ਲੁਧਿਆਣਾ : ਹਾਦਸੇ ਵਿੱਚ ਹੱਥ ਟੁੱਟਣ ਦੇ ਕਾਰਨ ਜ਼ਿਆਦਾ ਕੰਮ ਨਾ ਕਰਨ ਕਰਕੇ ਗੁਰਦੁਆਰਾ ਸਾਹਿਬ ਦੇ ਪਾਠੀ ਨੇ ਅਫੀਮ ਤਸਕਰੀ ਸ਼ੁਰੂ ਕਰ ਦਿੱਤੀ ਹੈ l ਪੁਲਿਸ ਨੇ ਮੁਲਜ਼ਮ ਨੂੰ ਗ੍ਰਿਫਤਾਰ ਕਰਕੇ ਉਸ ਕੋਲੋਂ ਅੱਧਾ ਕਿਲੋ ਅਫੀਮ ਬਰਾਮਦ ਕੀਤੀ ਹੈ l ਡਿਵੀਜ਼ਨ 2 ਪੁਲਿਸ ਨੇ ਸਾਹਨੇਵਾਲ ਦੇ ਅਵਤਾਰ ਸਿੰਘ ਦੇ ਖਿਲਾਫ ਐਨਡੀਪੀਐਸ ਐਕਟ ਦੇ ਤਹਿਤ ਮਾਮਲਾ ਦਰਜ ਕੀਤਾ ਹੈ l ਪੁਲਿਸ ਮੁਲਜ਼ਮ ਤੋਂ ਪੁੱਛਗਿਛ ਕਰ ਰਹੀ ਹੈ l ਏਐਸਆਈ ਰਾਜਿੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸੂਚਨਾ ਮਿਲੀ ਸੀ ਕਿ ਮੁਲਜ਼ਮ ਅਫੀਮ ਦੀ ਤਸਕਰੀ ਕਰਦਾ ਹੈ l ਸੂਚਨਾ ਦੇ ਆਧਾਰ ‘ਤੇ ਪੁਲਿਸ ਨੇ ਚੀਮਾ ਚੌਂਕ ਦੇ ਕੋਲ ਨਾਕਾਬੰਦੀ ਕੀਤੀ ਸੀ l ਇਸੀ ਦੌਰਾਨ ਮੁਲਜ਼ਮ ਨੂੰ ਸਾਹਮਣੇ ਆਉਂਦਾ ਦੇਖਿਆ ਪਰ ਮੁਲਜ਼ਮ ਨਾਕਾਬੰਦੀ ਦੇਖ ਪਿੱਛੇ ਵੱਲ ਨੂੰ ਭੱਜਣ ਲੱਗਾ l ਪੁਲਿਸ ਮੁਲਾਜ਼ਮਾਂ ਨੇ ਉਸ ਨੂੰ ਫੜ ਕੇ ਤਲਾਸ਼ੀ ਲਈ ਤਾਂ ਉਸ ਕੋਲੋਂ ਅਫੀਮ ਬਰਾਮਦ ਹੋਈ l
ਹਾਦਸੇ ਵਿੱਚ ਹੱਥ ਟੁੱਟਿਆ ਤਾਂ ਪਾਠੀ ਕਰਨ ਲੱਗਾ ਤਸਕਰੀ, ਗ੍ਰਿਫਤਾਰ
