ਨਿਊਯਾਰਕ : ਨਿਊਯਾਰਕ ਸ਼ਹਿਰ ਅਮਰੀਕਾ ਦਾ ਹਾਟਸਪਾਟ ਬਣਿਆ ਹੋਇਆ ਹੈ l ਇੱਥੇ ਪਾਜ਼ੀਟਿਵ ਹੋ ਕੇ ਹਸਪਤਾਲ ਵਿੱਚ ਦਾਖਲ ਹੋਏ ਮਰੀਜ਼ਾਂ ਵਿੱਚ ਲਗਭਗ ਹਰ ਵਿਅਕਤੀ ਇੱਕ ਤੋਂ ਜ਼ਿਆਦਾ ਬੀਮਾਰੀ ਸੀ l ਇਨ੍ਹਾਂ ਵਿੱਚ 53 ਪ੍ਰਤੀਸ਼ਤ ਨੂੰ ਹਾਈਪਰਟੈਨਸ਼ਨ, ਤਾਂ 41 ਪ੍ਰਤੀਸ਼ਤ ਨੂੰ ਮੋਟਾਪੇ ਦੀ ਸਮੱਸਿਆ ਸੀ l ਅਮਰੀਕਾ ਮੈਡੀਕਲ ਐਸੋਸੀਏਸ਼ਨ ਦੇ ਜਰਨਲ ਵਿੱਚ ਪ੍ਰਕਾਸ਼ਿਤ ਤਾਜ਼ਾ ਰਿਸਰਚ ਦੇ ਮੁਤਾਬਿਕ, ਜਾਂਚ ਅਧਿਕਾਰੀ ਕੋਰੋਨਾ ਵਾਇਰਸ ਤੋਂ ਪਾਜ਼ੀਟਿੳ ਹੋ ਕੇ ਹਸਪਤਾਲ ਪਹੁੰਚੇ ਮਰੀਜ਼ਾਂ ਦੇ ਬਾਰੇ ਵਿੱਚ ਜਾਣਨਾ ਚਾਹੁੰਦੇ ਸਨ l ਜਾਂਚ ਅਧਿਕਾਰੀਆਂ ਨੇ ਅਜਿਹੇ 5,700 ਲੋਕਾਂ ਦਾ ਇਲੈਕਟਰਾਨਿਕ ਹੈਲਥ ਰਿਕਾਰਡ ਜਾਂਚਿਆ l ਇਸ ਤੋਂ ਪਤਾ ਲੱਗਿਆ ਕਿ ਕੋਰੋਨਾ ਪਾਜ਼ੀਟਿਵ ਮਰੀਜ਼ਾਂ ਦੀ ਔਸਤ ਉਮਰ 63 ਸਾਲ ਸੀ ਅਤੇ ਇਨ੍ਹਾਂ ਵਿੱਚੋਂ 94 ਪ੍ਰਤੀਸ਼ਤ ਨੂੰ ਇੱਕ ਨਾ ਇੱਕ ਬੀਮਾਰੀ ਪਹਿਲਾਂ ਤੋਂ ਸੀ l ਇਨ੍ਹਾਂ ਵਿੱਚੋਂ ਸਭ ਤੋਂ ਜ਼ਿਆਦਾ ਰੋਗੀ ਹਾਈਪਰਟੈਨਸ਼ਨ, ਮੋਟਾਪੇ ਅਤੇ ਡਾਈਬਟੀਜ਼ ਦੇ ਸਨ l
ਜਾਂਚ ਅਧਿਕਾਰੀਆਂ ਨੇ ਹਸਪਤਾਲ ਛੱਡ ਚੁੱਕੇ ਯਾਨੀ ਮਿ੍ਰਤ ਘੋਸ਼ਿਤ ਜਾਂ ਸਿਹਤਮੰਦ ਹੋ ਕੇ ਘਰ ਵਾਪਸ ਗਏ l 2,634 ਮਰੀਜ਼ਾਂ ਦੇ ਅੰਕੜਿਆਂ ਦਾ ਅਧਿਐਨ ਕੀਤਾ l ਇਸ ਦੇ ਮੁਤਾਬਿਕ, 14 ਪ੍ਰਤੀਸ਼ਤ ਦਾ ਇਲਾਜ ਆਈਸੀਯੁ ਵਿੱਚ ਕੀਤਾ ਗਿਆ ਜਦ ਕਿ 12 ਪ੍ਰਤੀਸ਼ਤ ਦਾ ਵੈਂਟੀਲੇਟਰ ਤੇ ਰੱਖਿਆ ਗਿਆ ਅਤੇ 3 ਪ੍ਰਤੀਸ਼ਤ ਦੀ ਕਿਡਨੀ ਰਿਪਲੇਸਮੈਂਟ ਥੈਰੇਪੀ ਕੀਤੀ ਗਈ l ਇਨ੍ਹਾਂ ਵਿੱਚ 21 ਪ੍ਰਤੀਸ਼ਤ ਦੀ ਮੌਤ ਹੋ ਗਈ l ਵੈਂਟੀਲੇਟਰ ਤੇ ਰੱਖੇ ਮਰੀਜ਼ਾਂ ਦੇ ਠੀਕ ਹੋਣ ਦਾ ਪ੍ਰਤੀਸ਼ਤ ਬਹੁਤ ਘੱਟ ਰਿਹਾ ਯਾਨੀ ਕਿ ਵੈਂਟੀਲੇਟਰ ਤੇ ਗਏ ਮਰੀਜ਼ਾਂ ਵਿੱਚੋਂ 88 ਪ੍ਰਤੀਸ਼ਤ ਦੀ ਮੌਤ ਹੋ ਗਈ l ਜਿਨ੍ਹਾਂ ਮਰੀਜ਼ਾਂ ਦੀ ਮੌਤ ਹੋਈ, ਉਨ੍ਹਾਂ ਵਿੱਚ ਡਾਇਬਟੀਜ਼ ਦੇ ਜ਼ਿਆਦਾ ਮਰੀਜ਼ ਵੈਂਟੀਲੇਟਰ ਤੇ ਲਏ ਗਏ l ਫਿਨਸਟੀਨ ਇੰਸਟੀਚਿਊਟ ਫਾਰ ਮੈਡੀਕਲ ਰਿਸਰਚ ਦੀ ਸੀਨੀਅਰ ਵਾਇਸ ਪ੍ਰੈਸੀਡੈਂਟ ਕਰੀਨਾ ਡੈਵਿਡਸਨ ਦੇ ਮੁਤਾਬਿਕ, ਗੰਭੀਰ ਬੀਮਾਰੀ ਦਾ ਕਾਕਟੇਲ ਖਤਰਾ ਵਧਾ ਦਿੰਦਾ ਹੈ l ਇਨ੍ਹਾਂ ਦਾ ਵਿਸ਼ੇਸ ਧਿਆਨ ਰੱਖਿਆ ਜਾਣਾ ਚਾਹੀਦਾ ਹੈ l
ਕਰੋਨਾ ਮਹਾਂਮਾਰੀ: ਇਸ ਸ਼ਹਿਰ ‘ਚ ਕਰੋਨਾ ਮਰੀਜ਼ਾਂ ਨੂੰ ਲੈਕੇ ਖੜ੍ਹਾ ਹੋਇਆ ਨਵਾਂ ਈ ਪੰਗਾ, ਡਾਕਟਰ ਕਹਿੰਦੇ ਕਰੀਏ ਤਾਂ ਕੀਂ ਕਰੀਏ!
