ਬਰਨਾਲਾ : ਪੰਜਾਬ ਦੇ ਬਰਨਾਲਾ ਵਿੱਚ ਇੱਕ ਦਿਨ ਵਿੱਚ ਤਿੰਨ ਹੱਤਿਆਵਾਂ ਹੋਣ ਨਾਲ ਦਹਿਸ਼ਤ ਫੈਲ ਗਈ ਹੈ l ਇਨ੍ਹਾਂ ਵਾਰਦਾਤਾਂ ਨੇ ਕਾਨੂੰਨ ਵਿਵਸਥਾ ‘ਤੇ ਸਵਾਲ ਖੜ੍ਰੇ ਕਰ ਦਿੱਤੇ ਹਨ l ਤਿੰਨੋਂ ਵਾਰਦਾਤਾਂ ਅਲੱਗ ਅਲੱਗ ਥਾਣਿਆਂ ਦੇ ਇਲਾਕਿਆਂ ਵਿੱਚ ਹੋਈਆਂ l ਥਾਣਾ ਠੁੱਲੀਵਾਲਾ ਦੇ ਮੁਖੀ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਪਿੰਡ ਕਰਮਗੜ ਵਿੱਚ ਐਤਵਾਰ ਨੂੰ ਇੱਕ ਬਜ਼ੁਰਗ ਦਾ ਕਤਲ ਕਰ ਦਿੱਤਾ ਗਿਆ l ਉਨ੍ਹਾਂ ਨੇ ਦੱਸਿਆ ਕਿ ਬੰਤ ਸਿੰਘ ਪੁੱਤਰ ਆਤਮਾ ਸਿੰਘ ਘਰ ਦੇ ਬਾਹਰ ਮੱਝਾਂ ਵਾਲੇ ਕਮਰੇ ਵਿੱਚ ਸੌਂ ਰਿਹਾ ਸੀ l ਇਸ ਦੌਰਾਨ ਕਿਸੇ ਨੇ ਹੱਤਿਆ ਵਰਗੀ ਵਾਰਦਾਤ ਨੂੰ ਅੰਜ਼ਾਤ ਦੇ ਦਿੱਤਾ l ਸੋਮਵਾਰ ਸਵੇਰੇ ਮ੍ਰਿਤਕ ਦਾ ਪੋਤਾ ਜਦੋਂ ਉਸ ਨੂੰ ਚਾਹ ਦੇਣ ਗਿਆ ਤਾਂ ਬੰਤ ਸਿੰਘ ਮ੍ਰਿਤ ਪਿਆ ਮਿਲਿਆ l ਮ੍ਰਿਤਕ ਦੇ ਸਿਰ ਵਿੱਚ ਤੇਜ਼ਧਾਰ ਹਥਿਆਰ ਨਾਲ ਹਮਲੇ ਦੇ ਨਿਸ਼ਾਨ ਮਿਲੇ ਅਤੇ ਕਾਫੀ ਖੂਨ ਫੈਲਿਆ ਹੋਇਆ ਸੀ l ਉਸ ਨੇ ਆਪਣੇ ਪਿਤਾ ਨੂੰ ਇਸ ਦੀ ਸੂਚਨਾ ਦਿੱਤੀ l ਇਸ ਤੋਂ ਬਾਅਦ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ l ਸੂਚਨਾ ਮਿਲਦੇ ਹੀ ਏਐਸਪੀ ਮਹਿਲਕਲਾਂ ਪ੍ਰਗਿਆ ਜੈਨ, ਐਸਐਸਪੀ ਹਰਜੀਤ ਸਿੰਘ ਮੌਕੇ ‘ਤੇ ਪਹੁੰਚੇ l ਥਾਣਾ ਮੁਖੀ ਨੇ ਦੱਸਿਆ ਕਿ ਮ੍ਰਿਤਕ ਬੰਤ ਸਿੰਘ ਦੇ ਪੋਤੇ ਬਲਜਿੰਦਰ ਸਿੰਘ ਦੇ ਬਿਆਨ ‘ਤੇ ਕਤਲ ਦਾ ਮਾਮਲਾ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿੱਤੀ ਹੈ l
ਤਿੰਨ ਹੱਤਿਆਵਾਂ ਨਾਲ ਬਰਨਾਲਾ ਵਿੱਚ ਦਹਿਸ਼ਤ, ਬੇਰਹਿਮੀ ਨਾਲ ਮਾਰਿਆ ਬਜੁ਼ਰਗ ਨੂੰ
