ਦਿਨ ਦਿਹਾੜੇ ਬੈਂਕ ‘ਚ ਹੋਇਆ ਆਹ ਕੰਮ

ਤਰਨਤਾਰਨ : ਰਾਸ਼ਟਰੀ ਮਾਰਗ 54 ‘ਤੇ ਸਥਿਤ ਠਟਿਆਂ ਮਹੰਤਾ ਵਿੱਚ ਐਕਸਿਸ ਬੈਂਕ ਵਿੱਚ ਲੁਟੇਰਿਆਂ ਨੇ ਦਿਨ ਦਿਹਾੜੇ ਧਾਵਾ ਬੋਲ ਦਿੱਤਾ l ਕਾਰ ਸਵਾਰ ਚਾਰ ਲੁਟੇਰੇ ਬੈਂਕ ਵਿੱਚੋਂ 6 ਲੱਖ ਰੁਪਏ ਦੀ ਨਕਦੀ ਲੈ ਕੇ ਫਰਾਰ ਹੋ ਗਏ l ਘਟਨਾ ਦਾ ਪਤਾ ਚੱਲਦਿਆਂ ਹੀ ਪੁਲਿਸ ਨੇ ਇਲਾਕੇ ਵਿੱਚ ਨਾਕਾਬੰਦੀ ਕਰ ਦਿੱਤੀ ਹੈ l ਮੁਲਜ਼ਮਾਂ ਦਾ ਹੁਣ ਤੱਕ ਕੋਈ ਸੁਰਾਗ ਪਤਾ ਨਹੀਂ ਲੱਗਿਆ ਹੈ l ਦੱਸਿਆ ਜਾ ਰਿਹਾ ਹੈ ਕਿ ਲੁਟੇਰਿਆਂ ਨੇ ਬੈਂਕ ਵਿੱਚ ਦਾਖਿਲ ਹੁੰਦੇ ਹੀ ਗਾਰਡ ਨੂੰ ਦਬੋਚ ਲਿਆ ਅਤੇ ਹਥਿਆਰਾਂ ਦੇ ਜ਼ੋਰ ‘ਤੇ ਕੈਸ਼ੀਅਰ ਤੋਂ ਛੇ ਲੱਖ ਦੀ ਨਕਦੀ ਖੋਹ ਲਈ l ਮੁਲਜ਼ਮ ਬਿਨਾਂ ਨੰਬਰ ਵਾਲੀ ਕਾਰ ਵਿੱਚ ਆਏ ਸੀ l ਪੁਲਿਸ ਆਲੇ ਦੁਆਲੇ ਦੇ ਸੀਸੀਟੀਵੀ ਫੁਟੇਜ ਲੱਭ ਰਹੀ ਹੈ l ਘਟਨਾ ਸ਼ੁੱਕਰਵਾਰ ਦੁਪਹਿਰ ਦੀ ਹੈ.ਲੁਟੇਰੇ ਸਵਿਫਟ ਕਾਰ ਵਿੱਚ ਸਵਾਰ ਹੋ ਕੇ ਆਏ ਸਨ l ਜਾਂਦੇ ਸਮੇਂ ਲੁਟੇਰੇ ਬੈਂਕ ਵਿੱਚ ਲੱਗੇ ਸੀਸੀਟੀਵੀ ਦੀ ਡੀਵੀਆਰ ਵੀ ਪੱਟ ਕੇ ਨਾਲ ਲੈ ਗਏ l ਇਸ ਸੰਬੰਧੀ ਨੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ l