ਚੰਡੀਗੜ੍ਹ : ਪੰਜਾਬ ਦੀ ਇੱਕ ਔਰਤ ਪੀਸੀਐਸ ਅਘਸਰ ਨੇ ਇੱਕ ਆਈਏਐਸ ਅਧਿਕਾਰੀ ‘ਤੇ ਗੰਭੀਰ ਇਲਜ਼ਾਮ ਲਾਏ ਹਨ l ਪੀਸੀਐਸ ਅਫਸਰ ਦਾ ਕਹਿਣਾ ਹੈ ਕਿ ਆਈਏਐਸ ਅਫਸਰ ਉਨ੍ਹਾਂ ਦੇ ਵਿਭਾਗ ਵਿੱਚ ਡਾਇਰੈਕਟਰ ਦੇ ਅਹੁਦੇ ‘ਤੇ ਤੈਨਾਤ ਹੈ l ਪੀਸੀਐਸ ਔਰਤ ਦਾ ਕਹਿਣਾ ਹੈ ਕਿ ਡਾਇਰੈਕਟਰ ਉਨ੍ਹਾਂ ਨੂੰ ਕਈ ਵਾਰ ਬਾਹਰ ਕਾਫੀ ਪੀਣ ਦੇ ਲਈ ਸੱਦਾ ਦੇ ਚੁੱਕੇ ਹਨ l ਉਸ ਨੇ ਕਿਹਾ ਕਿ ਡਾਇਰੈਕਟਰ ਇਸ ਦੌਰਾਨ ਜੋ ਗੱਲਾਂ ਕਰਦੇ ਹਨ ਉਹ ਠੀਕ ਨਹੀਂ ਹੁੰਦੀਆਂ l
ਔਰਤ ਅਧਿਕਾਰੀ ਨੇ ਆਪਣੇ ਹੈਡ ਕਰਣ ਅਵਤਾਰ ਸਿੰਘ ਨੂੰ ਸ਼ਿਕਾਇਤ ਕੀਤੀ ਤਾਂ ਪੁਸ਼ਟੀ ਕੀਤੀ ਹੈ, ਪਰ ਉਹ ਨਾਮ ਨਹੀਂ ਦੱਸਣਾ ਚਾਹੁੰਦੀ l ਉਨ੍ਹਾਂ ਨੇ ਬੀਤੇ ਦਿਨੀਂ ਪੀਸੀਐਸ ਦੇ ਅਹੁਦੇਦਾਰਾਂ ਅਤੇ ਮੁੱਖ ਚੇਅਰਮੈਨ ਨਾਲ ਵੀ ਮੁਲਾਕਾਤ ਕੀਤੀ l ਮੌਖਿਕ ਰੂਪ ਨਾਲ ਉਨ੍ਹਾਂ ਨੇ ਆਪਣੀ ਸ਼ਿਕਾਇਤ ਦਰਜ ਕਰਵਾਈ l
ਔਰਤ ਅਧਿਕਾਰੀ ਦਾ ਕਹਿਣਾ ਹੈ ਕਿ ਉਹ ਆਪਣੇ ਹੱਕ ਦੀ ਲੜਾਈ ਜ਼ਰੂਰ ਲੜੇਗੀ l ਉੱਚ ਅਹੁਦੇ ਦੇ ਸੂਤਰਾਂ ਅਨੁਸਾਰ ਸਰਕਾਰ ਨੇ ਇਸ ਸ਼ਿਕਾਇਤ ਨੂੰ ਗੰਭੀਰਤਾ ਨਾਲ ਲਿਆ ਹੈ ਅਤੇ ਮੁਲਜ਼ਮ ਅਧਿਕਾਰੀ ਖਿਲਾਫ ਕਾਰਵਾਈ ਬਾਰੇ ਸੋਚਿਆ ਜਾ ਰਿਹਾ ਹੈ l ਦੂਜੇ ਪਾਸੇ ਇਸ ਸੰਬੰਧ ਵਿੱਚ ਵਾਰ ਵਾਰ ਕੋਸ਼ਿਸ਼ ਕਰਨ ਦੇ ਬਾਵਜੂਦ ਮੁਖੀ ਨਾਲ ਸੰਪਰਕ ਨਹੀਂ ਹੋ ਰਿਹਾ l
ਔਰਤ ਪੀਸੀਐਸ ਨੇ ਆਈਏਐਸ ਅਫਸਰ ‘ਤੇ ਲਾਏ ਗੰਭੀਰ ਦੋਸ਼, ਕਿਹਾ ਕੌਫੀ ‘ਤੇ ਬੁਲਾ ਕੇ ਕਰਦਾ ਹੈ ਗੰਦੀਆਂ ਗੱਲਾਂ
