ਸੜਕ ਦੇ ਕਿਨਾਰੇ ਖੜ੍ਹੇ ਗੈਸ ਸਿਲੰਡਰ ਨਾਲ ਭਰੇ ਟਰੱਕ ਵਿੱਚ ਵੱਜੀ ਕਾਰ, ਪੂਰੇ ਪਰਿਵਾਰ ਦੀ ਮੌਤ

ਮੋਗਾ : ਸੰਘਣੀ ਧੁੰਦ ਕਾਰਨ ਆਏ ਦਿਨ ਕੋਈ ਨਾ ਕੋਈ ਹਾਦਸਾ ਹੁੰਦਾ ਹੀ ਰਹਿੰਦਾ ਹੈ l ਅਜਿਹਾ ਹੀ ਇੱਕ ਮਾਮਲਾ ਮੋਗਾ ਵਿੱਚ ਮੰਗਲਵਾਰ ਸਵੇਰੇ ਸੰਘਣੀ ਧੁੰਦ ਦੀ ਵਜ੍ਹਾ ਕਾਰਨ ਸੜਕ ਹਾਦਸੇ ਵਿੱਚ ਇੱਕ ਹੀ ਪਰਿਵਾਰ ਦੇ ਚਾਰ ਲੋਕਾਂ ਦੀ ਮੌਤ ਹੋ ਗਈ.ਹਾਦਸਾ ਉਸ ਸਮੇਂ ਹੋਇਆ, ਜਦ ਲੁਬਰੀਕੈਂਟ ਕਾਰੋਬਾਰੀ ਦਿੱਲੀ ਤੋਂ ਵਾਪਸ ਆ ਰਹੇ ਸਨ l ਮੋਗਾ ਲੁਧਿਆਣਾ ਹਾਈਵੇ ‘ਤੇ ਇਨ੍ਹਾਂ ਦੀ ਕਾਰ ਦੀ ਸੜਕ ‘ਤੇ ਖੜ੍ਹੇ ਗੈਸ ਸਿਲੰਡਰ ਨਾਲ ਭਰੇ ਟਰੱਕ ਵਿੱਚ ਪਿੱਛੇ ਤੋਂ ਜਾ ਵੱਜੀ l ਚਾਰਾਂ ਨੇ ਮੌਕੇ ‘ਤੇ ਹੀ ਦਮ ਤੋੜ ਦਿੱਤਾ l ਮੌਕੇ ‘ਤੇ ਪਹੁੰਚੇ ਸਮਾਜ ਸੇਵਾ ਸੁਸਾਇਟੀ ਦੇ ਮੈਂਬਰਾਂ ਨੇ ਪੁਲਿਸ ਦੇ ਨਾਲ ਮਿਲ ਕੇ ਲਾਸ਼ਾਂ ਨੂੰ ਕੱਢ ਕੇ ਪੋਸਟਮਾਰਟਮ ਦੇ ਲਈ ਮੋਗਾ ਦੇ ਸਿਵਿਲ ਹਸਪਤਾਲ ਵਿੱਚ ਪਹੁੰਚਾਇਆ l
ਹਾਦਸੇ ਦਾ ਸ਼ਿਕਾਰ ਹੋਏ ਇਸ ਪਰਿਵਾਰ ਦੀ ਪਹਿਚਾਣ 47 ਸਾਲਾ ਲੁਬਰੀਕੈਂਟ ਕਾਰੋਬਾਰੀ ਰਾਜੀਵ ਕੁਮਾਰ ਮਿੱਤਲ ਪੁੱਤਰ ਮਹਿੰਦਰ ਕੁਮਾਰ, ਪਤਨੀ ਮੰਜੂ, ਧੀ ਸੁਨਿਧੀ ਅਤੇ ਮੁੰਡੇ ਸ਼ੁਭਮ ਦੇ ਰੂਪ ਵਿੱਚ ਹੋਈ ਹੈ l ਮਿਲੀ ਜਾਣਕਾਰੀ ਦੇ ਮੁਤਾਬਿਕ ਰਾਜੀਵ ਨੂੰ ਸ਼ੁੱਕਰਵਾਰ ਨੂੰ ਦਿੱਲੀ ਵਿੱਚ ਕਿਸੀ ਮੀਟਿੰਗ ਵਿੱਚ ਸ਼ਾਮਿਲ ਹੋਣਾ ਸੀ l ਇਸ ਤੋਂ ਪਹਿਲਾਂ ਵੀਰਵਾਰ ਰਾਤ ਨੂੰ ਉਹ ਕਿਸੇ ਦੋਸਤ ਦੀ ਬੈਲੇਨੋ ਗੱਡੀ ਮੰਗ ਕੇ ਪਤਨੀ ਅਤੇ ਬੱਚਿਆਂ ਦੇ ਨਾਲ ਦਿੱਲੀ ਦੇ ਲਈ ਗਿਆ ਸੀ l ਸੁੱਕਰਵਾਰ ਨੂੰ ਮੀਟਿੰਗ ਅਟੈਂਡ ਕਰਨ ਦੇ ਬਾਅਦ ਸਾਰੇ ਗੋਆ ਘੁੰਮਣ ਚਲੇ ਗਏ l ਜਿੱਥੋਂ ਵਾਪਸ ਆਉਣ ਦੇ ਬਾਅਦ ਸੋਮਵਾਰ ਦਾ ਦਿਨ ਦਿੱਲੀ ਵਿੱਚ ਹੀ ਲੰਘਿਆ ਅਤੇ ਫੇਰ ਰਾਤ ਵਿੱਚ ਮੋਗਾ ਦੇ ਲਈ ਵਾਪਸ ਨਿਕਲੇ l
ਮੰਗਲਵਾਰ ਸਵੇਰੇ ਕਰੀਬ ਸਾਢੇ ਸੱਤ ਵਜੇ ਘਰ ਤੋਂ ਸਿਰਫ ਦਸ ਕਿਲੋਮੀਟਰ ਪਹਿਲਾਂ ਇਨ੍ਹਾਂ ਦੀ ਗੱਡੀ ਦੀ ਟੱਕਰ ਅਚਾਨਕ ਸੜਕ ਕਿਨਾਰੇ ਖੜ੍ਹੇ ਇੱਕ ਟਰੱਕ ਨਾਲ ਹੋ ਗਈ ਜਿਹੜਾ ਕਿ ਗੈਸ ਸਿਲੰਡਰ ਨਾਲ ਭਰਿਆ ਹੋਇਆ ਸੀ l ਟੱਕਰ ਇੰਨੀ ਖਤਰਨਾਕ ਸੀ ਕਿ ਗੱਡੀ ਬੁਰੀ ਤਰ੍ਹਾਂ ਨਾਲ ਟਰੱਕ ਦੇ ਨੀਚੇ ਵੜ ਗਈ l ਇਸ ਵਜ੍ਹਾ ਕਾਰ ਵਿੱਚ ਸਵਾਰ ਚਾਰੋਂ ਲੋਕਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ l
ਜਾਣਕਾਰੀ ਮਿਲਣ ‘ਤੇ ਸਮਾਜ ਸੇਵਾ ਸੁਸਾਇਟੀ ਦੇ ਮੈਂਬਰ ਅਤੇ ਪੁਲਿਸ ਟੀਮ ਮੌਕੇ ‘ਤੇ ਪਹੁੰਚੀ ਤਾਂ ਚਾਰਾਂ ਲਾਸ਼ਾਂ ਨੂੰ ਬਾਹਰ ਕੱਢਿਆ l ਕਾਰ ਦੇ ਚਾਰੋਂ ਟਾਇਰ ਦੀ ਹਵਾ ਨਿਕਲਣ ਦੇ ਬਾਅਦ ਇਸ ਨੂੰ ਕੜੀ ਮੁਸ਼ੱਕਤ ਦੇ ਬਾਅਦ ਟਰੱਕ ਦੇ ਨੀਚੇ ਤੋਂ ਕੱਢਿਆ ਗਿਆ ਅਤੇ ਫੇਰ ਇਸ ਵਿੱਚੋਂ ਚਾਰੇ ਲਾਸ਼ਾਂ ਨੂੰ ਪੋਸਟਮਾਰਟਮ ਦੇ ਲਈ ਮੋਗਾ ਦੇ ਸਿਵਿਲ ਹਸਪਤਾਲ ਵਿੱਚ ਪਹੁੰਚਾਇਆ l ਇਸ ਘਟਨਾ ਦੇ ਬਾਅਦ ਘਰ ਵਿੱਚ ਮਾਤਮ ਦਾ ਮਾਹੌਲ ਹੈ l ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰਨ ਵਿੱਚ ਲੱਗੀ ਹੋਈ ਹੈ l