ਨਿਊਜ਼ ਡੈਸਕ : ਅੱਜ ਦੇ ਸਮੇਂ ਵਿੱਚ ਬੱਚਿਆਂ ਨਾਲ ਵੱਧ ਰਹੇ ਮਾਮਲੇ ਰੁਕਣ ਦਾ ਨਾਮ ਹੀ ਨਹੀਂ ਲੈ ਰਹੇ ਹਨ l ਜਿੱਥੇ ਕੁੜੀਆਂ ਨੂੰ ਹਰ ਹਾਲਤ ਵਿੱਚ ਤੰਗ ਪਰੇਸ਼ਾਨ ਕਰਕੇ ਉਨ੍ਹਾਂ ਨਾਲ ਗਲਤ ਹਰਕਤਾਂ ਕੀਤੀਆਂ ਜਾਂਦੀਆਂ ਹਨ, ਉੱਥੇ ਹੀ ਮੁੰਡੇ ਵੀ ਇਨ੍ਹਾਂ ਤੋਂ ਬਚ ਨਹੀਂ ਸਕੇ ਹਨ l ਪਤਾ ਨਹੀਂ ਅਜਿਹੇ ਮਾਮਲੇ ਕਦੋਂ ਰੁਕਣਗੇ ਅਤੇ ਕਦੋਂ ਬੱਚਿਆਂ ਅਤੇ ਕੁੜੀਆਂ ਨੂੰ ਪੂਰੀ ਆਜ਼ਾਦੀ ਮਿਲੇਗੀ l
ਮਿਲੀ ਜਾਣਕਾਰੀ ਅਨੁਸਾਰ ਅਜਿਹਾ ਹੀ ਇੱਕ ਮਾਮਲਾ ਪਾਣੀਪਤ ਵਿੱਚ ਸਾਹਮਣੇ ਆਇਆ ਹੈ l ਪਾਣੀਪਤ ਵਿੱਚ ਬਾਲ ਅਪਰਾਧ ਦਾ ਸਨਸਨੀਖੇਜ ਮਾਮਲਾ ਸਾਹਮਣੇ ਆਇਆ ਹੈ l ਦੋ ਨੌਜਵਾਨਾਂ ਨੇ 11 ਸਾਲ ਦੇ ਬੱਚੇ ਨੂੰ ਪਿਸਤੌਲ ਨਾਲ ਡਰਾ ਕੇ ਪ੍ਰਾਈਵੇਟ ਪਾਰਟ ਵਿੱਚ ਪੈਨਸਿਲ ਪਾ ਦਿੱਤੀ ਅਤੇ ਬਲੈਕਮੇਲ ਕਰ ਕੇ 6 ਮਹੀਨਿਆਂ ਵਿੱਚ 2 ਲੱਖ ਰੁਪਏ ਠੱਗ ਲਏ ਹਨ l ਇਹੀ ਨਹੀਂ, ਮੁਲਜ਼ਮ ਨੌਜਵਾਨ ਛੇਵੀਂ ਜਮਾਤ ਵਿੱਚ ਪੜਨ ਵਾਲੇ ਬੱਚੇ ਨੂੰ ਕਦੀ ਲਾਈਟਰ ਨਾਲ ਜਲਾਉਣ ਤਾਂ ਕਦੀ ਸੂਈਆਂ ਚੁਭਾਉਂਦੇ ਸਨ l ਸੱਟ ਦੇਖ ਕੇ ਪੀੜਿਤ ਦੀ ਮਾਂ ਨੇ ਪੁੱਛਿਆ ਤਾਂ ਬੱਚੇ ਨੇ ਡਰ ਦੇ ਕਾਰਨ ਕੁਝ ਨਹੀਂ ਦੱਸਿਆ ਪਰ ਉਸ ਦੇ ਦੋਸਤ ਨੇ ਵਾਰਦਾਤ ਦੇ ਬਾਰੇ ਵਿੱਚ ਦੱਸ ਦਿੱਤਾ l ਮਾਂ ਨੇ ਮੁਲਜ਼ਮਾਂ ਦੇ ਖਿਲਾਫ ਵੀਰਵਾਰ ਦੇਰ ਰਾਤ ਕੇਸ ਦਰਜ ਕਰਾਇਆ l ਮੁਲਜ਼ਮਾਂ ‘ਤੇ ਐਸਸੀ ਐਸਟੀ ਐਕਟ ਨਹੀਂ ਲਾਉਣ ‘ਤੇ ਸ਼ੁੱਕਰਵਾਰ ਨੂੰ ਰਿਸਤੇਦਾਰਾਂ ਨੇ ਸੈਕਟਰ 29 ਥਾਣੇ ਵਿੱਚ 3 ਘੰਟੇ ਪ੍ਰਦਰਸ਼ਨ ਕੀਤਾ ਤਦ ਪੁਲਿਸ ਨੇ ਧਾਰਾਵਾਂ ਜੋੜੀਆਂ l ਇੱਕ ਮੁਲਜ਼ਮ ਅਕਸ਼ੈ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਹੈ l ਮੁਲਜ਼ਮ ਦਾ ਸਾਥੀ ਯੂਪੀ ਭੱਜ ਗਿਆ l ਪੁਲਿਸ ਨੇ ਬੱਚੇ ਦਾ ਮੈਡੀਕਲ ਕਰਵਾ ਕੇ ਕੋਰਟ ਵਿੱਚ ਬਿਆਨ ਦਰਜ ਕਰਾਏ ਹਨ l
11 ਸਾਲਾ ਬੱਚੇ ਨੂੰ ਪਿਸਤੌਲ ਨਾਲ ਡਰਾ ਕੇ ਗੁਪਤ ਅੰਗ ‘ਚ ਮਾਰ ਦਿੱਤੀ ਪੈਨਸਿਲ, ਬੱਚੇ ਨੇ ਡਰ ਕੇ ਘਰੋਂ 2 ਲੱਖ ਚੋਰੀ ਕਰਕੇ ਦਿੱਤੇ
