ਫਿਰੋਜ਼ਪੁਰ : ਥਾਣਾ ਲੱਖੋਕੇ ਬਹਰਾਮ ਦੇ ਅਧੀਨ ਇੱਕ ਪਿੰਡ ਵਿੱਚ 19 ਸਾਲਾ ਕੁੜੀ ਦੇ ਹੱਥ ਪੈਰ ਬੰਨ੍ਹ ਕੇ ਇੱਕ ਵਿਅਕਤੀ ਨੇ ਆਪਣੇ ਸਾਥੀਆਂ ਦੀ ਮਦਦ ਨਾਲ ਕੁਕਰਮ ਕੀਤਾ ਹੈ l ਕੁੜੀ ਘਰ ਦੇ ਬਾਹਰ ਪਸ਼ੂਆਂ ਦਾ ਗੋਹਾ ਸੁੱਟਣ ਗਈ ਸੀ l ਉੱਧਰ ਥਾਣਾ ਲੱਖੋਕੇ ਪੁਲਿਸ ਨੇ ਚਾਰ ਮੁਲਜ਼ਮਾਂ ਨੂੰ ਨਾਮਜ਼ਦ ਕਰ ਸੱਤ ਦੇ ਖਿਲਾਫ ਮਾਮਲਾ ਦਰਜ ਕਰ ਅੱਗੇ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ l
ਪੀੜਿਤਾ ਨੇ ਪੁਲਿਸ ਨੂੰ ਦਿੱਤੇ ਬਿਆਨ ਵਿੱਚ ਕਿਹਾ ਕਿ ਘਰ ਦੇ ਪਸ਼ੂਆਂ ਦਾ ਗੋਹਾ ਸੁੱਟਣ ਆਈ ਸੀ, ਜਿਵੇਂ ਹੀ ਗੋਹਾ ਸੁੱਟ ਕੇ ਵਾਪਸ ਆ ਰਹੀ ਸੀ ਕਿ ਉਸ ਦਾ ਇੱਕ ਗੁਆਂਢੀਆਂ ਆਪਣੇ ਸਾਥੀਆਂ ਨਾਲ ਆਇਆ ਅਤੇ ਉਸ ਦੇ ਮੂੰਹ ‘ਤੇ ਹੱਥ ਰੱਖ ਕੇ ਉਸ ਨੂੰ ਘਸੀਟਦੇ ਹੋਏ ਆਪਣੇ ਘਰ ਲੈ ਗਿਆ l ਜਿੱਥੇ ਉਸ ਦੇ ਹੋਰ ਸਾਥੀ ਵੀ ਮੌਜੂਦ ਸਨ l ਸਾਰਿਆਂ ਨੇ ਉਸ ਦੇ ਹੱਥ ਪੈਰ ਫੜੇ ਅਤੇ ਮੁਲਜ਼ਮ ਗੁਆਂਢੀ ਨੇ ਉਸ ਦੇ ਨਾਲ ਕੁਕਰਮ ਕੀਤਾ l
ਮੁਲਜ਼ਮ ਦੇ ਕੁਝ ਸਾਥੀ ਬਾਹਰ ਖੜੇ ਸਨ ਤਾਂ ਕਿ ਕੋਈ ਅੰਦਰ ਨਾ ਆ ਸਕੇ l ਕਿਸੀ ਤਰ੍ਹਾਂ ਪੀੜਿਤਾ ਮੁਲਜ਼ਮਾਂ ਦੇ ਚੰਗੁਲ ਤੋਂ ਬੱਚ ਕੇ ਘਰ ਪਹੁੰਚੀ ਅਤੇ ਘਰਦਿਆਂ ਨੂੰ ਸਾਰੀ ਗੱਲ ਦੱਸੀ l ਘਰਦਿਆਂ ਨੇ ਪੀੜਿਤਾ ਨੂੰ ਫਿਰੋਜ਼ਪੁਰ ਦੇ ਸਿਵਿਲ ਹਸਪਤਾਲ ਵਿੱਚ ਦਾਖਲ ਕਰਵਾਇਆ l ਉੱਧਰ, ਮਾਮਲੇ ਦੀ ਤਫਤੀਸ਼ ਕਰ ਰਹੀ ਸਬ ਇੰਸਪੈਕਟਰ ਅਮਨਦੀਪ ਕੌਰ ਦੇ ਮੁਤਾਬਿਕ ਪੀੜਿਤਾ ਦੇ ਬਿਆਨ ‘ਤੇ ਪੀੜਿਤਾ ਦੇ ਗੁਆਂਢੀ ਸਮੇਤ 7 ਦੇ ਖਿਲਾਫ ਮਾਮਲਾ ਦਰਜ ਕਰਕੇ ਅੱਗੇ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ l
ਹੱਥ ਪੈਰ ਬੰਨ ਕੇ ਕੁੜੀ ਨਾਲ ਕੀਤਾ ਕੁਕਰਮ, ਚਾਰ ਨਾਮਜ਼ਦ ਕਰ ਸੱਤ ਦੇ ਖਿਲਾਫ ਕੇਸ ਦਰਜ
