ਨਿਊਜ਼ ਡੈਸਕ : ਗੁਜਰਾਤ ਦੇ ਇੱਕ ਕਾਲਜ ਵਿੱਚ 68 ਵਿਦਿਆਰਥਣਾਂ ਦੇ ਮਾਸਿਕ ਧਰਮ ਦੀ ਜਾਂਚ ਦੇ ਲਈ ਕਥਿਤ ਤੌਰ ‘ਤੇ ਜਬਰਨ ਕੱਪੜੇ ਉਤਰਵਾਉਣ ਦਾ ਸਨਸਨੀਖੇਜ ਮਾਮਲਾ ਸਾਹਮਣੇ ਆਇਆ ਹੈ l ਵਿਦਿਆਰਥਣਾਂ ਨੇ ਇਸ ਹਰਕਤ ਦੇ ਲਈ ਸੰਸਥਾ ਦੇ ਅਧਿਕਾਰੀਆਂ ਦੇ ਖਿਲਾਫ ਕਾਨੂੰਨੀ ਕਾਰਵਾਈ ਦੀ ਮੰਗ ਕੀਤੀ ਹੈ l
ਹਾਲਾਂਕਿ ਇਸ ਇਲਜ਼ਾਮ ‘ਤੇ ਕਾਲਜ ਦੀ ਡੀਨ ਦਰਸ਼ਨਾ ਢੋਲਕੀਆ ਨੇ ਕਿਹਾ, ਜਾਂਚ ਦੇ ਲਈ ਇੱਕ ਟੀਮ ਬਣਾ ਦਿੱਤੀ ਗਈ ਹੈ l ਮਾਮਲਾ ਵਿਦਿਆਰਥਣਾਂ ਦੀ ਰਹਿਣ ਵਾਲੀ ਜਗ੍ਹਾ ਨਾਲ ਜੁੜਿਆ ਹੋਇਆ ਹੈ l ਇਸ ਦਾ ਯੂਨੀਵਰਸਿਟੀ ਜਾਂ ਕਾਲਜ ਨਾਲ ਕੋਈ ਲੈਣਾ ਦੇਣਾ ਨਹੀਂ ਹੈ l ਸਭ ਕੁਝ ਕੁੜੀਆਂ ਦੀ ਸਹਿਮਤੀ ਨਾਲ ਹੋਇਆ ਹੈ, ਕਿਸੇ ਨੇ ਜ਼ੋਰ ਜ਼ਬਰਦਸਤੀ ਨਹੀਂ ਕੀਤੀ l ਇੱਕ ਸ਼ਿਕਾਇਤਕਰਤਾ ਵਿਦਿਆਰਥਣ ਨੇ ਕਿਹਾ ਹੈ ਕਿ ਅਸੀਂ ਆਪਣੀ ਸੰਸਥਾ ਦਾ ਸਨਮਾਨ ਕਰਦੇ ਹਾਂ ਪਰ ਉਨ੍ਹਾਂ ਨੇ ਜੋ ਕੀਤਾ ਹੈ ਉਹ ਠੀਕ ਨਹੀਂ ਹੈ l ਦੋਸ਼ੀਆਂ ਦੇ ਖਿਲਾਫ ਕਾਨੂੰਨੀ ਕਾਰਵਾਈ ਹੋਣੀ ਚਾਹੀਦੀ ਹੈ l ਵਿਦਿਆਰਥਣ ਨੇ ਕਿਹਾ ਕਿ ਪ੍ਰਿੰਸੀਪਲ ਨੇ ਸਾਨੂੰ ਬਲੈਕਮੇਲ ਕੀਤਾ ਅਤੇ ਸ਼ਿਕਾਇਤ ਵਾਪਸ ਲੈਣ ਦਾ ਦਬਾਅ ਬਣਾਇਆ l ਇਸ ਮਾਮਲੇ ‘ਤੇ ਰਾਸ਼ਟਰੀ ਮਹਿਲਾ ਆਯੋਗ ਨੇ ਵੀ ਇੱਕ ਜਾਂਚ ਕਮੇਟੀ ਬਣਾਈ ਹੈ, ਜਿਹੜੀ ਵਿਦਿਆਰਥਣਾਂ ਨਾਲ ਗੱਲ ਕਰੇਗੀ l ਆਯੋਗ ਨੇ ਇਸ ਸ਼ਰਮਨਾਕ ਕੰਮ ਦੇ ਲਈ ਕਾਲਜ ਦੇ ਟਰੱਸਟੀ ਪ੍ਰਵੀਨ ਪਿੰਡੋਰਾ ਅਤੇ ਪ੍ਰਿੰਸੀਪਲ ਰੀਤਾ ਰਨਿਗਾ ਤੋਂ ਸਪੱਸ਼ਟੀਕਨ ਮੰਗਿਆ ਹੈ l
ਕਾਲਜ ਵਾਲਿਆਂ ਨੇ 68 ਕੁੜੀਆਂ ਦੇ ਉਤਰਵਾਏ ਕੱਪੜੇ, ਕਹਿੰਦੇ ਦਿਖਾਓ ਮਹੀਨਾ ਆਉਂਦੈ ਕਿ ਨਹੀਂ! ਪੈ ਗਿਆ ਰੌਲਾ
