ਬੱਲੇ ਓਏ ਚੋਰਾ ਨਹੀਂ ਰੀਸਾਂ ਤੇਰੀਆਂ, ਪੁਲਿਸ ਵਾਲਿਆਂ ਦੇ ਸਾਹਮਣੇ ਹੀ ਉਨ੍ਹਾਂ ਦਾ ਬੈਗ ਚੱਕ ਕੇ ਉੱਡ ਲਿਆ ? ਦੇਖੋ ਫੇਰ ਕਿਵੇਂ ਆਇਆ ਕਾਬੂ ? 

ਜਲੰਧਰ : ਜਲੰਧਰ ਵਿੱਚ ਲੰਘੇ ਦਿਨ ਲੋਕਾਂ ਦੀ ਸੁਰੱਖਿਆ ਲਈ ਪਹਿਰਾ ਦੇ ਰਹੀ ਪੁਲਿਸ ਖੁਦ ਚੋਰੀ ਦਾ ਸ਼ਿਕਾਰ ਹੋ ਗਈ। ਦੱਸ ਦਈਏ ਕਿ ਉਥੇ ਮੌਜੂਦ ਲੋਕਾਂ ਨੇ ਦਸਿਆ ਕਿ ਅਚਾਨਕ ਇਕ ਨੌਜਵਾਨ ਨਾਕੇ ਤੇ ਤੈਨਾਤ ਹੈਡ ਕਾਂਸਟੇਬਲ ਦਾ ਬੈਗ ਚੱਕ ਕੇ ਭੱਜ ਲਿਆ। ਜਿਵੇਂ ਹੀ ਪੁਲਿਸ ਵਾਲਿਆਂ ਨੂੰ ਇਸਦਾ ਪਤਾ ਲੱਗਿਆ, ਤੁਰੰਤ ਪਿੱਛਾ ਕਰਕੇ ਉਸ ਨੌਜਵਾਨ ਨੂੰ ਕਾਬੂ ਕੀਤਾ ਗਿਆ।
ਜਿਕਰਯੋਗ ਹੈ ਕਿ ਇਹ ਘਟਨਾ ਬਾਬੂ ਜਗਜੀਵਨ ਰਾਮ ਚੌਕ ਦੀ ਹੈ। ਇੱਥੇ ਨਾਕੇ ‘ਤੇ ਪੁਲਿਸ ਮੁਲਾਜ਼ਮ ਆਪਣੀ ਡਿਊਟੀ ਕਰ ਰਹੇ ਸਨ। ਇਸੀ ਦੌਰਾਨ ਹੈਡ ਕਾਂਸਟੇਬਲ ਸੁਖਦੇਵ ਸਿੰਘ ਦਾ ਬੈਗ ਟੇਬਲ ‘ਤੇ ਰੱਖਿਆ ਹੋਇਆ ਸੀ। ਅਚਾਨਕ ਇਕ ਨੌਜਵਾਨ ਇਸ ਬੈਗ ਨੂੰ ਚੁੱਕ ਕੇ ਭੱਜ ਲਿਆ। ਨਾਲ ਹੀ ਪੁਲਿਸ ਨੂੰ ਵੀ ਉਸ ਨੌਜਵਾਨ ਦੀ ਇਸ ਹਰਕਤ ਦਾ ਪਤਾ ਲਗ ਗਿਆ।
ਹੈਡ ਕਾਂਸਟੇਬਲ ਸੁਖਦੇਵ ਸਿੰਘ ਨੇ ਦਸਿਆ ਕਿ ਡਿਊਟੀ ਦੌਰਾਨ ਉਸਦਾ ਬੈਗ ਟੇਬਲ ‘ਤੇ ਪਿਆ ਸੀ, ਇੱਕ ਨੌਜਵਾਨ ਬੈਗ ਚੁੱਕ ਕੇ ਭੱਜ ਗਿਆ। ਪਿੱਛਾ ਕਰਕੇ ਉਸਨੂੰ ਕਾਬੂ ਕੀਤਾ ਅਤੇ ਥਾਣਾ ਡਿਵੀਜ਼ਨ 5 ਦੇ ਡਿਊਟੀ ਅਫਸਰ ਨੂੰ ਸੌਂਪ ਦਿੱਤਾ ਗਿਆ।