ਲੁਧਿਆਣਾ : ਇੱਥੋਂ ਦੀ ਰੇਲਵੇ ਕਲੋਨੀ ਵਿੱਚ ਨੌਕਰੀ ਕਰਦੇ ਕਮਲੇਸ਼ ਕੁਮਾਰ ਮੀਣਾ ਪਰਿਵਾਰ ਦੇ ਨਾਲ ਰਾਜਸਥਾਨ ਆਪਣੇ ਰਿਸ਼ਤੇਦਾਰਾਂ ਨੂੰ ਮਿਲਣ ਗਿਆ ਹੋਇਆ ਸੀ l ਪਰਿਵਾਰ ਦੇ ਨਾਲ ਰਾਜਸਥਾਨ ਗਏ ਰੇਲ ਕਰਮਚਾਰੀ ਦੇ ਕੁਆਰਟਰ ਵਿੱਚ ਤਾਲਾ ਤੋੜ ਕੇ ਵੜੇ ਚੋਰ ਲੱਖਾਂ ਦੇ ਗਹਿਣੇ ਅਤੇ ਨਕਦੀ ਤੇ ਹੱਥ ਸਾਫ਼ ਕਰ ਗਏ l ਘਟਨਾ ਦਾ ਉਦੋਂ ਪਤਾ ਲੱਗਾ,ਜਦ ਗੁਆਂਢੀ ਨੇ ਤਾਲਾ ਟੁੱਟਿਆ ਦੇਖਿਆ ਤਾਂ ਉਨੇ ਫੋਨ ਕਰਕੇ ਜਾਣਕਾਰੀ ਦਿੱਤੀ, ਜਿਸ ਤੇ ਪਰਿਵਾਰ ਸਮੇਤ ਉਹ ਘਰ ਵਾਪਿਸ ਆ ਗਿਆ l ਥਾਣਾ ਕੋਤਵਾਲੀ ਪੁਲਿਸ ਨੇ ਮੋਕੇ ਤੇ ਪਹੁੰਚ ਜਾਇਜ਼ਾ ਲਿਆ ਅਤੇ ਅਣਪਛਾਤੇ ਲੋਕਾਂ ਦੇ ਖਿਲਾਫ਼ ਕੇਸ ਕਰਜ ਕਰਕੇ ਛਾਣਬੀਣ ਸ਼ੁਰੂ ਕਰ ਦਿੱਤੀ ਹੈ l ਐਸਐਚਓ ਰਾਜਵੰਤ ਸਿੰਘ ਨੇ ਦੱਸਿਆ ਕਿ ਕੇਸ ਰੇਲਵੇ ਕਲੋਨੀ ਨੰਬਰ ਦੋ ਦੇ ਨਿਵਾਸੀ ਕਮਲੇਸ਼ ਕੁਮਾਰ ਮੀਣਾ ਦੀ ਸ਼ਿਕਾਇਤ ਤੇ ਦਰਜ ਕੀਤਾ ਗਿਆ ਹੈ l
ਆਪਣੇ ਬਿਆਨ ਵਿੱਚ ਕਮਲੇਸ਼ ਨੇ ਦੱਸਿਆ ਕਿ ਉਹ ਰੇਲਵੇ ਵਿਭਾਗ ਵਿੱਚ ਨੌਕਰੀ ਕਰਦਾ ਹੈ l 27 ਦਸੰਬਰ ਨੂੰ ਗੁਆਂਢੀਆਂ ਨੇ ਉਸ ਨੂੰ ਫ਼ੋਨ ਕਰਕੇ ਦੱਸਿਆ ਕਿ ਉਸਦੇ ਘਰ ਵਿੱਚ ਚੋਰੀ ਹੋ ਗਈ ਹੈ l ਪਤਾ ਲੱਗਣ ਤੇ ਉਹ 29 ਦਸੰਬਰ ਨੂੰ ਲੁਧਿਆਣਾ ਵਾਪਿਸ ਆ ਗਿਆ l ਘਰ ਪਹੁੰਚ ਕੇ ਦੇਖਿਆ ਤਾਂ ਸਾਰੇ ਤਾਲੇ ਟੁੱਟੇ ਹੋਏ ਸਨ l ਚੋਰ ਉਸਦੀ ਅਟੈਚੀ ਵਿੱਚ ਪਏ ਸੋਨੇ ਦੇ ਗਹਿਣੇ ਅਤੇ ਨਕਦੀ ਚੋਰੀ ਕਰਕੇ ਲੈ ਗਏ ਹਨ l ਐਸਐਚਓ ਨੇ ਕਿਹਾ ਕਿ ਹੁਣ ਤੱਕ ਕਮਲੇਸ਼ ਨੇ ਚੋਰੀ ਹੋਏ ਗਹਿਣਿਆਂ ਤੇ ਨਕਦੀ ਦੇ ਬਾਰੇ ਵਿੱਚ ਕੋਈ ਵੀ ਜਾਣਕਾਰੀ ਨਹੀਂ ਦਿੱਤੀ ਹੈ l ਕਮਲੇਸ਼ ਦਾ ਕਹਿਣਾ ਹੈ ਕਿ ਊਹ ਚੋਰੀ ਹੋਏ ਸਮਾਨ ਦੀ ਡਿਟੇਲ ਬਾਅਦ ਵਿੱਚ ਦੇਵੇਗਾ l ਫ਼ਿਲਹਾਲ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ l
ਲੋ ਕਰ ਲਓ ਘਿਓ ਨੂੰ ਭਾਂਡਾ! ਘਰ ‘ਚ ਚੋਰੀ ਹੋਈ, ਤਾਂ ਮਕਾਨ ਮਾਲਕ ਪੁਲਿਸ ਨੂੰ ਕਹਿੰਦਾ, ਬਾਅਦ ‘ਚ ਦੱਸਾਂਗਾ ਕੀ ਕੀ ਹੋਇਐ ਚੋਰੀ!
