ਮੋਗਾ : 4 ਸਾਲ ਪਹਿਲਾਂ ਪਤਨੀ ਦੇ ਵਿਦੇਸ਼ ਜਾਣ ਦੇ ਬਾਅਦ ਸੰਬੰਧ ਤੋੜ ਲੈਣ ਨਾਲ ਪਰੇਸ਼ਾਨ ਪਤੀ ਨੇ ਕੀਟਨਾਸ਼ਕ ਦਵਾਈ ਖਾ ਕੇ ਆਤਮਹੱਤਿਆ ਕਰ ਲਈ l ਮ੍ਰਿਤਕ ਨੌਜਵਾਨ ਦੀ ਪਹਿਚਾਣ ਕਮਲਜੀਤ ਸਿੰਘ ਦੇ ਰੂਪ ਵਿੱਚ ਹੋਈ ਹੈ l ਪਿੰਡ ਰਾਮਾਂ ਨਿਵਾਸੀ ਬਲਵਿੰਦਰ ਸਿੰਘ ਨੇ ਪੁਲਿਸ ਨੂੰ ਦਿੱਤੇ ਬਿਆਨ ਵਿੱਚ ਇਲਜ਼ਾਮ ਲਾਇਆ ਕਿ ਉਸ ਦੇ ਮੁੰਡੇ ਕਮਲਜੀਤ ਸਿੰਘ ਦਾ ਵਿਆਹ ਕਈ ਸਾਲ ਪਹਿਲਾਂ ਹੋਇਆ ਸੀ l ਪਹਿਲੀ ਪਤਨੀ ਨਾਲ ਝਗੜੇ ਦੇ ਚਲਦੇ 2009 ਵਿੱਚ ਦੋਨਾਂ ਦਾ ਤਲਾਕ ਹੋ ਗਿਆ ਸੀ l ਇੱਕ ਧੀ ਸੀ ਜਿਹੜੇ ਮੁੰਡੇ ਦੀ ਪਹਿਲੀ ਪਤਨੀ ਆਪਣੇ ਨਾਲ ਲੈ ਗਈ ਸੀ l
2013 ਵਿੱਚ ਮੁੰਡੇ ਕਮਲਜੀਤ ਦਾ ਵਿਆਹ ਮੰਸੂਰਵਾਲ ਵਾਸੀ ਸੰਦੀਪ ਕੌਰ ਦੇ ਨਾਲ ਕੀਤਾ ਗਿਆ ਸੀ l ਵਿਆਹ ਦੇ 3 ਸਾਲ ਬਾਅਦ ਬਹੂ ਨੇ ਕੈਨੇਡਾ ਜਾਣ ਦੀ ਗੱਲ ਕਹੀ l ਇਸ ‘ਤੇ ਉਨ੍ਹਾਂ ਨੇ 12 ਲੱਖ ਰੁਪਏ ਖਰਚ ਕੀਤੇ ਅਤੇ ਉਹ ਵਿਦੇਸ਼ ਚਲੀ ਗਈ l ਜਿਸ ਕਾਰਨ ਮੁੰਡਾ ਪਰੇਸ਼ਾਨ ਰਹਿੰਦਾ ਸੀ l ਇਸੀ ਦੌਰਾਨ ਪਤਾ ਲੱਗਿਆ ਕਿ ਸੰਦੀਪ ਕੌਰ ਕੈਨੇਡਾ ਵਿੱਚ ਨਹੀਂ ਬਲਕਿ ਸਿੰਘਾਪੁਰ ਵਿੱਚ ਹੈ l ਉਸ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਕੋਈ ਸੰਪਰਕ ਨਹੀਂ ਹੋ ਸਕਿਆ l
ਸੰਦੀਪ ਕੌਰ ਦੀ ਇੱਕ ਧੀ ਵੀ ਹੈ.ਉਹ ਆਪਣੇ ਨਾਨਕੇ ਵਿੱਚ ਰਹਿੰਦੀ ਹੈ l ਬਲਵਿੰਦਾ ਨੇ ਦੱਸਿਆ ਕਿ 7 ਫਰਵਰੀ ਨੂੰ ਛੋਟੇ ਮੁੰਡੇ ਸਿਮਰਨਜੀਤ ਸਿੰਘ ਦਾ ਵਿਆਹ ਸੀ l ਕਮਲਜੀਤ ਨੂੰ ਉਮੀਦ ਸੀ ਕਿ ਛੋਟੇ ਭਾਈ ਦੇ ਵਿਆਹ ਵਿੱਚ ਉਸ ਦੀ ਪਤਨੀ ਜ਼ਰੁਰ ਸੰਪਰਕ ਕਰੇਗੀ ਅਤੇ ਵਿਆਹ ਵਿੱਚ ਜ਼ਰੂਰ ਆਵੇਗੀ l ਜਦਕਿ ਉਸ ਦਾ ਮੁੰਡਾ ਕਮਲਜੀਤ ਸਿੰਘ ਆਪਣੇ ਸੁਹਰੇ ਮੰਸੂਰਵਾਲ ਜਾ ਕੇ ਆਪਣੀ ਧੀ ਨੂੰ 6 ਫਰਵਰੀ ਨੂੰ ਲੈ ਆਇਆ ਸੀ l
ਮ੍ਰਿਤਕ ਦੇ ਪਿਤਾ ਨੇ ਦੱਸਿਆ ਕਿ ਕਮਲਜੀਤ ਛੋਟੇ ਭਾਈ ਦੇ ਵਿਆਹ ਤੋਂ ਬਾਅਦ ਟੁੱਟ ਗਿਆ ਸੀ l ਉਹ ਪਰੇਸ਼ਾਨ ਰਹਿੰਦਾ ਸੀ ਕਿ ਉਸ ਦਾ ਦੋ ਵਾਰ ਵਿਆਹ ਹੋਇਆ ਅਤੇ ਦੋਨੋਂ ਵਾਰ ਧੋਖਾ ਮਿਲਿਆ l 10 ਫਰਵਰੀ ਨੂੰ ਕਮਲਜੀਤ ਨੇ ਕੀਟਨਾਸ਼ਕ ਦਵਾਈ ਨਿਗਲ ਲਈ ਸੀ l ਤਬੀਅਤ ਵਿਗੜਨ ‘ਤੇ ਉਸ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ l ਜਿੱਥੇ ਇਲਾਜ ਦੇ ਦੌਰਾਨ ਸ਼ੁੱਕਰਵਾਰ ਸਵੇਰੇ ਉਸ ਨੇ ਦਮ ਤੋੜ ਦਿੱਤਾ l
ਮਾਮਲੇ ਦੀ ਜਾਣਕਾਰੀ ਦੇਣ ‘ਤੇ ਪੁਲਿਸ ਨੇ 174 ਦੀ ਕਾਰਵਾਈ ਕਰਦੇ ਹੋਏ ਲਾਸ਼ ਦਾ ਪੋਸਟਮਾਰਟਮ ਕਰਵਾ ਕੇ ਰਿਸ਼ਤੇਦਾਰਾਂ ਨੂੰ ਸੌਂਪ ਦਿੱਤਾ ਹੈ l ਪੁਲਿਸ ਦੇ ਮੁਤਾਬਿਕ ਮ੍ਰਿਤਕ ਅਤੇ ਉਸ ਦੇ ਭਾਈ ਦੇ ਕੋਲ ਸਾਢੇ ਸੱਤ ਕਿਲੋ ਜ਼ਮੀਨ ਸੀ l ਕਮਲਜੀਤ ਦੀ ਮੌਤ ਦੇ ਬਾਅਦ ਉਸ ਦੀ ਪਤਨੀ ਅੱਧੀ ਜ਼ਮੀਨ ਦੀ ਹਿੱਸੇਦਾਰ ਬਣਦੀ ਸੀ l ਜਦਕਿ ਦੋਨੋਂ ਪਰਿਵਾਰਾਂ ਵਿੱਚ ਇਸ ਗੱਲ ‘ਤੇ ਸਹਿਮਤੀ ਹੋਈ ਹੈ ਕਿ ਮ੍ਰਿਤਕ ਦੇ ਰਿਸ਼ਤੇਦਾਰ ਕਮਲਜੀਤ ਸਿੰਘ ਦੇ ਸਹੁਰੇ ਵਾਲਿਆਂ ‘ਤੇ ਕੇਸ ਦਰਜ ਨਹੀਂ ਕਰਵਾਉਣਗੇ l ਬਦਲੇ ਵਿੱਚ ਉਹ ਜ਼ਮੀਨ ਦਾ ਹਿੱਸਾ ਨਹੀਂ ਲੈਣਗੇ.
12 ਲੱਖ ਦੇ ਕੇ ਪਤਨੀ ਨੂੰ ਭੇਜਿਆ ਕੈਨੇਡਾ, 4 ਸਾਲ ਬਾਅਦ ਵੀ ਵਾਪਸ ਨਹੀਂ ਆਈ, ਪਰੇਸ਼ਾਨ ਪਤੀ ਨੇ ਕੀਤੀ ਆਤਮਹੱਤਿਆ
