ਜਲੰਧਰ : ਬੀਤੀ ਕੱਲ ਜਲੰਧਰ ਵਿੱਚ ਕੋਰੋਨਾ ਵਾਇਰਸ ਤੋਂ ਪੀੜਿਤ ਦਾ ਅੰਤਿਮ ਸੰਸਕਾਰ ਨਿੱਜੀ ਹਸਪਤਾਲ ਦੇ ਪ੍ਰਸ਼ਾਸਨ ਨੇ ਪੀਪੀਈ ਕਿੱਟ ਪਾ ਕੇ ਕੀਤਾ ਹੈ l ਸ਼ਨੀਵਾਰ ਨੂੰ ਮੌਤ ਹੋ ਜਾਣ ਦੇ ਬਾਅਦ ਇਸ ਮਰੀਜ਼ ਦੇ ਰਿਸ਼ਤੇਦਾਰਾਂ ਨੂੰ ਲਾਸ਼ ਲੈ ਜਾਣ ਦੇ ਲਈ ਸੂਚਿਤ ਕੀਤਾ ਸੀ l ਜਦੋਂ ਕੋਈ ਨਹੀਂ ਆਇਆ ਤਾਂ ਦੁਪਹਿਰ ਬਾਅਦ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਐਸਡੀਐਮ ਰਾਹੁਲ ਸਿੱਧੂ ਦੀ ਅਗਵਾਈ ਵਿੱਚ ਜੌਹਲ ਹਸਪਤਾਲ ਦੇ ਸਟਾਫ ਨੇ ਪੀਪੀਈ ਕਿੱਟਾਂ ਪਾ ਕੇ ਅੰਤਿਮ ਸਥਾਨ ਸਵਰਗ ਆਸ਼ਰਮ ਵਿੱਚ ਅੰਤਿਮ ਸੰਸਕਾਰ ਕਰਵਾਇਆ l ਇਸ ਸੰਬੰਧ ਵਿੱਚ ਜ਼ਿਲ੍ਹਾ ਪ੍ਰਸ਼ਾਸਨ ਨੂੰ ਸਵੇਰੇ ਹੀ ਸੂਚਨਾ ਦੇ ਦਿੱਤੀ ਗਈ ਸੀ l
ਜੌਹਲ ਹਸਪਤਾਲ ਦੇ ਐਮਡੀ ਡਾਕਟਰ ਬੀਐਸ ਜੋਹਲ ਨੇ ਦੱਸਿਆ ਕਿ ਬਸਤੀ ਗੁੱਜਾਂ ਦੇ ਨਿਊ ਗੋਬਿੰਦ ਨਗਰ ਇਲਾਕੇ ਵਿੱਚ ਰਹਿਣ ਵਾਲਾ 48 ਸਾਲਾ ਸਹਿਦੇਵ ਸਿੰਘ ਮੂਲ ਨਿਵਾਸੀ ਮਹਾਂਰਾਸ਼ਟਰ 22 ਅਪ੍ਰੈਲ ਨੂੰ ਹਸਪਤਾਲ ਵਿੱਚ ਆਇਆ ਸੀ l ਹਸਪਤਾਲ ਦੇ ਗੇਟ ਤੇ ਇਸ ਦੀ ਸਕਰੀਨਿੰਗ ਕੀਤੀ ਗਈ l ਇਸ ਵਿੱਚ ਕੋਰੋਨਾ ਵਾਇਰਸ ਨਾਲ ਸੰਬੰਧਿਤ ਕਿਸੀ ਵੀ ਪ੍ਰਕਾਰ ਦੇ ਲੱਛਣ ਨਹੀਂ ਸਨ l ਉਸ ਨੂੰ ਹਸਪਤਾਲ ਵਿੱਚ ਦਾਖਿਲ ਕਰ ਲਿਆ ਗਿਆ ਤਾਂ ਹਿਮੋਗਲੋਬਿਨ ਸਿਰਫ 3 ਗ੍ਰਾਮ ਸੀ.ਲੋਕਾਂ ਦੇ ਸਹਿਯੋਗ ਨਾਲ ਨਿੰਜੀ ਬਲੱਡ ਬੈਂਕਾਂ ਤੋਂ 3 ਯੂਨਿਟ ਬਲੱਡ ਚੜਾਇਆ ਗਿਆ l ਇੱਕ ਦਿਨ ਪਹਿਲਾਂ ਉਸ ਦੀ ਤਬੀਅਤ ਖਰਾਬ ਹੋਈ ਅਤੇ ਰਿਸ਼ਤੇਦਾਰਾਂ ਨੂੰ ਸਿਵਿਲ ਹਸਪਾਲ ਲੈ ਕੇ ਜਾਣ ਦੀ ਸਲਾਹ ਦਿੱਤੀ ਪਰ ਉਨ੍ਹਾਂ ਨੇ ਇਨਕਾਰ ਕਰ ਦਿੱਤਾ ਸੀ l ਮਰੀਜ਼ ਨੂੰ ਆਈਸੋਲੇਟ ਕਰ ਦਿੱਤਾ ਸੀ ਅਤੇ ਸਟਾਫ ਪੀਪੀਈ ਕਿੱਟ ਪਾ ਕੇ ਇਲਾਜ ਕਰ ਰਿਹਾ ਸੀ l ਮਰੀਜ਼ ਦਾ ਸੈਂਪਲ ਲੈ ਕੇ ਰਿਸ਼ਤੇਦਾਰਾਂ ਨੂੰ ਜਾਂਚ ਦੇ ਲਈ ਦਿੱਤਾ ਸੀ ਅਤੇ ਉਨ੍ਹਾਂ ਨੇ ਸਿਵਿਲ ਹਸਪਤਾਲ ਪਹੁੰਚਾਉਣ ਦੀ ਬਜਾਏ ਤੁਲੀ ਡਾਇਗਨੋਸਟਿਕ ਸੈਂਟਰ ਅੰਮਿ੍ਰਤਸਰ ਵਿੱਚ ਭੇਜ ਦਿੱਤਾ ਹੈ l
ਸ਼ਨੀਵਾਰ ਨੂੰ ਇੱਕ ਸ਼ੱਕੀ ਮਰੀਜ਼ ਦੀ ਮੌਤ ਅਤੇ ਤਿੰਨ ਨਵੇਂ ਮਰੀਜ਼ ਪਾਜ਼ੀਟਿਵ ਆਉਣ ਦੇ ਬਾਅਦ ਜਲੰਧਰ ਦਾ ਬਸਤੀ ਗੁੱਜਾਂ ਇਲਾਕਾ ਪੁਲਿਸ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਪੂਰੀ ਤਰ੍ਹਾਂ ਤੋਂ ਸੀਲ ਕਰ ਦਿੱਤਾ ਹੈ l ਉੱਥੇ ਐਤਵਾਰ ਨੂੰ ਭਗਤ ਸਿੰਘ ਕਲੋਨੀ ਵਿੱਚ ਵੀ ਕੋਰੋਨਾ ਪਾਜ਼ੀਟਿਵ ਮਰੀਜ਼ ਆਉਣ ਦੇ ਬਾਅਦ ਸਵੇਰੇ 10 ਵਜੇ ਪੁਲਿਸ ਪ੍ਰਸ਼ਾਸਨ ਅਤੇ ਹੈਲਥ ਡਿਪਾਰਟਮੈਂਟ ਦੀ ਟੀਮ ਪਹੁੰਚ ਗਈ ਹੈ l ਕਲੋਨੀ ਦੀ ਮੇਨ ਐਂਟਰੀ ਨੂੰ ਬੰਦ ਕਰ ਬਾਹਰੀ ਲੋਕਾਂ ਨੂੰ ਅੰਦਰ ਜਾਣ ਦੀ ਇਜ਼ਾਜ਼ਤ ਨਹੀਂ ਹੈ ਅਤੇ ਨਾ ਹੀ ਕਲੋਨੀ ਦਾ ਰਹਿਣ ਵਾਲਾ ਕੋਈ ਵਿਅਕਤੀ ਬਾਹਰ ਜਾ ਸਕਦਾ ਹੈ l ਪੁਲਿਸ ਵੱਲੋਂ ਕਲੋਨੀ ਦੇ ਸਾਰੇ ਰਸਤੇ ਬੰਦ ਕੀਤੇ ਜਾ ਰਹੇ ਹਨ ਤਾਂ ਸਿਹਤ ਵਿਭਾਗ ਪਾਜ਼ੀਟਿਵ ਪਰਿਵਾਰਿਕ ਮੈਂਬਰਾਂ ਦੇ ਸੈਂਪਲ ਲੈਣ ਵਿੱਚ ਲੱਗਾ ਹੈ l ਜ਼ਿਲ੍ਹੇ ਵਿੱਚ ਕੋਰੋਨਾ ਪਾਜ਼ੀਟਿਵ ਦਾ ਕਹਿਰ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ ਹੈ l ਇਸੀ ਦਾ ਨਤੀਜਾ ਹੈ ਕਿ ਕੁੱਲ 68 ਮਾਮਲਿਆਂ ਦੇ ਨਾਲ ਪੰਜਾਬ ਵਿੱਚ ਸਭ ਤੋਂ ਉੱਪਰ ਹੈ l ਇੰਨਾ ਹੀ ਨਹੀਂ ਸ਼ਹਿਰ ਵਿੱਚ ਵੀ ਹਾਲਾਤ ਠੀਕ ਨਹੀਂ ਹਨ l
ਕਰੋਨਾ : ਇਹ ਕਿਹੋ ਜਿਹੀ ਦੂਰੀ? ਆਪਣਿਆਂ ਨਾਲ ਹੀ ਲੋਕ ਕੋਹੋ ਜਿਹਾ ਵਿਹਾਰ ਕਰ ਰਹੇ ਨੇ
