ਅੱਧੀ ਰਾਤ ਜੰਗਲੀ ਸ਼ੈਅ ਨੇ ਮੁਹੱਲੇ ਵਾਲੇ ਪਾਏ ਵਖ਼ਤ ‘ਚ; ਜੰਗਲਾਤ ਮਹਿਕਮੇ ਦੇ ਮੁਲਾਜ਼ਮਾਂ ਕੜੀ ਮਿਹਨਤ ਨਾਲ ਕੀਤਾ ਕਾਬੂ

ਇਹ ਦ੍ਰਿਸ਼ ਹੈ ਜਲੰਧਰ ਦੇ ਗੁਲਾਬ ਦੇਵੀ ਰੋਡ ਇਲਾਕੇ ਦਾ, ਜਿੱਥੇ ਰਾਤ ਦੇ ਹਨੇਰੇ ਦਾ ਫਾਇਦਾ ਚੁੱਕ ਇੱਕ ਜੰਗਲੀ ਸ਼ੈਅ ਮੁਹੱਲੇ ਵਿਚ ਆਣ ਵੜਦੀ ਹੈ | ਜਿਸ ਨੂੰ ਦੇਖ ਇਲਾਕੇ ਦੇ ਸਾਰੇ ਕੁੱਤੇ ਉਸਦੇ ਦੁਆਲੇ ਹੋ ਜਾਂਦੇ ਨੇ ਤੇ ਭੌਂਕ ਭੌਂਕ ਕੇ ਸੁੱਤੇ ਲੋਕਾਂ ਨੂੰ ਹੈਰਾਨ ਕਰ ਦਿੰਦੇ ਨੇ | ਫਿਰ ਇਹ ਸ਼ੈ ਕੰਧ ਟੱਪ ਇੱਕ ਖੁੱਲੀ ਥਾਂ ਤੇ ਚਲੀ ਜਾਂਦੀ ਹੈ | ਸਵੇਰੇ ਸੈਰ ਕਰਨ ਨੂੰ ਜਾਂਦੇ ਲੋਕਾਂ ਦੀ ਨਜ਼ਰ ਇਸਤੇ ਪੈਂਦੀ ਹੈ ਤਾਂ ਉਹ ਫਟਾਫਟ ਮਹਿਕਮੇ ਦੇ ਅਫਸਰਾਂ ਨੂੰ ਫੋਨ ਤੇ ਸਾਰੀ ਇਤਲਾਹ ਦੇ ਮੌਕੇ ਤੇ ਬੁਲਾ ਲੈਂਦੇ ਨੇ |