ਲੁਧਿਆਣਾ : ਪਿੰਡ ਦਾਖਾਂ ਵਿੱਚ 11ਵੀਂ ਜਮਾਤ ਦੀ ਇੱਕ ਵਿਦਿਆਰਥਣ ਵੱਲੋਂ ਉਸਦੇ ਪ੍ਰੇਮੀ ਦੇ ਵਿਆਹ ਤੋਂ ਮੁਕਰਨ ਤੋਂ ਬਾਅਦ ਜ਼ਹਰੀਲਾ ਪਦਾਰਥ ਪੀ ਕੇ ਜਾਨ ਦੇ ਦਿੱਤੀ ਹੈ l ਥਾਣਾ ਦਾਖਾਂ ਦੀ ਪੁਲਿਸ ਨੇ ਮ੍ਰਿਤਕਾ ਦੀ ਮਾਂ ਦੀ ਸ਼ਿਕਾਇਤ ਤੇ ਮੁਲਜ਼ਮ ਨੰਜੇ ਕੁਮਾਰ ਨਿਵਾਸੀ ਮੁਲਾਂਪੁਰ ਦਾਖਾਂ ਖਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ l ਏਐਸਆਈ ਅਵਤਾਰ ਸਿੰਘ ਨੇ ਦੱਸਿਆ ਕਿ ਪੁਲਿਸ ਵੱਲੋਂ ਦਰਜ ਕੀਤੇ ਬਿਆਨਾਂ ਤੇ ਪਿੰਡ ਵਿੱਚ ਰਹਿੰਦੀ ਔਰਤ ਨੇ ਦੱਸਿਆ ਕਿ ਉਸਦੀ ਕੁੜੀ 11ਵੀਂ ਜਮਾਤ ਦੀ ਵਿਦਿਆਰਥਣ ਸੀ l ਉਹ ਸਕੂਲ ਤੋਂ ਬਾਅਦ ਸ਼ਾਮ ਨੂੰ ਚਾਰ ਤੋਂ ਪੰਜ ਵਜੇ ਤੱਕ ਲੁਧਿਆਣਾ ਦੀ ਇੱਕ ਅਕੈਡਮੀ ਵਿੱਚ ਸੰਗੀਤ ਸਿੱਖਣ ਜਾਂਦੀ ਸੀ l 25 ਦਸੰਬਰ ਨੂੰ ਉਨ੍ਹਾਂ ਦੀ ਕੁੜੀ ਜਦੋਂ ਸੰਗੀਤ ਦੀ ਕਲਾਸ ਲਾ ਕੇ ਘਰ ਆਈ ਤਾਂ ਉਸਦੀ ਸਿਹਤ ਵਿਗੜੀ ਹੌਈ ਸੀ l ਜਦੋਂ ਮਾਂ ਨੇ ਪੁੱਛਿਆ ਤਾਂ ਉਸ ਨੇ ਦੱਸਿਆ ਕਿ ਨੰਜੇ ਕੁਮਾਰ ਨੇ ਉਸਦੇ ਨਾਲ ਵਿਆਹ ਕਰਵਾਉਣ ਤੋਂ ਇਨਕਾਰ ਕਰ ਦਿੱਤਾ ਹੈ l ਇਸ ਲਈ ਉਨ੍ਹਾਂ ਨੇ ਦੁਖੀ ਹੋ ਕੇ ਜ਼ਹਰੀਲਾ ਪਦਾਰਥ ਖਾ ਲਿਆ ਹੈ l ਜਿਸਦੇ ਕਾਰਨ ਕੁਝ ਦੇਰ ਬਾਅਦ ਕੁੜੀ ਦੀ ਮੌਤ ਹੋ ਗਈ.ਦੋਨਾਂ ਵਿੱਚ ਪ੍ਰੇਮ ਸੰਬੰਧ ਸੀ l ਥਾਣਾ ਦਾਖਾਂ ਦੀ ਪੁਲਿਸ ਨੇ ਕੁੜੀ ਦੀ ਮਾਂ ਦੀ ਸ਼ਿਕਾਇਤ ਤੇ ਕਾਰਵਾਈ ਕਰਦੇ ਹੋਏ ਮੁਲਜ਼ਿਮ ਨੰਜੇ ਕੁਮਾਰ ਦੇ ਖਿਲਾਫ਼ ਕੇਸ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿੱਤੀ ਹੈ l