ਪ੍ਰਾਈਵੇਟ ਡਾਕਟਰਾਂ ਨੂੰ ਐਮਸੀਆਈ ਨੇ ਦਿੱਤਾ ਆਹ ਤੋਹਫਾ, ਸਰਕਾਰੀ ਡਾਕਟਰ ਵਾਂਝੇ ਦੇਖੋ ਕਿਵੇਂ

ਪਟਿਆਲਾ : ਫੈਕਲਟੀ ਦੀ ਕਮੀ ਨਾਲ ਲੜ ਰਹੇ ਮੈਡੀਕਲ ਕਾਲਜਾਂ ਨੂੰ ਮੈਡੀਕਲ ਕਾਊਂਸਿਲ ਆਫ ਇੰਡੀਅਨ ਨੇ ਵੱਡੀ ਰਾਹਤ ਦਿੱਤੀ ਹੈ l ਵਿਦਿਆਰਥੀਆਂ ਦੀ ਪ੍ਰਭਾਵਿਤ ਹੁੰਦੀ ਪੜਾਈ ਨੂੰ ਧਿਆਨ ਵਿੱਚ ਰਖਦੇ ਹੋਏ ਐਮਸੀਆਈ ਨੇ ਆਪਣੇ ਨਿਯਮਾਂ ਵਿੱਚ ਬਦਲਾਵ ਕੀਤਾ ਹੈ l ਕਾਊਂਸਿਲ ਦੇ ਮੁਤਾਬਿਕ ਪ੍ਰਾਈਵੇਟ ਕਾਲਜਾਂ ਦੇ ਡਾਕਟਰ ਸਰਕਾਰੀ ਮੈਡੀਕਲ ਕਾਲਜਾਂ ਵਿੱਚ ਵੀ ਪੜਾਉਣਗੇ l ਨਾਲ ਹੀ ਇਨ੍ਹਾਂ ਡਾਕਟਰਾਂ ਨੂੰ ਜ਼ਿਲ੍ਹਾ ਹਸਪਤਾਲਾਂ ਨੂੰ ਅਪਗਰੇਡ ਕਰ ਬਣਾਏ ਜਾਣ ਵਾਲੇ ਮੈਡੀਕਲ ਕਾਲਜਾਂ ਵਿੱਚ ਵੀ ਪੜਾਉਣ ਦੀ ਇਜ਼ਾਜਤ ਹੋਵੇਗੀ l ਐਮਸੀਆਈ ਦੇ ਬੋਰਡ ਆਫ ਗਰਵਨਰਜ਼ ਨੇ ਵਿਜ਼ਿਟਿੰਗ ਫੈਕਲਟੀ ਦੇ ਨਿਯਮਾਂ ਵਿੱਚ ਵੀ ਬਦਲਾਵ ਕੀਤਾ ਹੈ l ਇਸ ਦੇ ਤਹਿਤ ਹੁਣ 70 ਸਾਲ ਦੀ ਉਮਰ ਤੱਕ ਦੇ ਪ੍ਰਾਈਵੇਟ ਕਾਲਜਾਂ ਮੈਡੀਕਲ ਕਾਲਜਾਂ ਵਿੱਚ ਪਾਰਟ ਟਾਈਮ ਸੇਵਾਵਾਂ ਦੇ ਸਕਦੇ ਹਨ l ਪ੍ਰਾਈਵੇਟ ਪ੍ਰੈਕਟਿਸ ਕਰਨ ਵਾਲੇ ਡਾਕਟਰ ਵਿਜ਼ਿਟਿੰਗ ਫੈਕਲਟੀ ਦੇ ਤੌਰ ‘ਤੇ ਕਾਲਜ ਵਿੱਚ ਪੜਾ ਸਕਣਗੇ l ਪਹਿਲਾਂ ਨਿੱਜੀ ਡਾਕਟਰਾਂ ਨੂੰ ਪੜਾਉਣ ਦੀ ਇਜ਼ਾਜ਼ਤ ਨਹੀਂ ਸੀ l