ਲੁਧਿਆਣਾ : ਇੰਸ਼ੋਰੰਸ਼ ਪਾਲਿਸੀ ਦਾ ਝਾਂਸਾ ਦੇ ਕੇ ਇੱਕ ਜੋੜ੍ਹੇ ਨੇ 50 ਲੱਖ ਤੋਂ ਜ਼ਿਆਦਾ ਦੀ ਠੱਗੀ ਕੀਤੀ l ਉਨ੍ਹਾਂ ਲੋਕਾਂ ਨੇ ਇਸ ਤੋਂ ਬਾਅਦ ਫ਼ਰਜ਼ੀ ਪਾਲਿਸੀ ਹੱਥ ਵਿੱਚ ਫ਼ੜਾ ਦਿੱਤੀਆਂ.ਥਾਣਾ ਡਿਵੀਜ਼ਨ ਨੰਬਰ 5 ਦੀ ਪੁਲਿਸ ਨੇ ਇਸ ਮਾਮਲੇ ਵਿੱਚ ਮੁਲਜ਼ਮ ਜੋੜੇ ਤੇ ਸਾਜਿਸ਼ ਦੇ ਤਹਿਤ ਧੋਖਾਧੜੀ ਦਾ ਮਾਮਲਾ ਦਰਜ ਕਰ ਲਿਆ ਹੈ l ਮੁਲਜ਼ਮਾਂ ਦੀ ਪਹਿਚਾਣ ਸੁਧਾਰ ਦੇ ਰਹਿਣ ਵਾਲੇ ਪਰਮਿੰਦਰ ਸਿੰਘ ਅਤੇ ਉਸਦੀ ਪਤਨੀ ਮੀਨੂ ਦੇ ਰੂਪ ਵਿੱਚ ਹੋਈ ਹੈ l ਪੁਲਿਸ ਨੇ ਇਹ ਮਾਮਲਾ ਸਾਊਥ ਮਾਡਲ ਗ੍ਰਾਮ ਦੇ ਰਹਿਣ ਵਾਲੇ ਤਰਨਜੀਤ ਸਿੰਘ ਦੀ ਸ਼ਿਕਾਇਤ ਤੇ ਦਰਜ ਕੀਤਾ ਹੈ l ਪੁਲਿਸ ਦਾ ਕਹਿਣਾ ਕਿ ਇਸ ਮਾਮਲੇ ਵਿੱਚ ਹਲੇ ਤੱਕ ਕੋਈ ਗ੍ਰਿਫ਼ਤਾਰੀ ਨਹੀਂ ਹੋਈ ਹੈ l ਤਰਨਜੀਤ ਸਿੰਘ ਨੇ ਕਿਹਾ ਕਿ ਉਸਨੇ ਮੁਲਜ਼ਮਾਂ ਤੋਂ ਆਈਸੀਆਈਸੀਆਈ ਦੀ 11 ਪਾਲਿਸੀਆਂ ਕਰਵਾਈਆਂ ਸਨ l ਮੁਲਜ਼ਮਾਂ ਨੇ ਉਸ ਤੋਂ ਪਾਲਿਸੀਆਂ ਤੋਂ ਅਲੱਗ ਅਲੱਗ ਸਮੇਂ ਤੇ 50 ਲੱਖ 16 ਹਜ਼ਾਰ ਰੁਪਏ ਲਏ ਸਨ l ਬਾਅਦ ਵਿੱਚ ਉਸਨੂੰ ਪਤਾ ਲੱਗਿਆ ਕਿ ਜਿਹੜੀਆਂ ਪਾਲਿਸੀਆਂ ਉਸਨੂੰ ਮੁਲਜ਼ਮਾਂ ਨੇ ਦਿੱਤੀਆਂ ਹਨ, ਉਹ ਤਾਂ ਨਕਲੀ ਹਨ l