ਅਸੀਂ ਸਾਰੇ ਆਪਣੀ- ਆਪਣੀ ਪਹਿਲ ਦੇ ਅਧਾਰ ਤੇ ਆਪਣੀ ਤਰੱਕੀ ਲਈ ਨਵੇਂ ਸਾਲ ਦੇ ਨਿਸ਼ਚੇ ਕਰਦੇ ਹਾਂ l ਕੁਝ ਲੋਕ ਰੋਜ਼ ਕਸਰਤ ਕਰਦੇ ਹਨ, ਕੁਝ ਸਖਤ ਮਿਹਨਤ ਕਰਦੇ ਹਨ, ਕੁਝ ਸਵੇਰੇ ਉੱਠਦੇ ਹਨ, ਕੁਝ ਕਾਰੋਬਾਰ ਵਿਚ ਤਰੱਕੀ ਕਰਦੇ ਹਨ, ਅਤੇ ਕੁਝ ਸ਼ਰਾਬ-ਸਿਗਰਟ ਛੱਡਦੇ ਹਨ l
ਇਨ੍ਹਾਂ ਸਭਨਾਂ ਦੇ ਨਾਲ, ਸਾਨੂੰ ਰੂਹਾਨੀ ਤਰੱਕੀ ਲਈ ਵੀ ਵਚਨਬੱਧ ਹੋਣਾ ਚਾਹੀਦਾ ਹੈ l ਇੱਕ ਚੰਗੇ, ਸ਼ੁੱਧ ਅਤੇ ਨੇਕ ਇਨਸਾਨ ਬਣਨ ਲਈ ਵੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈl ਇਕ ਚੰਗੇ, ਨੇਕ ਇਨਸਾਨ ਬਣਨ ਲਈ, ਸਾਨੂੰ ਬਾਹਰੀ ਸੰਸਾਰ ਵਿਚ ਨਹੀਂ, ਬਲਕਿ ਆਪਣੇ ਅੰਦਰ ਕੰਮ ਕਰਨਾ ਪੈਂਦਾ ਹੈ, ਸਾਨੂੰ ਆਪਣੀ ਸੋਚ ਅਤੇ ਸਮਝ ਨੂੰ ਸੁਧਾਰਨਾ ਪਵੇਗਾ l
ਅਸੀਂ ਸੰਸਾਰ ਨੂੰ ਇਕ ਨਜ਼ਰੀਏ ਤੋਂ ਵੇਖਦੇ ਹਾਂ l ਜਿਵੇਂ ਦੀ ਸਾਡੀ ਸਮਝ ਹੈ, ਜਿਸ ਤਰ੍ਹਾਂ ਦੇ ਸੰਸਕਾਰ ਹਨ, ਜੋ ਕੁਝ ਸਾਡੀ ਜਿੰਦਗੀ ਵਿਚ ਢਲਿਆ ਹੋਵੇ, ਉਸ ਤਰ੍ਹਾਂ ਦੀ ਸਾਡੀ ਸੋਚ ਬਣਨੀ ਸ਼ੁਰੂ ਹੋ ਜਾਂਦੀ ਹੈ, ਫਿਰ ਅਸੀਂ ਉਸ ਤਰ੍ਹਾਂ ਹੀ ਸੋਚਣਾ ਅਤੇ ਸਮਝਣਾ ਸ਼ੁਰੂ ਕਰਦੇ ਹਾਂl ਇਸ ਲਈ ਆਓ ਅਸੀਂ ਪ੍ਰਮਾਤਮਾ ਅੱਗੇ ਅਰਦਾਸ ਕਰੀਏ ਕਿ ਜੋ ਸਾਡਾ ਦ੍ਰਿਸ਼ਟੀਕੋਣ ਹੈ, ਉਹ ਖੁੱਲ੍ਹ ਜਾਵੇ ਤਾਂ ਜੋ ਅਸੀਂ ਸਾਰਿਆਂ ਨੂੰ ਇਕ ਨਜ਼ਰ ਨਾਲ ਵੇਖ ਸਕੀਏ l ਇਹ ਕਿਵੇਂ ਹੋਏਗਾ? ਜਦੋਂਅਸੀਂ ਭਜਨ-ਸਿਮਰਨ ਕਰਦੇ ਹਾਂ ਤਾਂ ਜੋਤੀ ਅਤੇ ਸ਼ਰੂਤੀ ਪ੍ਰਭੂ ਦੇ ਦੋ ਜਾਤੀ ਰੂਪ ਹਨ, ਉਨਾਂ ਦਾ ਅਸੀਂ ਅਨੁਭਵ ਕਰਦੇ ਹਾਂ, ਉਦੋਂ ਸਾਨੂੰ ਅਹਿਸਾਸ ਹੁੰਦਾ ਹੈ ਕਿ ਸਾਡੇ ਅੰਦਰ ਕੰਮ ਕਰਨ ਵਾਲੀ ਪ੍ਰਭੂ ਦੀ ਸ਼ਕਤੀ ਦੂਜੇ ਮਨੁੱਖਾਂ, ਜਾਨਵਰਾਂ ਅਤੇ ਪੌਦਿਆਂ ਵਿੱਚ ਵੀ ਹੈ, ਉਦੋਂ ਅਸੀਂ ਸਾਰਿਆਂ ਨੂੰ ਆਪਣਾ ਸਮਝਣਾ ਸ਼ੁਰੂ ਕਰਦੇ ਹਾਂ, ਦੂਜਿਆਂ ਪ੍ਰਤੀ ਸਾਡੀ ਸੰਵੇਦਨਸ਼ੀਲਤਾ ਵਧਦੀ ਹੈ, ਸਾਡੀ ਸੋਚ ਅਤੇ ਸਮਝ ਸਹੀ ਅਰਥਾਂ ਵਿਚ ਵਧਦੀ ਹੈ l
ਜਿਸਦੀ ਸਮਝ ਸਹੀ ਹੋਵੇਗੀ, ਉਸਦੇ ਵਿਚਾਰ ਸਹੀ ਹੋਣਗੇ l ਜਿਸ ਦੇ ਵਿਚਾਰ ਸਹੀ ਹੋਣਗੇ, ਉਸਦੇ ਸ਼ਬਦ ਸਹੀ ਹੋਣਗੇ l ਜਿਸ ਦੇ ਸ਼ਬਦ ਸਹੀ ਹੋਣਗੇ, ਉਸ ਦੇ ਕੰਮ ਸਹੀ ਹੋਣਗੇ l ਇਸ ਲਈ ਸਹੀ ਸਮਝ ਹੋਣਾ ਬਹੁਤ ਜ਼ਰੂਰੀ ਹੈl
ਇਸ ਲਈ ਇਸ ਨਵੇਂ ਸਾਲ ਲਈ, ਸਾਨੂੰ ਆਪਣੀ ਸਮੁੱਚੀ ਤਰੱਕੀ ਲਈ ਅਧਿਆਤਮਕ ਸੰਕਲਪ ਵੀ ਲੈਣਾ ਚਾਹੀਦਾ ਹੈ ਤਾਂ ਜੋ ਅਸੀਂ ਹਰ ਰੋਜ਼ ਭਜਨ-ਅਭਿਆਸ ਲਈ ਸਮਾਂ ਦੇਈਏ ਤਾਂ ਜੋ ਸਾਡੀ ਸੋਚ ਅਤੇ ਸਮਝ ਦਾ ਵਿਕਾਸ ਹੋ ਸਕੇ, ਤਾਂ ਜੋ ਅਸੀਂ ਇੱਕ ਚੰਗੇ, ਪਵਿੱਤਰ ਅਤੇ ਨੇਕ ਇਨਸਾਨ ਬਣ ਸਕੀਏ l
