ਮੋਗਾ : ਭਾਣਜੀ ਦੀ ਮੌਤ ਦੇ ਭੋਗ ਵਿੱਚ ਸ਼ਾਮਿਲ ਹੋਣ ਦੇ ਲਈ ਇੱਕ ਪਰਿਵਾਰ ਦੇ ਲੋਕ ਜੀਪ ਵਿੱਚ ਨਵਾਂਸ਼ਹਿਰ ਜਾ ਰਹੇ ਸਨ l ਜੀਪ ਸਮਾਲਸਰ ਦੇ ਨੇੜੇ ਸੜਕ ‘ਤੇ ਖੜੇ ਦੋ ਹਾਦਸੇ ਦਾ ਸ਼ਿਕਾਰ ਟਰੱਕਾਂ ਨਾਲ ਜਾ ਵੱਜੀ l ਇਸ ਹਾਦਸੇ ਵਿੱਚ ਇੱਕ ਵਿਅਕਤੀ ਦੀ ਮੌਤ, ਜਦਕਿ ਤਿੰਨ ਲੋਕ ਜ਼ਖ਼ਮੀ ਹੋ ਗਏ ਹਨ l ਰਾਜਸਥਾਨ ਦੇ ਪਦਮਪੁਰ ਨਿਵਾਸੀ ਦਾਰਾ ਸਿੰਘ ਨੇ ਦੱਸਿਆ ਕਿ ਉਸ ਦੀ ਨਵਾਂਸ਼ਹਿਰ ਵਿੱਚ ਰਹਿਣ ਵਾਲੀ ਭਾਣਜੀ ਦੀ ਕੁਝ ਦਿਨ ਪਹਿਲਾਂ ਮੌਤ ਹੋ ਗਈ ਸੀ l ਉਸ ਦੇ ਭੋਗ ਵਿੱਚ ਆਪਣੇ ਭਾਈਆਂ, ਭੈਣਾਂ ਅਤੇ ਭਾਬੀਆਂ ਨਾਲ ਸ਼ਾਮਿਲ ਹੋਣ ਦੇ ਲਈ ਜੀਪ ਕਿਰਾਏ ‘ਤੇ ਕਰਕੇ ਜਾ ਰਹੇ ਸਨ l ਸ਼ਨੀਵਾਰ ਰਾਤ 2 ਜਦੋਂ ਜੀਪ ਸਮਾਲਸਰ ਦੇ ਨੇੜੇ ਪਹੁੰਚੀ ਤਾਂ ਦੋ ਹਾਦਸੇ ਦਾ ਸ਼ਿਕਾਰ ਹੋਏ ਟਰੱਕਾਂ ਵਿੱਚ ਜਾ ਵੱਜੀ l ਇਸ ਨਾਲ ਭਾਈ ਸੇਵਾ ਸਿੰਘ ਦੀ ਮੌਤ ਹੋ ਗਈ l ਜੀਪ ਚਾਲਕ ਪੁਸ਼ਕਰ, ਭਾਈ ਹਰਦਿਆਲ ਸਿੰਘ ਅਤੇ ਭੈਣ ਗੁਰਮੀਤ ਕੌਰ ਜ਼ਖ਼ਮੀ ਹੋ ਗਏ ਹਨ l
ਭਾਣਜੀ ਦੇ ਭੋਗ ‘ਤੇ ਜਾ ਰਹੇ ਪਰਿਵਾਰ ਦੀ ਜੀਪ ਟਰੱਕਾਂ ਨਾਲ ਵੱਜੀ, ਇੱਕ ਦੀ ਮੌਤ
