ਪੁਲਿਸ ਨੇ ਰੇਡ ਨਹੀਂ ਕੀਤੀ ਤਾਂ ਦੁਕਾਨਦਾਰ ਨੇ ਖੁਦ ਚੋਰ ਫੜ ਕੇ ਪੁਲਿਸ ਨੂੰ ਫੜਾਇਆ

ਲੁਧਿਆਣਾ : ਹੈਬੋਵਾਲ ਮੇਨ ਰੋਡ ‘ਤੇ ਕਰਿਆਨਾ ਦੁਕਾਨ ਵਿੱਚ ਚੋਰੀ ਦੇ ਮਾਮਲੇ ਵਿੱਚ ਦੁਕਾਨ ਮਾਲਿਕ ਨੇ ਚਾਰ ਦਿਨ ਦੀ ਮੁਸ਼ੱਕਤ ਦੇ ਬਾਅਦ ਚੋਰ ਨੂੰ ਖੁਦ ਲੱਭਿਆ ਅਤੇ ਪੁਲਿਸ ਦੇ ਹਵਾਲੇ ਕੀਤਾ l ਪੁਲਿਸ ਨੇ ਇਸ ਮਾਮਲੇ ਵਿੱਚ ਪਹਿਲਾਂ ਤਾਂ ਐਫਆਈਆਰ ਕਰਨ ਦੀ ਬਜਾਏ ਮੁਲਜ਼ਮ ਦੇ ਫੜੇ ਜਾਣ ਦੇ ਬਾਅਦ ਹੀ ਜਾਂਚ ਸ਼ੁਰੂ ਕੀਤੀ l ਮੁਲਜ਼ਮ ਦੀ ਪਹਿਚਾਣ ਗੋਪਾਲ ਨਗਰ ਵਾਸੀ ਸ਼ੰਕਰ ਦੇ ਰੂਪ ਵਿੱਚ ਹੋਈ ਹੈ l ਪੁਲਿਸ ਨੇ ਉਸ ਕੋਲੋਂ 700 ਰੁਪਏ ਵੀ ਰਿਕਵਰ ਕੀਤੇ ਹਨ, ਜਦਕਿ ਪੁੱਛਗਿਛ ਜ਼ਾਰੀ ਹੈ l ਪੀੜਿਤ ਸਤਨਾਮ ਸਿੰਘ ਨੇ ਦੱਸਿਆ ਕਿ ਆਪਣੀ ਕਰਿਆਨਾ ਸਟੋਰ ਨੂੰ 19 ਫਰਵਰੀ ਦੀ ਰਾਤ ਨੂੰ ਬੰਦ ਕਰਕੇ ਚਲਾ ਗਿਆ l ਸਵੇਰੇ ਜਦ ਆਇਆ ਤਾਂ ਦੇਖਿਆ ਕਿ ਗਲੇ ਵਿੱਚੋਂ 25 ਜ਼ਾਰ ਦੀ ਨਕਦੀ ਚੋਰੀ ਸੀ l ਜਦ ਦੁਕਾਨ ਦੇ ਸਾਹਮਣੇ ਲੱਗੇ ਸੀਸੀਟੀਵੀ ਕੈਮਰੇ ਚੈਕ ਕੀਤੇ ਤਾਂ ਪਤਾ ਲੱਗਿਆ ਕਿ ਚੋਰ ਛੱਤ ਦੇ ਰਸਤੇ ਦੁਕਾਨ ਵਿੱਚ ਵੜਿਆ ਅਤੇ ਚੋਰੀ ਕਰਕੇ ਨਿਕਲ ਗਿਆ l ਉਨ੍ਹਾਂ ਨੇ ਪੁਲਿਸ ਨੂੰ ਸ਼ਿਕਾਇਤ ਕੀਤੀ ਪਰ ਪੁਲਿਸ ਨੇ ਉਸ ਸਮੇਂ ਕੋਈ ਕਾਰਵਾਈ ਨਹੀਂ ਕੀਤੀ l ਸਤਨਾਮ ਨੇ ਕਿਹਾ ਕਿ ਕੁਝ ਦਿਨ ਪਹਿਲਾਂ ਇੱਕ ਦੁਕਾਨ ਵਿੱਚ ਚੋਰੀ ਹੋਈ ਸੀ ਉਸ ਦੇ ਕੋਲ ਜਾ ਕੇ ਫੁਟੇਜ ਚੈਕ ਕੀਤੀ l ਤਦ ਪਤਾ ਲੱਗਿਆ ਕਿ ਇਹ ਉਹੀ ਮੁਲਜ਼ਮ ਹੈ ਜਿਸ ਨੇ ਉਸ ਦੁਕਾਨ ‘ਤੇ ਵੀ ਚੋਰੀ ਕੀਤੀ ਹੈ l ਜਿਸ ਦੇ ਬਾਅਦ ਪੁਲਿਸ ਨੂੰ ਫੋਨ ਕਰਕੇ ਦੱਸਿਆ ਤਾਂ ਪੁਲਿਸ ਮੁਲਾਜ਼ਿਮ ਬੋਲਿਆ, ਹੁਣ ਨੀਂ ਮੈਂ ਸਵੇਰੇ 6 ਵਜੇ ਰੇਡ ਕਰਨ ਜਾਊਂਗਾ l ਪੀਸੀਆਰ ਨੇ ਉਸ ਸਮੇਂ ਉੱਥੇ ਖੜੇ ਨੌਜਵਾਨ ਨੂੰ ਪੁੱਛਿਆ ਵੀ ਸੀ ਕਿ ਇੱਥੇ ਕੀ ਕਰ ਰਿਹਾ ਹੈ ਤਾਂ ਉਹ ਕਹਿੰਦਾ ਆਟੋ ਦਾ ਇੰਤਜ਼ਾਰ ਕਰ ਰਿਹਾ ਹਾਂ l ਜਿਸ ਤੋਂ ਬਾਅਦ ਉਸ ਨੇ ਹੀ ਚੋਰੀ ਕੀਤੀ l