ਲੁਧਿਆਣਾ : ਲੋਹਾਰਾ ਰੋਡ ਸਥਿਤ ਇੱਕ ਪ੍ਰਾਈਵੇਟ ਕਲੀਨਿਕ ਵਿੱਚ ਟੀਕਾ ਲਗਵਾਉਣ ਨਾਲ ਕੁਝ ਦੇਰ ਬਾਅਦ ਹੀ ਵਿਅਕਤੀ ਦੀ ਮੌਤ ਹੋ ਗਈ l ਪੁਲਿਸ ਨੇ ਪਰਿਵਾਰਿਕ ਮੈਂਬਰਾਂ ਦੇ ਬਿਆਨ ਦਰਜ ਕਰਕੇ ਲਾਸ਼ ਨੂੰ ਪੋਸਟਮਾਰਟਮ ਦੇ ਲਈ ਸਿਵਿਲ ਹਸਪਤਾਲ ਭੇਜ ਦਿੱਤਾ ਗਿਆ l ਮ੍ਰਿਤਕ ਦੀ ਪਹਿਚਾਣ 40 ਸਾਲਾ ਜਸਵੀਰ ਸਿੰਘ ਨਿਵਾਸੀ ਡਾਬਾ ਰੋਡ ਲੋਹਾਰਾ ਦੇ ਰੂਪ ਵਿੱਚ ਹੋਈ ਹੈ l ਥਾਣਾ ਮੁਖੀ ਪਵਿੱਤਰ ਸਿੰਘ ਨੇ ਦੱਸਿਆ ਕਿ ਤਿੰਨ ਬੱਚਿਆਂ ਦਾ ਪਿਤਾ ਜਸਵੀਰ ਟੈਂਟ ਦਾ ਕੰਮ ਕਰਦਾ ਸੀ l ਉਹ ਕੁਝ ਦਿਨਾਂ ਤੋਂ ਬੀਮਾਰ ਸੀ. ਉਸਦੇ ਢਿੱਡ ਵਿੱਚ ਦਰਦ ਸੀ l ਸ਼ਨੀਵਾਰ ਦੀ ਸਵੇਰ ਪਰਿਵਾਰ ਦੇ ਮੈਂਬਰ ਉਸਨੂੰ ਲੋਹਾਰਾ ਡਾਬਾ ਰੋਡ ਸਥਿਤ ਇੱਕ ਪ੍ਰਈਵੇਟ ਕਲੀਨਿਕ ਵਿੱਚ ਲੈ ਗਏ l ਉੱਥੇ ਇਸਨੂੰ ਇੰਜੈਕਸ਼ਨ ਲਗਾਇਆ l ਜਦ ਉਹ ਉਸਨੂੰ ਘਰ ਲੈ ਕੇ ਆ ਰਹੇ ਸੀ ਤਾਂ ਰਸਤੇ ਵਿੱਚ ਜਸਵੀਰ ਬੇਹੋਸ਼ ਹੋ ਕੇ ਗਿਰ ਗਿਆ l ਪਰਿਵਾਰਕ ਮੈਂਬਰ ਉਸਨੂੰ ਦੁਬਾਰਾ ਹਸਪਤਾਲ ਲੈ ਕੇ ਗਏ ਤਦ ਤੱਕ ਉਸਦੀ ਮੌਤ ਹੋ ਚੁੱਕੀ ਸੀ l ਥਾਣਾ ਮੁਖੀ ਨੇ ਦੱਸਿਆ ਕਿ ਲਾਸ਼ ਦੇ ਪੋਸਟਮਾਰਟਮ ਤੋਂ ਬਾਅਦ ਦੋ ਜਗਾ ਹੋਰ ਪਟਿਆਲਾ ਅਤੇ ਖਰੜ ਜਾਂਚ ਦੇ ਲਈ ਭੇਜਿਆ ਗਿਆ l ਰਿਪੋਰਟ ਆਉਣ ਤੋਂ ਬਾਅਦ ਬਣਦੀ ਕਾਰਵਾਈ ਕੀਤੀ ਜਾਵੇਗੀ l ਫ਼ਿਲਹਾਲ ਮ੍ਰਿਤਕ ਦੇ ਭਤੀਜੇ ਜਗਦੀਪ ਸਿੰਘ ਦੇ ਬਿਆਨਾਂ ਤੇ ਧਾਰਾ 174 ਦੇ ਤਹਿਤ ਕਾਰਵਾਈ ਕੀਤੀ ਗਈ ਹੈ l
ਪ੍ਰਾਈਵੇਟ ਕਲੀਨਿਕਾਂ ‘ਚ ਟੀਕੇ ਧਿਆਨ ਨਾਲ ਲਵਾਓ, ਆ ਦੇਖੋ ਕਿਵੇਂ ਹੋਈ ਮੌਤ
