ਬੇਤਿਯਾ (ਬਿਹਾਰ) : ਬਿਹਾਰ ਦੇ ਪੱਛਮ ਚੰਪਾਰਣ ਜ਼ਿਲ੍ਹੇ ਦੇ ਬੈਰਿਯਾ ਖੇਤਰ ਵਿੱਚ ਇੱਕ ਵਿਆਹੁਤਾ ਨੂੰ ਹੁਣ ਨਿਆਂ ਮਿਲਣ ਦੀ ਆਸ ਜੱਗ ਗਈ ਹੈ l ਇਲਜ਼ਾਮ ਹੈ ਕਿ ਵਿਆਹੁਤਾ ਦੇ ਨਾਲ ਉਸ ਦੇ ਪਤੀ ਨੇ ਆਪਣੇ 4 ਦੋਸਤਾਂ ਦੇ ਨਾਲ ਮਿਲ ਕੇ ਕਰੀਬ 3 ਸਾਲ ਪਹਿਲਾਂ ਕੁਕਰਮ ਕੀਤਾ l ਹੁਣ ਮੁੱਖਮੰਤਰੀ ਦਫਤਰ ਦੀ ਦਖਲਅੰਦਾਜ਼ੀ ਦੇ ਬਾਅਦ ਮਾਮਲਾ ਦਰਜ ਕਰ ਲਿਆ ਗਿਆ ਹੈ l ਪੁਲਿਸ ਦੇ ਮੁਤਾਬਿਕ, ਸੰਗਰਾਮਪੁਰ ਇਲਾਕੇ ਦੀ ਰਹਿਣ ਵਾਲੀ ਇੱਕ ਕੁੜੀ ਦਾ ਵਿਆਹ 26 ਦਸੰਬਰ, 2014 ਨੂੰ ਬੈਰਿਯਾ ਦੇ ਪਖਨਾਹਾ ਬਜ਼ਾਰ ਵਾਸੀ ਤਜਾਦੀਨ ਖਾਨ ਦੇ ਨਾਲ ਹੋਇਆ ਸੀ l ਵਿਆਹ ਦੇ ਕੁਝ ਹੀ ਦਿਨਾਂ ਦੇ ਬਾਅਦ ਪੀੜਿਤਾ ਨੂੰ ਦੁਖੀ ਕੀਤਾ ਜਾਣ ਲੱਗਾ l ਇਸ ਕੜੀ ਵਿੱਚ 16 ਨਵੰਬਰ, 2016 ਨੂੰ ਪਤੀ ਆਪਣੀ ਪਤਨੀ ਨੂੰ ਇੱਕ ਦੋਸਤ ਦੇ ਘਰ ਪਾਰਟੀ ਦੇ ਬਹਾਨੇ ਲੈ ਗਿਆ l ਪੀੜਿਤਾ ਦਾ ਇਲਜ਼ਾਮ ਹੈ ਕਿ ਉੱਥੇ ਪਹਿਲਾਂ ਤੋਂ ਹੀ 4 ਲੋਕ ਸਨ ਅਤੇ ਸਾਰੇ ਦੋਸਤਾਂ ਨੇ ਉਸ ਦੇ ਨਾਲ ਸਮੂਹਿਕ ਕੁਕਰਮ ਕੀਤਾ l ਹੁਣ ਇਸ ਮਾਮਲੇ ਵਿੱਚ ਮੁੱਖਮੰਤਰੀ ਦਫਤਰ ਦੇ ਅਧਿਕਾਰੀਆਂ ਨੇ 15 ਜਨਵਰੀ ਨੂੰ ਪੁਲਿਸ ਮਹਾਂਨਿਰਦੇਸ਼ਕ ਨੂੰ ਕਾਰਵਾਈ ਦੇ ਲਈ ਹੁਕਮ ਦਿੱਤਾ l ਸੀਐਮਓ ਤੋਂ ਮਿਲੇ ਹੁਕਮ ਦੇ ਬਾਅਦ ਪੁਲਿਸ ਮਹਾਂਨਿਰਦੇਸ਼ਕ ਦੇ ਹੁਕਮਾਂ ਦੇ 2 ਮਾਰਚ ਨੂੰ ਬੈਰੀਯਾ ਥਾਣੇ ਵਿੱਚ ਮਾਮਲਾ ਦਰਜ ਕਰ ਲਿਆ ਗਿਆ ਹੈ l
ਪਤੀ ਨੇ ਦੋਸਤਾਂ ਨਾਲ ਮਿਲ ਕੇ ਕੀਤਾ ਸੀ ਆਹ ਕੰਮ, 3 ਸਾਲ ਬਾਅਦ ਹੋਇਆ ਮਾਮਲਾ ਦਰਜ
