ਫਿਰੋਜ਼ਪੁਰ : ਘਰ ਤੋਂ ਦੁਕਾਨ ‘ਤੇ ਖਾਣ ਪੀਣ ਦੀ ਚੀਜ਼ ਲੈ ਕੇ ਆ ਰਹੀ ਨੌਂ ਸਾਲਾ ਬੱਚੀ ਨੂੰ ਕੈਂਟਰ ਵਿੱਚ ਬਿਠਾ ਕੇ ਨਹਿਰ ਦੇ ਕੋਲ ਸੁੰਨਸਾਨ ਜਗ੍ਹਾ ‘ਤੇ ਲੈ ਜਾ ਕੇ ਇੱਕ ਵਿਅਕਤੀ ਨੇ ਉਸ ਦੇ ਨਾਲ ਕੁਕਰਮ ਕੀਤਾ l ਬੱਚੀ ਨੂੰ ਨਾਜ਼ੁਕ ਹਾਲਤ ਵਿੱਚ ਹਸਪਤਾਲ ਭਰਤੀ ਕਰਵਾਇਆ ਗਿਆ l ਥਾਣਾ ਸਦਰ ਜ਼ੀਰਾ ਪੁਲਿਸ ਨੇ ਸ਼ੁੱਕਰਵਾਰ ਨੂੰ ਪੀੜਿਤ ਪਰਿਵਾਰ ਦੀ ਸ਼ਿਕਾਇਤ ‘ਤੇ ਮੁਲਜ਼ਮ ਦੇ ਖਿਲਾਫ ਮਾਮਲਾ ਦਰਜ ਕਰਕੇ ਕੈਂਟਰ ਕਬਜ਼ੇ ਵਿੱਚ ਲੈ ਲਿਆ l ਮੁਲਜ਼ਮ ਫਰਾਰ ਹੈ l
ਪੀੜਿਤ ਬੱਚੀ ਦੇ ਪਿਤਾ ਨੇ ਪੁਲਿਸ ਨੂੰ ਦਿੱਤੇ ਬਿਆਨ ਵਿੱਚ ਕਿਹਾ ਕਿ ਉਨ੍ਹਾਂ ਦੀ ਕੁੜੀ 9 ਸਾਲ ਦੀ ਹੈ l ਸ਼ਾਮ 5 ਵਜੇ ਦੇ ਕਰੀਬ ਪੈਸੇ ਲੈ ਕੇ ਘਰ ਤੋਂ ਦੁਕਾਨ ‘ਤੇ ਖਾਣਪੀਣ ਦੀ ਚੀਜ਼ ਲੈਣ ਗਈ ਸੀ l ਜਦ ਕੁੜੀ ਘਰ ਵਾਪਸ ਆ ਰਹੀ ਸੀ ਤਾਂ ਮੁਲਜ਼ਮ ਮਨਪ੍ਰੀਤ ਸਿੰਘ ਉਸ ਨੂੰ ਰਸਤੇ ਤੋਂ ਹੀ ਆਪਣੇ ਕੈਂਟਰ ਵਿੱਚ ਬਿਠਾ ਕੇ ਨਹਿਰ ਦੇ ਕਿਨਾਰੇ ਸੁੰਨਸਾਨ ਜਗ੍ਹਾ ‘ਤੇ ਲੈ ਗਿਆ l ਕਾਫੀ ਦੇਰ ਤੱਕ ਕੁੜੀ ਘਰ ਨਹੀਂ ਆਈ ਤਾਂ ਉਸ ਨੂੰ ਦੇਖਣ ਦੇ ਲਈ ਪਰਿਵਾਰ ਵਾਲੇ ਦੁਕਾਨ ‘ਤੇ ਗਏ ਪਰ ਕੁੜੀ ਉੱਥੇ ਵੀ ਨਹੀਂ ਸੀ l
ਇਸ ਤੋਂ ਬਾਅਦ ਪਿੰੰਡ ਵਾਲਿਆਂ ਨੇ ਬੱਚੀ ਦੀ ਤਲਾਸ਼ ਸ਼ੁਰੂ ਕਰਦੇ ਹੋਏ ਜਦ ਨਹਿਰ ਦੇ ਕੋਲ ਪਹੁੰਚੇ ਤਾਂ ਦੇਖਿਆ ਮੁਲਜ਼ਮ ਮਨਪ੍ਰੀਤ ਬੱਚੀ ਦੇ ਨਾਲ ਕੁਕਰਮ ਕਰ ਰਿਹਾ ਸੀ l ਲੋਕਾਂ ਨੂੰ ਦੇਖ ਕੇ ਊਹ ਮੌਕੇ ਤੋਂ ਫਰਾਰ ਹੋ ਗਿਆ l ਉੱਧਰ, ਮਾਮਲੇ ਦੀ ਤਫਤੀਸ਼ ਕਰ ਰਹੀ ਸਬ ਇੰਸਪੈਕਟਰ ਸੁਖਬੀਰ ਕੌਰ ਦੇ ਮੁਤਾਬਿਕ ਬੱਚੀ ਦੇ ਪਿਤਾ ਦੇ ਬਿਆਨ ‘ਤੇ ਮੁਲਜ਼ਮ ਮਨਪ੍ਰੀਤ ਸਿੰਘ ਦੇ ਖਿਲਾਫ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ l ਮਨਪ੍ਰੀਤ ਦਾ ਕੈਂਟਰ ਕਬਜ਼ੇ ਵਿੱਚ ਲੈ ਲਿਆ ਗਿਆ ਹੈ l ਮੁਲਜ਼ਮ ਦੀ ਭਾਲ ਜਾਰੀ ਹੈ ‘ਤੇ ਜਲਦ ਹੀ ਉਸ ਨੂੰ ਕਾਬੂ ਕਰ ਲਿਆ ਜਾਵੇਗਾ l
9 ਸਾਲ ਦੀ ਮਾਸੂਮ ਨਾਲ ਕੁਕਰਮ, ਹਾਲਤ ਗੰਭੀਰ, ਖਾਣ ਪੀਣ ਦਾ ਸਮਾਨ ਲੈਣ ਗਈ ਸੀ ਦੁਕਾਨ ‘ਤੇ
