ਕਰਫ਼ਿਊ ਦੌਰਾਨ ਪਟਿਆਲਾ ਨੇੜੇ ਫੇਰ ਹੋਇਆ ਵੱਡਾ ਕਾਂਡ, ਇੱਕ ਹੌਲਦਾਰ ਜ਼ਖਮੀ

ਚੰਡੀਗੜ੍ਹ : ਬੀਤੀ ਕੱਲ 5.30 ਵਜੇ ਪੰਚਕੂਲਾ ਦੇ ਪਿੰਡ ਬਿੱਲਾ ਵਿੱਚ ਗੈਂਗਸਟਰ ਨੂੰ ਫੜਨ ਆਈ ਮੋਹਾਲੀ ਦੇ ਫੇਜ਼ 8 ਥਾਣੇ ਦੀ ਟੀਮ ਤੇ ਗੋਲੀਆਂ ਚਲਾਈਆਂ ਗਈਆਂ l ਇਸ ਵਿੱਚ ਇੱਕ ਹੈਡ ਦਾ ਕਾਂਸਟੇਬਲ ਨੂੰ ਗੋਲੀ ਲੱਗੀ l ਇਸ ਕਾਰਵਾਈ ਵਿੱਚ ਪੁਲਿਸ ਨੇ 4 ਗੈਂਗਸਟਰ ਨੂੰ ਫੜ ਲਿਆ ਹੈ l ਦੱਸ ਦਈਏ ਕਿ ਮੁਲਜ਼ਮ ਭੂਪੀ ਰਾਣਾ ਗਰੁੱਪ ਨਾਲ ਸੰਬੰਧਿਤ ਸਨ l ਚਾਰਾਂ ਨੂੰ ਹੁਣ ਪੰਚਕੂਲਾ ਪੁਲਿਸ ਦੀ ਕ੍ਰਾਈਮ ਬਰਾਂਚ ਨੇ ਆਪਣੀ ਹਿਰਾਸਤ ਵਿੱਚ ਲੈ ਰੱਖਿਆ ਹੈ ਅਤੇ ਹੁਣ ਬਾਅਦ ਵਿੱਚ ਮੋਹਾਲੀ ਪੁਲਿਸ ਨੂੰ ਦਿੱਤੇ ਜਾਣਗੇ l ਉਨ੍ਹਾਂ ਤੇ ਪੁਲਿਸ ਵਾਲਿਆਂ ਤੇ ਗੋਲੀ ਚਲਾਉਣ ਦਾ ਅਲੱਗ ਤੋਂ ਕੇਸ ਪੰਚਕੂਲਾ ਵਿੱਚ ਦਰਜ ਕਰ ਲਿਆ ਗਿਆ ਹੈ l
ਮੁਲਜ਼ਮਾਂ ਦੇ ਕੋਲ ਪੁਲਿਸ ਨੂੰ ਦੋ ਦੇਸੀ ਪਿਸਤੌਲ, ਦੋ ਚਲੇ ਹੋਏ ਕਾਰਤੂਸ ਅਤੇ ਚਾਰ ਜ਼ਿੰਦਾ ਕਾਰਤੂਸ ਬਰਾਮਦ ਹੋਏ ਹਨ l ਐਤਵਾਰ ਨੂੰ ਹੀ ਮੁਲਜ਼ਮਾਂ ਨੂੰ ਕੋਰਟ ਵਿੱਚ ਪੇਸ਼ ਕੀਤਾ ਜਾਵੇਗਾ l ਮੁਲਜ਼ਮਾਂ ਨੇ ਮੋਹਾਲੀ ਵਿੱਚ ਇੱਕ ਵਿਅਕਤੀ ਤੇ ਗੋਲੀਆਂ ਚਲਾ ਕੇ ਉਸ ਦੀ ਜਾਨ ਲੈਣੀ ਚਾਹੀ ਸੀ, ਗੋਲੀ ਉਸ ਨੂੰ ਲੱਗੀ ਸੀ ਪਰ ਉਹ ਬਚ ਗਿਆ ਸੀ l ਉਸੀ ਕੇਸ ਵਿੱਚ ਮੁਲਜ਼ਮਾਂ ਨੂੰ ਗਿ੍ਰਫਤਾਰ ਕਰਨ ਦੇ ਲਈ ਟੀਮ ਆਈ ਸੀ l
ਮੁਲਜ਼ਮਾਂ ਦੀ ਪਹਿਚਾਣ ਹਿਮਾਂਸ਼ੂ ਉਰਫ ਸਿਮੂ, ਜਗਮੋਹਨ ਗਰਗ, ਗੁਰਪ੍ਰੀਤ ਸਿੰਘ ਅਤੇ ਗੁਰਚਰਨ ਸਿੰਘ ਦੇ ਰੂਪ ਵਿੱਚ ਹੋਈ ਹੈ l ਇਸ ਦੇ ਖਿਲਾਫ ਜਿੱਥੇ ਮੋਹਾਲੀ ਫੇਜ਼-8 ਵਿੱਚ ਆਈਪੀਸੀ ਦੀ ਧਾਰਾ 307 ਦਾ ਕੇਸ ਦਰਜ ਹੈ, ਦੂਜੇ ਪਾਸੇ ਹੁਣ ਪੰਚਕੂਲਾ ਵਿੱਚ ਵੀ ਇਨ੍ਹਾਂ ਤੇ 307 ਅਤੇ ਆਰਮਜ਼ ਐਕਟ ਦਾ ਕੇਸ ਦਰਜ ਕੀਤਾ ਗਿਆ ਹੈ l ਦੱਸਿਆ ਗਿਆ ਕਿ ਮੋਹਾਲੀ ਪੁਲਿਸ ਦੀ ਟੀਮ ਪਹਿਲਾਂ ਚੰਡੀ ਮੰਦਿਰ ਥਾਣੇ ਵਿੱਚ ਰੇਡ ਦੀ ਇਤਲਾਹ ਦੇਣ ਸਵੇਰੇ 5 ਵਜੇ ਪਹੁੰਚੀ l ਜਿੱਥੇ ਉਨ੍ਹਾਂ ਨੂੰ ਰਾਮਗੜ ਚੌਂਕੀ ਭੇਜ ਦਿੱਤਾ ਗਿਆ l ਉੱਥੇ ਇਤਲਾਹ ਦੇ ਕੇ ਅਤੇ ਪੰਚਕੂਲਾ ਪੁਲਿਸ ਦਾ ਕਾਂਸਟੇਬਲ ਨਾਲ ਲੈ ਕੇ ਟੀਮ ਬਿੱਲਾ ਪਿੰਡ ਦੇ ਉਸ ਘਰ ਵਿੱਚ ਪਹੁੰਚੀ ਸੀ l ਜਿੱਥੇ ਤੋਂ ਮੁਲਾਜ਼ਮਾਂ ਨੂੰ ਫੜਿਆ ਗਿਆ l ਦੱਸ ਦਈਏ ਕਿ ਹੈਡ ਕਾਂਸਟੇਲ ਜਸਪ੍ਰੀਤ ਸਿੰਘ ਨੇ ਪਹਿਲਾਂ ਦਰਵਾਜ਼ਾ ਖੋਲਣ ਦੀ ਕੋਸ਼ਿਸ਼ ਕੀਤੀ ਤਾਂ ਮੁਲਜ਼ਮਾਂ ਨੇ ਉਸ ਤੇ 2 ਫਾਇਰ ਕੀਤੇ l ਪਹਿਲਾ ਖਾਲੀ ਗਿਆ ਅਤੇ ਦੂਸਰੀ ਗੋਲੀ ਉਸ ਦੇ ਪੈਰ ਵਿੱਚ ਲੱਗੀ l ਉਸ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾ ਦਿੱਤਾ ਗਿਆ ਹੈ l