ਚੰਡੀਗੜ੍ਹ : ਬਜਟ ਵਿੱਚ ਰਿਟਾਇਰਮੈਂਟ ਉਮਰ 58 ਸਾਲ ਕਰਨ ਦੇ ਫੈਸਲੇ ਦੇ ਬਾਅਦ ਪੰਜਾਬ ਸਰਕਾਰ ਦੇ ਕੁੱਲ 5600 ਕਰਮਚਾਰੀ ਅਤੇ ਅਧਿਕਾਰੀ ਨਵੇਂ ਵਿੱਤੀ ਸਾਲ ਤੋਂ ਰਿਟਾਇਰ ਹੋ ਜਾਣਗੇ l ਸਿੱਖਿਆ ਖੇਤਰ ਵਿੱਚ ਸਭ ਤੋਂ ਜ਼ਿਆਦਾ 1800 ਅਧਿਆਪਕ 31 ਮਾਰਚ ਤੋਂ ਰਿਟਾਇਰ ਹੋ ਜਾਣਗੇ l ਇਨ੍ਹਾਂ ਦੇ ਇਲਾਵਾ 10 ਪੀਸੀਐਸ ਅਧਿਕਾਰੀ, 42 ਐਸਐਸਪੀ ਅਤੇ 77 ਡੀਐਸਪੀ ਵੀ ਰਿਟਾਇਰਮੈਂਟ ਲਿਸਟ ਵਿੱਚ ਸ਼ਾਮਿਲ ਹਨ l ਇਹ ਅਧਿਕਾਰੀ ਕਰਮਚਾਰੀ ਰਿਟਾਇਰਮੈਂਟ ਦੇ ਬਾਅਦ 2 ਸਾਲ ਦੀ ਐਕਸਟੈਨਸ਼ਨ ‘ਤੇ ਕੰਮ ਕਰ ਰਹੇ ਹਨ l ਸਰਕਾਰ ਸਾਰੇ ਭੁਗਤਾਨ ਕਰ ਕੇ ਇਨ੍ਹਾਂ ਨੂੰ ਵਿਦਾਈ ਦੇਵੇਗੀ l ਮੁਲਾਜ਼ਿਮਾਂ ਦੀ ਵੱਡੀ ਸੰਖਿਆ ਦੇ ਕਾਰਨ ਸਰਕਾਰ ਦੀ ਕਾਰਗੁਜ਼ਾਰੀ ‘ਤੇ ਅਸਰ ਪੈਣਾ ਲਾਜ਼ਮੀ ਹੈ l ਹਾਲਾਂਕਿ ਸਰਕਾਰ ਰਿਟਾਇਰਮੈਂਟ ਫਾਈਲਾਂ ਤਿਆਰ ਕਰਨ ਨੂੰ ਅਲੱਗ ਸੈਲ ਬਣਾਵੇਗੀ, ਇਸ ਸੇਲ ਵਿੱਚ ਅਲੱਗ ਅਲੱਗ ਵਿਭਾਗਾਂ ਤੋਂ ਮੁਲਾਜ਼ਿਮਾਂ ਨੂੰ ਸ਼ਾਮਿਲ ਕੀਤਾ ਜਾਵੇਗਾ ਤਾਂ ਕਿ ਕੰਮ ਜਲਦ ਨਿਪਟਇਆ ਜਾ ਸਕੇ l ਪੁਲਿਸ ਵਿਭਾਗ ਵਿੱਚ ਰਿਟਾਇਰਮੈਂਟ ਦੇ ਸਮੇਂ ਇੰਟੈਲੀਜੈਂਸ ਵਿਭਾਗ ਦੀ ਕਲੀਅਰੈਂਸ ਜ਼ਰੂਰੀ ਹੁੰਦੀ ਹੈ l ਉਸ ਦੇ ਲਈ ਇੱਕ ਮਹੀਨੇ ਦਾ ਸਮਾਂ ਘੱਟ ਮੰਨਿਆ ਜਾ ਰਿਹਾ ਹੈ l ਅੰਕੜਿਆਂ ਦੀ ਗੱਲ ਕਰੀਏ ਤਾਂ ਸਰਕਾਰੀ ਵਿਭਾਗਾਂ ਵਿੱਚ ਅਲੱਗ ਅਲੱਗ ਲੈਵਲਾਂ ‘ਤੇ ਡੇਢ ਲੱਖ ਅਹੁਦੇ ਖਾਲੀ ਪਏ ਹਨ l ਜਿਹੜੇ ਮੁਲਾਜ਼ਿਮ ਇਸ ਸਮੇਂ ਕੰਮ ਕਰ ਰਹੇ ਹਨ ਉਨ੍ਹਾਂ ਸਾਰਿਆਂ ਦੇ ਕੋਲ ਇੱਕ ਤੋਂ ਜ਼ਿਆਦਾ ਕੰਮ ਦੀ ਜ਼ਿੰਮੇਦਾਰੀ ਹੈ l
ਸਰਕਾਰ ਦਾ ਬਜਟ ਆਉਣ ਤੋਂ ਬਾਅਦ ਗਿਰੇਗੀ ਇਨ੍ਹਾਂ 5600 ਮੁਲਾਜ਼ਿਮਾਂ ‘ਤੇ ਗਾਜ, ਹੋ ਜਾਣਗੇ 31 ਨੂੰ ਰਿਟਾਇਰ
