ਹਿਸਾਰ : ਮੈਨੂੰ ਮਾਫ ਕਰੋ, ਸਮੇਂ ਦੀ ਕਮੀ ਦੇ ਕਾਰਨ ਤੁਹਾਡੇ ਕੋਲ ਨਹੀਂ ਆ ਸਕਦੇ ਸਨ।ਹੁਣ ਅਸੀਂ ਤੁਹਾਨੂੰ ਘੁਮਾਉਣ ਦੇ ਨਾਲ ਨਾਲ ਆਪਣੇ ਨਾਲ ਵੀ ਰੱਖਾਂਗੇ।ਤੁਹਾਡੇ ਕਹਿਣ ਤੇ ਹੀ ਵਿਦੇਸ਼ ਵਿੱਚ ਨੌਕਰੀ ਕਰਾਂਗੇ।ਇਹ ਗੱਲ ਹਰਿਆਣਾ ਦੇ 10 ਐਨਆਰਆਈ ਲਾੜਿਆਂ ਨੇ ਆਪਣੀ ਪਤਨੀਆਂ ਨੂੰ ਲਿਖੇ ਪੱਤਰ ਵਿੱਚ ਕਹੀ ਹੈ।ਇਨ੍ਹਾਂ ਲਾੜਿਆਂ ਦਾ ਇਹ ਪਤਨੀ ਪ੍ਰੇਮ ਇਸ ਲਈ ਜਾਗਿਆ ਹੈ ਕਿਉਂਕਿ ਰਾਜ ਮਹਿਲਾ ਆਯੋਗ ਨੇ ਉਨ੍ਹਾਂ ਦਾ ਪਾਸਪੋਰਟ ਅਤੇ ਵੀਜ਼ਾ ਕੈਂਸਿਲ ਕਰਨ ਦੇ ਲਈ ਵਿਦੇਸ਼ ਮੰਤਰਾਲਿਆ ਨੂੰ ਪੱਤਰ ਲਿਖਿਆ ਸੀ।ਜਿਸ ਵਿੱਚ ਸੁਲਾਹ ਦੀ ਮੰਗ ਕੀਤੀ ਹੈ।ਦਰਅਸਲ ਹਿਸਾਰ, ਕਰਨਾਲ, ਰੋਹਤਕ, ਪੰਚਕੂਲਾ, ਅੰਬਾਲਾ, ਗੁੜਗਾਓਂ, ਪਾਣੀਪਤ, ਸੋਨੀਪਤ ਦੀ 24 ਔਰਤਾਂ ਨੇ ਰਾਜ ਮਹਿਲਾ ਆਯੋਗ ਦਾ ਦਰਵਾਜ਼ਾ ਖਟਖਟਾਇਆ ਸੀ।ਇਨ੍ਹਾਂ ਪੀੜਿਤ ਔਰਤਾਂ ਦਾ ਇਲਜ਼ਾਮ ਸੀ ਕਿ ਵਿਦੇਸ਼ਾਂ ਵਿੱਚ ਨੌਕਰੀ ਕਰਨ ਵਾਲੇ ਉਨ੍ਹਾਂ ਦੇ ਪਤੀਆਂ ਨੇ ਮਾਰਕੁੱਟ ਕਰਨ ਦੇ ਨਾਲ ਨਾਲ ਕੁਝ ਨੇ ਦੂਸਰਾ ਵਿਆਹ ਕਰ ਲਿਾ ਹੈ।ਮਹਿਲਾ ਆਯੋਗ ਨੇ 5 ਐਨਆਰਆਈ ਲਾੜਿਆਂ ਅਤੇ ਲਾੜੀਆਂ ਦੇ ਵਿੱਚ ਸੁਲਾਹ ਕਰਾਈ।ਬਾਕੀ ਐਨਆਰਆਈ ਲਾੜੇ 10 ਤੋਂ ਜਿ਼ਆਦਾ ਪੱਤਰ ਭੇਜਣ ਦੇ ਬਾਅਦ ਵੀ ਰਾਜ ਮਹਿਲ ਆਯੋਗ ਦੇ ਸਾਹਮਣੇ ਨਹੀਂ ਪਹੁੰਚੇ।ਉਨ੍ਹਾਂ ਵਿੱਚ ਕਈ ਮਾਮਲੇ ਰਾਸ਼ਟਰੀ ਮਹਿਲਾ ਆਯੋਗ ਨੂੰ ਭੇਜੇ ਗਏ ਹਨ।
ਰਾਜ ਮਹਿਲਾ ਆਯੋਗ ਦੀ ਚੇਅਰਮੈਨ ਪ੍ਰਤਿਭਾ ਸੁਮਨ ਦਾ ਕਹਿਣਾ ਹੈ ਕਿ ਪਾਸਪੋਰਟ ਕੈਂਸੀਲੇਸ਼ਨ ਦੇ ਲਈ ਵਿਦੇਸ਼ ਮੰਤਰਾਲਿਆ ਨੂੰ ਪੱਤਰ ਲਿਖਣ ਦੇ ਬਾਅਦ ਹੀ ਐਨਆਰਆਈ ਲਾੜਿਆਂ ਨੇ ਪੱਤਰ ਭੇਜ ਕੇ ਲਾੜੀਆਂ ਨੂੰ ਨਾਲ ਰੱਖਣ ਦੀ ਹਾਮੀ ਭਰੀ ਹੈ।5 ਜੋੜਿਆਂ ਵਿੱਚ ਸੁਲਾਹ ਕਰਾ ਦਿੱਤੀ ਗਈ ਹੈ।ਜਲਦ ਹੀ ਬਾਕੀਆਂ ਦੇ ਵਿੱਚ ਵੀ ਸੁਲਾਹ ਕਰਵਾ ਦਿੱਤੀ ਜਾਵੇਗੀ।ਰਾਜ ਮਹਿਲਾ ਆਯੋਗ ਦੇ ਕੋਲ 1 ਅਪ੍ਰੈਲ 2019 ਤੋਂ 27 ਫਰਵਰੀ 2020 ਤੱਕ ਜੋੜਿਆਂ ਦੇ ਵਿੱਚ ਝਗੜਿਆਂ ਦੇ ਕੁੱਲ 2024 ਮਾਮਲੇ ਪਹੁੰਚੇ।ਜਿਨ੍ਹਾਂ ਵਿਚ ਮਹਿਲਾ ਆਯੋਗ ਨੇ 1190 ਮਾਮਲਿਆਂ ਵਿੱਚ ਸੁਲਾਹ ਕਰਾਈ ਹੈ।ਉੱਧਰ ਦੂਜੇ ਪਾਸ ਕਈ ਹੋਰ ਪ੍ਰਦੇਸ਼ਾਂ ਦੇ ਖਿਲਾਫ ਜਾਂਚ ਚੱਲ ਰਹੀ ਹੈ।ਦਿੱਲੀ ਵਿੱਚ 96, ਉੱਤਰ ਪ੍ਰਦੇਸ਼ ਵਿੱਚ 94, ਹਰਿਆਣਾ ਵਿੱਚ 68, ਗੁਜਰਾਤ ਵਿੱਚ 48, ਮਹਾਂਰਾਸ਼ਟਰ ਵਿੱਚ 63 ਅਤੇ ਤਾਮਿਲਨਾਡੁ ਵਿੱਚ 65 ਲਾੜਿਆਂ ਦੇ ਖਿਲਾਫ ਜਾਂਚ ਜਾਰੀ ਹੈ।
