ਸਰਪੰਚਣੀ ਦੇ ਮੂੰਹੋਂ ਸੁਣੋ ਕਿਓਂ ਕਰਨੀ ਪਈ ਵੀਡੀਓ ਵਾਇਰਲ

ਮਾਮਲਾ ਜਿਲ੍ਹਾ ਲੁਧਿਆਣਾ ਦੇ ਹਲਕਾ ਦਾਖਾ ਅਧੀਨ ਪੈਂਦੇ ਪਿੰਡ ਮੰਡਿਆਨੀ ਦਾ ਹੈ, ਜਿੱਥੇ ਦੀ ਨੌਜਵਾਨ ਸਰਪੰਚ ਬੀਬੀ ਗੁਰਪ੍ਰੀਤ ਕੌਰ ਪਿੰਡ ਦੇ ਹੀ ਕੁੱਝ ਪਰਿਵਾਰਾਂ ਵੱਲੋਂ ਬੇਹੱਦ ਪ੍ਰੇਸ਼ਾਨ ਸੀ ਕਿਓਂਕਿ ਉਹ ਪਰਿਵਾਰ ਸ਼ਰੇਆਮ ਚਿੱਟਾ ਵੇਚ ਰਹੇ ਸਨ | ਇਸ ਸਰਪੰਚ ਬੀਬੀ ਦੇ ਮੁਤਾਬਿਕ ਪਿੰਡ ਦਾ ਆਹ ਹਾਲ ਸੀ ਕਿ ਇੱਕ ‘ਚ ਹੀ ਦੂਰੋਂ ਦੂਰੋਂ ਆ ਹਜ਼ਾਰ ਦੇ ਕਰੀਬ ਨਸ਼ੇੜੀ ਇਹਨਾਂ ਪਰਿਵਾਰਾਂ ਤੋਂ ਨਸ਼ਾ ਖਰੀਦ ਕੇ ਲਿਜਾਂਦੇ | ਸਰਪੰਚ ਨੇ ਕਈ ਵਾਰ ਪੁਲਿਸ ਨੂੰ ਵੀ ਸ਼ਿਕਾਇਤ ਕੀਤੀ ਪਰ ਪੁਲਿਸ ਹਰ ਵਾਰ ਸਬੂਤ ਦੇਣ ਦੀ ਗੱਲ ਆਖਦੀ | ਫੇਰ ਹਾਰ ਕੇ ਸਰਪੰਚ ਗੁਰਪ੍ਰੀਤ ਕੌਰ ਨੇ ਪਿੰਡ ਵਾਲਿਆਂ ਦੇ ਨਾਲ ਮਿਲ ਕੇ ਲੁਧਿਆਣਾ ਫ਼ਿਰੋਜ਼ਪੁਰ ਰੋਡ ‘ਤੇ ਧਰਨਾ ਲਗਾ ਦਿੱਤਾ | ਜਿਸਤੋਂ ਬਾਅਦ ਧਰਨਾ ਚੁਕਵਾਉਣ ਆਈ ਪੁਲਿਸ ਦੀ ਹਾਜ਼ਰੀ ‘ਚ ਗੁਰਪ੍ਰੀਤ ਨੇ ਜਦ ਪਿੰਡ ‘ਚ ਰੇਡ ਕੀਤੀ ਤਾਂ ਪੁਲਿਸ ਵਾਲੇ ਵੀ ਇੱਕ ਦੂਜੇ ਦਾ ਮੂੰਹ ਵੇਖਦੇ ਰਹਿ ਗਏ |