ਫਗਵਾੜਾ : ਸਿਵਿਲ ਹਸਪਤਾਲ ਫਗਵਾੜਾ ਦੇ ਬਲੱਡ ਬੈਂਕ ਵੱਚ ਓ ਪੋਜ਼ੀਟਿਵ ਨੌਜਵਾਨ ਨੂੰ ਬੀ ਪਾਜ਼ੀਟਿਵ ਖੂਨ ਚੜਾਉਣ ਸੰਬੰਧੀ 2 ਮਰੀਜ਼ਾਂ ਨੂੰ ਗਲਤ ਖੂਨ ਦੇਣ ਸੰਬੰਧੀ ਹੋਈ ਲਾਪਰਵਾਹੀ ਦੇ ਮਾਮਲੇ ਵਿੱਚ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਸ਼ਖ਼ਤ ਨੋਟਿਸ ਲਿਆ ਹੈ l ਸ਼ੁੱਕਰਵਾਰ ਨੂੰ ਸੀਐਮ ਨੇ ਮਾਮਲੇ ਦੀ ਪੂਰੀ ਜਾਂਚ ਅਤੇ ਰਾਜ ਦੇ ਸਾਰੇ ਬਲੱਡ ਬੈਂਕਾਂ ਦੀ ਤੁਰੰਤ ਜਾਂਚ ਕਰਨ ਦੇ ਹੁਕਮ ਦਿੱਤੇ ਹਨ l ਘਟਨਾ ਦੇ ਬਾਅਦ ਸਟਾਫ ਦੀ ਨਿਯੁਕਤੀ ਤੱਕ ਫਗਵਾੜਾ ਦੇ ਬਲੱਡ ਬੈਂਕ ਨੂੰ ਬੰਦ ਕਰ ਦਿੱਤਾ ਗਿਆ ਹੈ l ਡਿਊਟੀ ਵਿੱਚ ਲਾਪਰਵਾਹੀ ਵਰਤਣ ‘ਤੇ ਬੀਟੀਓ ਡਾਕਟਰ ਹਰਦੀਪ ਸਿੰਘ ਸੇਠੀ, ਐਲਟੀ ਰਵੀ ਪਾਲ ਅਤੇ ਐਸਐਮਓ ਡਾਕਟਰ ਕਮਲ ਕਿਸ਼ੋਰ ਨੂੰ ਸਸਪੈਂਡ ਕਰ ਦਿੱਤਾ ਹੈ l ਸਿਵਿਲ ਸਰਜਨ ਕਪੂਰਥਲਾ ਨੂੰ ਇਸ ਅਪਰਾਧਿਕ ਲਾਪਰਵਾਹੀ ਦੇ ਲਈ ਤਿੰਨਾਂ ‘ਤੇ ਪੁਲਿਸ ਵਿਭਾਗ ਦੇ ਕੋਲ ਕ੍ਰਿਮਿਨਲ ਕੇਸ ਦਰਜ ਕਰਨ ਦੇ ਹੁਕਮ ਦਿੱਤੇ ਹਨ l ਕਪੂਰਥਲਾ ਦੇ ਸਰਕਾਰੀ ਬਲੱਡ ਬੈਂਕਾਂ ਦੀ ਰਿਪੋਰਟ ਤਲਬ ਕਰਨ ਨੂੰ ਵੀ ਕਿਹਾ ਗਿਆ ਹੈ l ਪੀੜਿਤ ਨੌਜਵਾਨ ਨੂੰ ਚੰਡੀਗੜ ਪੀਜੀਆਈ ਰੈਫਰ ਕਰ ਦਿੱਤਾ ਹੈ l
ਫਗਵਾੜਾ ਦੇ ਬੀਟੀਓ, ਐਲਟੀ ਅਤੇ ਐਸਐਮਓ ਸਸਪੈਂਡ, ਸੀਐਮ ਨੇ ਦਿੱਤੇ ਸੂਬੇ ਦੇ ਬਲੱਡ ਬੈੱਕ ਦੀ ਜਾਂਚ ਦੇ ਆਦੇਸ਼
