ਪਟਿਆਲਾ : – ਦਿਲ ਨੂੰ ਝੰਜੋੜ ਕੇ ਰੱਖ ਦੇਣ ਵਾਲਾ ਇਹ ਮਾਮਲਾ ਹੈ ਜ਼ਿਲ੍ਹਾ ਪਟਿਆਲਾ ਦੇ ਨਾਭਾ ਬਲਾਕ ਅਧੀਨ ਪੈਂਦੇ ਪਿੰਡ ਫ਼ੈਜ਼ਗੜ੍ਹ ਦਾ, ਜਿੱਥੇ 50 ਸਾਲਾਂ ਕਿਰਨਾ ਨਾਂ ਦੀ ਔਰਤ ਦੇ ਪਹਿਲੇ ਘਰਵਾਲੇ ਦੀ ਮੌਤ ਤੋਂ ਬਾਅਦ ਉਸਨੇ ਇਸ ਪਿੰਡ ਦੇ ਇੱਕ ਵਿਅਕਤੀ ਨਾਲ ਦੂਜਾ ਵਿਆਹ ਕਰਵਾਇਆ ਹੋਇਆ ਸੀ | ਕਿਰਨਾ ਦਾ ਪਹਿਲੇ ਘਰਵਾਲੇ ‘ਚੋਂ ਸਬਰ ਅਲੀ ਨਾਂ ਦਾ 22 ਸਾਲਾਂ ਦਾ ਇੱਕ ਜਵਾਨ ਪੁੱਤ ਸੀ | ਜਾਣਕਾਰੀ ਮੁਤਾਬਿਕ ਕੁੱਝ ਅਬਨਾਰਮਲ ਹੋਣ ਦੇ ਚਲਦਿਆਂ ਸਬਰ ਦੇ ਪਿਤਾ ਨੇ ਮਰਨ ਤੋਂ ਪਹਿਲਾਂ 2 ਕਿੱਲੇ ਜਮੀਨ ਉਸਦੀ ਮਾਂ ਕਿਰਨਾਂ ਦੇ ਨਾਂ ਕਰਵਾ ਦਿੱਤੀ ਸੀ | ਜਿਸਤੋਂ ਸਬਰ ਨਾਰਾਜ਼ ਸੀ | ਸਬਰ ਅਲੀ ਆਪਣੀ ਮਨ ਤੋਂ ਵੱਖ ਰਹਿੰਦਾ ਸੀ ਅਤੇ ਚਾਹੁੰਦਾ ਸੀ ਕਿ ਉਸਦੀ ਮਾਂ ਉਸ ਨਾਲ ਬਾਪ ਦੀ ਜਾਇਦਾਦ ‘ਚ ਆ ਕਰ ਰਹੇ | ਜਿਸ ਕਰਕੇ ਘਰ ‘ਚ ਕਲੇਸ਼ ਚੱਲ ਰਿਹਾ ਸੀ | ਦੱਸਣ ਮੁਤਾਬਿਕ ਸਾਬਰ ਅਲੀ ਮੈਡੀਕਲ ਨਸ਼ਾ ਕਰਦਾ ਸੀ ਅਤੇ ਪ੍ਰੇਸ਼ਾਨ ਰਹਿੰਦਾ ਸੀ | ਬੀਤੇ ਦਿਨ ਉਸਨੇ ਗੁੱਸੇ ‘ਚ ਆਪਣੀ ਮਾਂ ਕਿਰਨਾ ਦੇ ਸਰ ‘ਤੇ ਕਿਸੇ ਚੀਜ਼ ਨਾਲ ਵਾਰ ਕਰ ਕਰਕੇ ਉਸਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ |
ਮਾਂ ਦੇ ਦੂਜੇ ਵਿਆਹ ਤੋਂ ਦੁਖੀ ਨਿਰਦਈ ਪੁੱਤ ਦੀ ਕਰਤੂਤ ਕੈਮਰੇ ‘ਚ ਕੈਦ
