ਪਟਿਆਲਾ (ਸਿਮਰਨਜੀਤ ਕੌਰ) : ਇੱਥੋਂ ਦੇ ਰੇਲਵੇ ਸਟੇਸ਼ਨ ਵਿੱਚ ਯਾਤਰੀ ਉਸ ਸਮੇਂ ਹੈਰਾਨ ਹੋ ਗਏ ਜਦ ਉਨ੍ਹਾਂ ਨੇ ਰੇਲਵੇ ਸਟੇਸ਼ਨ ‘ਤੇ ਹੁਸ਼ਿਆਰਪੁਰ ਸਟੇਸ਼ਨ ਦਾ ਬੋਰਡ ਲੱਗਿਆ ਦੇਖਿਆ l ਪਰ ਬਾਅਦ ਵਿੱਚ ਉਨ੍ਹਾਂ ਨੂੰ ਪਤਾ ਲੱਗਿਆ ਕਿ ਇੱਥੇ ਬਾਲੀਵੁਡ ਫਿਲਮ ਗੁੱਪਚੁੱਪ ਦੀ ਸ਼ੂਟਿੰਗ ਚੱਲ ਰਹੀ ਹੈ l ਸਟੇਸ਼ਨ ‘ਤੇ ਐਕਟਰ ਪਰੇਸ਼ ਰਾਵਲ ਨੂੰ ਦੇਖ ਕੇ ਲੋਕ ਗਦਗਦ ਹੋ ਗਏ l
ਐਕਟਰ ਪਰੇਸ਼ ਰਾਵਲ ਪੰਜਾਬੀ ਕੁੜਤੇ ਪਜਾਮੇ ਵਿੱਚ ਨਜ਼ਰ ਆਏ ਅਤੇ ਪੰਜਾਬੀ ਵੀ ਬੋਲ ਰਹੇ ਸਨ l ਉਹ ਟਰੇਨ ਦਾ ਇੰਤਜ਼ਾਰ ਕਰ ਰਹੇ ਸਨ l ਇਸ ਦੌਰਾਨ ਉਨ੍ਹਾਂ ਦੇ ਨਾਲ ਐਕਟਰ ਮਰੂਨਲ ਠਾਕੁਰ, ਐਕਟਰ ਵਿਜੈ ਰਾਜ ਅਤੇ ਸ਼ਰਵਨ ਜੋਸ਼ੀ ਵਰਗੇ ਕਲਾਕਾਰ ਵੀ ਸਨ.ਸ਼ਾਮ ਦੇ ਸਾਢੇ ਚਾਰ ‘ਤੇ ਸਟੇਸ਼ਨ ਦੇ ਬਾਹਰ ਸੀਨ ਫਿਲਮਾਇਆ ਗਿਆ l ਇਸ ਵਿੱਚ ਵਿਜੈ ਰਾਜ ਲਾਲ ਰੰਗ ਦੀ ਗੱਡੀ ਵਿੱਚ ਬੈਠ ਕੇ ਮਰੂਨਲ ਠਾਕੁਰ ਨੂੰ ਸਟੇਸ਼ਨ ਲੈਣ ਪਹੁੰਚਦੇ ਹਨ l ਸਟੇਸ਼ਨ ਦੇ ਬਾਹਰ ਘੋੜਾ ਗੱਡੀਆਂ ਦਿਖਾਈ ਦਿੱਤੀਆਂ l
