ਤਿਉਹਾਰਾਂ ਦੇ ਸੀਜ਼ਨ ਤੋਂ ਪਹਿਲਾਂ ਰਿਜ਼ਰਵ ਬੈਂਕ ਦੀ ਮੁਦਰਾ ਕਮੇਟੀ (ਐਸਪੀਸੀ) ਬੈਠਕ ਦੇ ਨਤੀਜੇ ਦਾ ਐਲਾਨ ਹੋ ਗਿਆ ਹੈ। ਆਰਬੀਆਈ ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਪ੍ਰੈਸ ਕਾਂਨਫ੍ਰੰਸ ਦੇ ਜ਼ਰੀਏ ਬੈਠਕ ਦੇ ਨਤੀਜੇ ਦੇ ਬਾਰੇ ‘ਚ ਜਾਣਕਾਰੀ ਦਿੱਤੀ।
ਆਰਬੀਆਈ ਗਵਰਨ ਨੇ ਕਿਹਾ ਕਿ ਉਮੀਦ ਹੈ, ਕਿ ਚਾਲੂ ਵਿੱਤੀ ਸਾਲ ਦੀ ਆਖਰੀ ਤਿਮਾਹੀ ‘ਚ ਜੀਡੀਪੀ ਗ੍ਰੌਥ ਪੌਜ਼ੇਟਿਵ ‘ਚ ਆ ਜਾਵੇਗਾ। ਉਹਨਾਂ ਨੇ ਕਿਹਾ ਕਿ ਸਾਰੇ ਸੈਕਟਰਾਂ ‘ਚ ਗ੍ਰੋਥ ਵੇਖਣ ਨੂੰ ਮਿਲ ਰਹੀ ਹੈ, ਉਹਨਾਂ ਨੇ ਕਿਹਾ ਕਿ ਕੋਵਿਡ ਰੋਕਣ ‘ਚ ਜਿਆਦਾ ਫੋਕਸ ਰੀਵਾਈਵਲ ‘ਤੇ ਹੈ।
ਇਸੇ ਦੌਰਾਨ ਉਹਨਾਂ ਨੇ ਦੱਸਿਆ ਹੈ ਕਿ ਰੇਪੋ ਰੇਟ ‘ਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ, ਮਤਲਬ ਇਹ ਕੇ ਰੇਪੋ ਰੇਟ ਚਾਰ ਫੀਸਦ ‘ਤੇ ਬਰਕਰਾਰ ਹੈ। ਉਹਨੂੰ ਦੱਸ ਦਈਏ ਕੇ ਤਿਉਹਾਰਾਂ ਨੂੰ ਵੇਖਦੇ ਹੋਏ ਇਹ ਉਮੀਦ ਕੀਤੀ ਜਾ ਰਹੀ ਸੀ ਕੇ ਆਰਬੀਆਈ ਡਿਮਾਂਡ ਵਧਾਉਣ ਦੇ ਲਈ ਰੇਪੋ ਰੇਟ ‘ਤੇ ਕੈਂਚੀ ਚਲਾ ਸਕਦੀ ਹੈ, ਹਾਂਲਾਕਿ ਅਜਿਹਾ ਕੁਝ ਵੀ ਨਹੀਂ ਹੋਇਆ,, ਦੱਸ ਦਈਏ ਕੇ ਬੀਤੇ ਅਗਸਤ ‘ਚ ਆਰਬੀਆਈ ਦੀ ਮੁਦਰਾ ਨੀਤੀ ਕਮੇਟੀ ਦੀ ਬੈਠਕ ‘ਚ ਵੀ ਰੇਪੋ ਰੇਟ ‘ਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਸੀ, ਹਾਂਲਾਕਿ ਕੇਂਦਰੀ ਬੈਂਕ ਇਸ ਤੋਂ ਪਹਿਲਾਂ ਪਿਛਲੇ ਦੋ ਬੈਠਕਾਂ ‘ਚ ਰੇਪੋ ਰੇਟ ‘ਚ 1.15 ਫੀਸਦ ਦੀ ਕਟੌਤੀ ਕਰ ਚੁੱਕਿਆ ਹੈ।
ਤੁਹਾਨੂੰ ਦੱਸ ਦਈਏ ਕੇ ਰਿਜ਼ਰਵ ਬੈਂਕ ਨੇ ਪਹਿਲੀ ਮੁਦਰਾ ਕਮੇਟੀ ਦੀ ਬੈਠਕ ਦਾ ਦਿਨ 28 ਸਤੰਬਰ ਨੂੰ ਰੱਖਿਆ ਸੀ, ਪਰ ਕਮੇਟੀ ਦੇ ਮੈਂਬਰਾਂ ਦੀ ਨਿਯੁਕਤੀ ਦੇ ਕਾਰਨ ਬੈਠਕ ਨੂੰ ਅੱਗੇ ਟਾਲ ਦਿੱਤਾ ਗਿਆ ਸੀ।
