ਨਵੀਂ ਦਿੱਲੀ : ਕੋਰੋਨਾ ਸੰਕਟ ਅਤੇ ਲਾਕਡਾਊਨ ਦੇ ਵਿੱਚ ਸ਼ੁੱਕਰਵਾਰ ਤੋਂ ਪਵਿੱਤਰ ਰਮਜਾਨ ਮਹੀਨੇ ਦੀ ਸ਼ੁਰੂਆਤ ਹੋਈ l ਵੀਰਵਾਰ ਨੂੰ ਰਮਜਾਨ ਦਾ ਚੰਦ ਦਿਖਿਆ.ਸ਼ੁੱਕਰਵਾਰ ਤੋਂ ਮਾਹ ਏ ਰਮਜਾਨ ਸ਼ੁਰੂ ਹੋ ਗਿਆ l ਜ਼ਿਆਦਾਤਰ ਦੇਸ਼ਾਂ ਵਿੱਚ ਕੋਰੋਨਾ ਦੇ ਪ੍ਰਭਾਵ ਨੂੰ ਰੋਕਣ ਦੇ ਲਈ ਪਾਬੰਦੀਆਂ ਹਨ l ਅਜਿਹੇ ਵਿੱਚ ਲੋਕਾਂ ਨੇ ਘਰ ਤੇ ਨਮਾਜ ਪੜੀ ਪਰ ਪਾਕਿਸਤਾਨ ਜਿਹੇ ਕਈ ਦੇਸ਼ਾਂ ਵਿੱਚ ਮਸਜਿਦਾਂ ਵਿੱਚ ਸਾਮੂਹਿਕ ਨਮਾਜ ਹੋਈ l ਇੱਥੇ ਇਮਾਮ ਪ੍ਰਧਾਨਮੰਤਰੀ ਇਮਰਾਨ ਖਾਨ ਦਾ ਘਰਾਂ ਵਿੱਚ ਨਮਾਜ ਪੜਨ ਦਾ ਫੈਸਲਾ ਮੰਨਣ ਨੂੰ ਤਿਆਰ ਨਹੀਂ ਹਨ l ਡਬਲਿਊਐਚ ਨੇ ਵੀ ਰਮਜਾਨ ਦੇ ਦੌਰਾਨ ਕਿਸੇ ਪ੍ਰੋਗਰਾਮ ਵਿੱਚ ਸ਼ਾਮਿਲ ਹੋਣ ਅਤੇ ਸਮੂਹ ਵਿੱਚ ਨਮਾਜ ਪੜਨ ਤੇ ਰੋਕ ਲਾਉਣ ਨੂੰ ਕਿਹਾ ਹੈ l ਭਾਰਤ ਵਿੱਚ ਵੀ ਕੋਰੋਨਾ ਵਾਇਰਸ ਦੇ ਚੱਲਦੇ ਲੱਗੇ ਪ੍ਰਤੀਬੰਧਾਂ ਦੇ ਕਾਰਨ ਤਰਾਵੀਹ ਅਤੇ ਨਮਾਜ ਘਰਾਂ ਵਿੱਚ ਹੋਵੇਗੀ ਅਤੇ ਇਫਤਾਰੀ ਵੀ ਨਹੀਂ ਹੋਵੇਗੀ l
ਦੂਜੇ ਪਾਸੇ ਮੱਕਾ ਅਤੇ ਮਦੀਨਾਂ ਵਿੱਚ ਨਮਾਜ ਪੜਨ ਅਤੇ ਉਮਰਾ ਤੇ ਰੋਕ ਹੈ l ਦੋਨੋਂ ਪਵਿੱਤਰ ਸਥਾਨਾ ਨੂੰ ਪੂਰੇ ਰਮਜਾਨ ਮਹੀਨੇ ਦੇ ਲਈ ਬੰਦ ਕਰ ਦਿੱਤਾ ਗਿਆ ਹੈ l ਸਾਊਦੀ ਅਰਬ ਦੇ ਕਿੰਗ ਸਲਮਾਨ ਦੇ ਮੁਤਾਬਿਕ, ਇਸ ਵਾਰ ਰਮਜਾਨ ਤੇ ਉਹ ਬਹੁਤ ਦੁਖੀ ਹਨ ਕਿਉਂਕਿ ਲੋਕ ਮਸਜਿਦਾਂ ਵਿੱਚ ਨਮਾਜ ਨਹੀਂ ਪੜ ਸਕਣਗੇ l
ਮਿਲੀ ਜਾਣਕਾਰੀ ਅਨੁਸਾਰ ਪਾਕਿਸਤਾਨ ਵਿੱਚ ਕੋਰੋਨਾ ਸੰਕਟ ਤੋਂ ਨਿਪਟਣ ਵਿੱਚ ਇਮਰਾਨ ਸਰਕਾਰ ਫੇਲ ਸਾਬਿਤ ਹੋ ਰਹੀ ਹੈ l ਇਮਾਮਾਂ ਨੇ ਸਰਕਾਰ ਤੇ ਦਬਾਅ ਬਣਾ ਕੇ ਸਮੂਹ ਵਿੱਚ ਨਮਾਜ ਕਰਨ ਤੇ ਲੱਗੀ ਰੋਕ ਹਟਵਾ ਲਈ l ਹਾਲਾਂਕਿ, ਸਰਕਾਰ ਨੇ ਘਰ ਵਿੱਚ ਨਮਾਜ ਪੜਨ ਨੂੰ ਕਿਹਾ ਹੈ.ਮਸਜਿਦਾਂ ਵਿੱਚ ਨਮਾਜ ਨੂੰ ਪੂਰੀ ਮਨਜ਼ੂਰੀ ਦਿੱਤੀ ਗਈ ਹੈ.ਡਾਕਟਰਸ ਨੇ ਸਰਕਾਰ ਤੋਂ ਸਮੂਹਿਕ ਨਮਾਜ ਦੀ ਮਨਜ਼ੂਰੀ ਰੱਦ ਕਰਨ ਦੀ ਅਪੀਲ ਕੀਤੀ ਸੀ l ਐਫਏਟੀਐਫ ਦੇ ਦਬਾਅ ਵਿੱਚ ਇੱਥੇ ਦੇ ਪੰਜਾਬ ਪ੍ਰਾਂਤ ਦੀ ਸਰਕਾਰ ਨੇ ਲੋਕਾਂ ਤੋਂ ਅੱਤਵਾਦੀ ਸੰਗਠਨ ਲਸ਼ਕਰ ਏ ਤੈਯਬਾ ਅਤੇ ਜੈਸ਼ ਏ ਮੁਹੰਮਦ ਨੂੰ ਜਕਾਤ ਨਹੀਂ ਦੇਣ ਨੂੰ ਕਿਹਾ ਹੈ l ਇੱਥੇ ਗ੍ਰਹਿ ਵਿਭਾਗ ਨੇ ਪ੍ਰਤਿਬੰਧਿਤ ਸੰਗਠਨਾਂ ਅਤੇ ਦਲਾਂ ਦੀ ਇੱਕ ਲਿਸਟ ਜਾਰੀ ਕੀਤੀ ਹੈ l ਇਸ ਵਿੱਚ ਬਲੂਚਿਸਤਾਨ ਰਿਪਬਲਿਕਨ ਆਰਮੀ ਅਤੇ ਕਈ ਹੋਰ ਬਲੂਚ ਸੰਗਠਨਾਂ ਦੇ ਨਾਲ ਹੀ ਲਸ਼ਕਰ ਏ ਝਾਂਗਵੀ, ਅਲਕਾਇਦਾ ਜਿਹੇ ਸੰਗਠਨ ਸ਼ਾਮਿਲ ਵੀ ਹਨ l ਸਰਕਾਰ ਦੇ ਮੁਤਾਬਿਕ, ਜਿਹੜੇ ਲੋਕ ਇਨ੍ਹਾਂ ਸੰਗਠਨਾਂ ਨੂੰ ਜਕਾਤ ਦੇਣਗੇ, ਉਨ੍ਹਾਂ ਦੇ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ l
ਤਬਲੀਗੀਆਂ ਨੂੰ ਕੀਂ ਰੋਂਦੇ ਓ! ਇੱਥੇ ਪਾਕਿਸਤਾਨ ‘ਚ ਵੀ ਬੁਰਾ ਹਾਲ ਐ! ਲੋਕ ਇਮਰਾਨ ਖਾਨ ਦੀ ਵੀ ਗੱਲ ਨਹੀਂ ਸੁਣ ਰਹੇ!
