ਫ਼ਤਿਹਗੜ੍ਹ ਸਾਹਿਬ : ਜਿੱਥੇ ਦੇਸ਼ ਵਿੱਚ ਇਸ ਸਮੇਂ ਨਾਗਰਿਕਤਾ ਸੰਸੋਧਨ ਕਾਨੂੰਨ ਅਤੇ ਐਨਆਰਸੀ ਨੂੰ ਲੈ ਕੇ ਜਿੱਥੇ ਅਲੱਗ ਅਲੱਗ ਧਰਮਾਂ ਵਿੱਚ ਤਨਅ ਦਾ ਮਾਹੌਲ ਬਣਿਆ ਹੋਇਆ ਹੈ l ਉੱਥੇ ਮੁਸਲਮਾਨ ਭਾਈਚਾਰੇ ਨੇ ਮਿਸਾਲ ਪੈਦਾ ਕੀਤੀ ਹੈ l ਫ਼ਤਿਹਗੜ੍ਹ ਸਾਹਿਬ ਵਿਖੇ ਤਿੰਨ ਦਿਨ ਚੱਲਣ ਵਾਲੇ ਸ਼ਹੀਦੀ ਜੋੜ ਮੇਲੇ ਲਈ ਮੁਸਲਮਾਨ ਭਾਈਚਾਰੇ ਦੇ ਲੋਕਾਂ ਨੇ ਲਾਲ ਮਸਜਿਦ ਦੇ ਦਰਵਾਜ਼ੇ ਸਿੱਖਾਂ ਲਈ ਖੋਲ ਦਿੱਤੇ ਹਨ l ਜਿੱਥੇ ਸ਼ਹੀਦੀ ਜੋੜ ਮੇਲੇ ਲਈ ਲੰਗਰ ਦਾ ਪ੍ਰਬੰਧ ਕੀਤਾ ਗਿਆ ਹੈ l ਜਾਣਕਾਰੀ ਦੇ ਮੁਤਾਬਿਕ ਲਾਲ ਮਸਜਿਦ ਦੇ ਨਾਮ ਨਾਲ ਜਾਣੀ ਜਾਣ ਵਾਲੀ ਇਹ ਮਸਜਿਦ ਮੁਗਲਕਾਲੀਨ ਸਮੇਂ ਦੀ ਹੈ l 2015 ਵਿੱਚ ਇਸ ਮਸਜਿਦ ਦਾ ਪੁਨਰਨਿਰਮਾਣ ਕਰਵਾਇਆ ਗਿਆ ਸੀ l
ਰਾਣਵਾਂ ਪਿੰਡ ਦੇ ਰਹਿਣ ਵਾਲੇ ਬਲਵੰਤ ਸਿੰਘ ਨੇ ਕਿਹਾ ਕਿ ਮੁਸਲਿਮ ਭਾਈਚਾਰੇ ਨੇ ਲੰਗਰ ਤਿਆਰ ਕਰਨ ਦੇ ਲਈ ਉਨ੍ਹਾਂ ਨੂੰ ਆਪਣੀ ਜਗ੍ਹਾਂ ਦੇ ਦਿੱਤੀ ਹੈ l ਊਨ੍ਹਾਂ ਦਾ ਕਹਿਣਾ ਸਾਡੇ ਬਜ਼ੁਰਗ 42 ਸਾਲ ਤੋਂ ਇਸ ਲੰਗਰ ਦੀ ਸੇਵਾ ਕਰ ਰਹੇ ਹਨ l ਮਸਜਿਦ ਦੇ ਤਹਿਖਾਨੇ ਦਾ ਇਸਤੇਮਾਲ ਵੀ ਸਾਡੇ ਲੰਗਰ ਦੇ ਸਮਾਨ ਦੇ ਭੰਡਾਰਨ ਦੇ ਲਈ ਹੀ ਕੀਤਾ ਜਾ ਰਿਹਾ ਹੈ l ਦੋ ਪਿੰਡਾਂ ਦੇ ਗੁਰਦੁਆਰਿਆਂ ਨੇ ਮਿਲ ਕੇ ਲੰਗਰ ਦਾ ਪ੍ਰਬੰਧ ਕੀਤਾ ਹੈ ਅਤੇ ਮੁਸਲਿਮ ਭਾਈਚਾਰੇ ਦੇ ਲੋਕ ਵੀ ਲੰਗਰ ਦੀ ਸੇਵਾ ਵਿੱਚ ਹੱਥ ਵਟਾ ਰਹੇ ਹਨ l
ਮੁਸਲਿਮ ਭਾਈਚਾਰੇ ਨੇ ਫਤਹਿਗੜ੍ਹ ਸਾਹਿਬ ‘ਚ ਸਿੱਖਾਂ ਲਈ ਖੋਲ੍ਹੇ ਲਾਲ ਮਸਜਿਦ ਦੇ ਦਰਵਾਜੇ, ਸ਼ਹੀਦੀ ਜੋੜ ਮੇਲਾ ‘ਚ ਲਾਇਆ ਲੰਗਰ, ਅਫ਼ਰੀਨ!
