਤਾ ਗਿਆ ਹੈ l ਕੋਰੋਨਾ ਵਾਇਰਸ ਨਾ ਫੈਲੇ, ਇਸ ਵਜ੍ਹਾ ਨਾਲ ਉਹ ਲੋਕ ਆਪਣੇ ਘਰ ਨਹੀਂ ਜਾ ਸਕਦੇ l ਸਰਕਾਰੀ ਸਕੂਲ ਵਿੱਚ ਉਹ ਲੋਕ ਰਹਿ ਰਹੇ ਸਨ ਅਤੇ ਅਵਿਵਸਥਾਵਾਂ ਨੂੰ ਲੈ ਕੇ ਉਨ੍ਹਾਂ ਨੇ ਕਈ ਵੀਡੀਓ ਬਣਾਏ l ਮੈਡੀਕਲ ਸਟਾਡ ਨੇ ਜ਼ਿਲ੍ਹੇ ਦੇ ਮੁੱਖ ਸਿਹਤ ਅਧਿਕਾਰੀ ਡਾਕਟਰ ਐਸਕੇ ਸ਼ਰਮਾ ਨੂੰ ਵੀ ਚਿੱਠੀ ਲਿਖ ਕੇ ਸ਼ਿਕਾਇਤ ਕੀਤੀ l
ਸ਼ਿਕਾਇਤ ਵਿੱਚ ਡਾਕਟਰਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਜ਼ਿਲ੍ਹੇ ਵਿੱਚ ਕੋਰੋਨਾ ਵਾਇਰਸ ਰੋਗੀਆਂ ਦੀ ਦੇਖਭਾਲ ਦੇ ਲਈ ਭੇਜਿਆ ਗਿਆ ਹੈ l ਮੰਗਲਵਾਰ ਸ਼ਾਮ ਨੂੰ ਉਨ੍ਹਾਂ ਨੂੰ ਸਰਕਾਰੀ ਸਕੂਲ ਵਿੱਚ ਬਣਾਏ ਗਏ ਅਸਥਾਈ ਕੁਆਰਟਰ ਮਿਲੇ l ਸਕੂਲ ਹਸਪਤਾਲ ਦੇ ਕੋਲ ਹੈ l ਜਿੱਥੇ ਕੋਵਿਡ-19 ਮਰੀਜ਼ਾਂ ਨੂੰ ਭਰਤੀ ਕੀਤਾ ਗਿਆ ਹੈ l
ਡਾਕਟਰਾਂ ਨੇ ਜਾਰੀ ਕੀਤੀ ਮਾੜੀ ਹਾਲਤ ਦੀ ਵੀਡੀਓ, ਦੇਖਕੇ ਸਰਕਾਰ ਨੂੰ ਪਈਆਂ ਭਾਜੜਾਂ
