ਮੋਗਾ : ਮਾਘੀ ਮੇੇਲੇ ਦੇ ਦੌਰਾਨ ਬੁੱਧਵਾਰ ਨੂੰ ਕਬੱਡੀ ਟੂਰਨਾਮੈਂਟ ਦੇ ਸੈਮੀਫਾਇਨਲ ਮੈਚ ਵਿੱਚ ਦੋਨਾਂ ਟੀਮਾਂ ਦੇ ਖਿਡਾਰੀਆਂ ਵਿੱਚ ਵਿਵਾਦ ਹੋ ਗਿਆ l ਮੈਚ ਹਾਰ ਰਹੀ ਟੀਮ ਦੇ ਇੱਕ ਖਿਡਾਰੀ ਨੇ ਹਵਾਈ ਫਾਇਰਿੰਗ ਕਰ ਦਿੱਤੀ l ਇਸ ਦੌਰਾਨ ਦੂਸਰੀ ਟੀਮ ਦਾ ਇੱਕ ਖਿਡਾਰੀ ਰਿਵਾਲਵਰ ਦੇ ਬਟ ਨਾਲ ਜ਼ਖ਼ਮੀ ਹੋ ਗਿਆ l ਉਸ ਨੂੰ ਐਂਬੂਲੈਂਸ ਵਿੱਚ ਮੋਗਾ ਦੇ ਸਰਕਾਰੀ ਹਸਪਤਾਲ ਵਿੱਚ ਪੁਲਿਸ ਦੀ ਨਿਗਰਾਨੀ ਵਿੱਚ ਲਿਆਂਦਾ ਗਿਆ l ਪਿੰਡ ਡਰੋਲੀ ਭਾਈ ਦੀ ਵੱਲੋਂ ਮਾਘੀ ਮੇਲੇ ਨੂੰ ਲੈ ਕੇ ਤਿੰਨ ਦਿਨਾਂ ਕਬੱਡੀ ਟੂਰਨਾਮੈਂਟ ਕਰਵਾਇਆ ਜਾ ਰਿਹਾ ਸੀ l ਬੁੱਧਵਾਰ ਨੂੰ ਕਬੱਡੀ ਦੇ ਸੈਮੀਫਾਇਨਲ ਮੈਚ ਪਿੰਡ ਭਿੰਡਰ ਕਲਾਂ ਅਤੇ ਸਨੇਰਾਂ ਦੇ ਵਿੱਚ ਖੇਡਿਆ ਜਾ ਰਿਹਾ ਸੀ l ਇਸ ਦੌਰਾਨ ਸਨੇਰਾਂ ਪਿੰਡ ਦੀ ਟੀਮ ਮੈਚ ਹਾਰਦੇ ਦੇਖ ਉਸ ਦੇ ਖਿਡਾਰੀ ਵਿਵਾਦ ਕਰਨ ਲੱਗੇ l ਵਿਵਾਦ ਕਰਦੇ ਕਰਦੇ ਖਿਡਾਰੀ ਗਰਾਊਂਡ ਤੋਂ ਬਾਹਰ ਆ ਗਏ l ਇਸ ਦੌਰਾਨ ਇੱਕ ਖਿਡਾਰੀ ਦੁਆਰ ਦੋ ਹਵਾਈ ਫਾਇਰ ਅਤੇ ਰਿਵਾਲਵਰ ਦਾ ਬਟ ਭਿੰਡਰ ਕਲਾਂ ਨਿਵਾਸੀ ਕਬੱਡੀ ਖਿਡਾਰੀ ਵਰਿੰਦਰ ਸਿੰਘ ਦੇ ਸਿਰ ‘ਤੇ ਮਾਰੇ ਗਏ l ਜਿਸ ਨਾਲ ਉਹ ਬੁਰੀ ਤਰ੍ਹਾਂ ਜ਼ਖ਼ਮੀ ਹੋ ਗਿਆ l ਮਾਮਲਾ ਵਿਗੜਦਾ ਦੇਖ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ l ਉੱਥੇ ਜ਼ਖ਼ਮੀ ਖਿਡਾਰੀਆਂ ਨੂੰ ਐਂਬੂਲੈਂਸ ਵਿੱਚ ਮੋਗਾ ਦੇ ਲਈ ਰਵਾਨਾ ਕੀਤਾ ਗਿਆ l ਸਿਵਿਲ ਹਸਪਤਾਲ ਵਿੱਚ ਪੱਟੀ ਕਰਵਾਉਣ ਤੋਂ ਬਾਅਦ ਜ਼ਖ਼ਮੀ ਨੌਜਵਾਨ ਨੂੰ ਛੁੱਟੀ ਦੇ ਦਿੱਤੀ ਗਈ l
ਮਾਘੀ ਮੇਲੇ ਮੌਕੇ ਕਰਵਾਏ ਕਬੱਡੀ ਟੂਰਨਾਂਮੈਂਟ ਵਿੱਚ ਖਿਡਾਰੀਆਂ ਨੇ ਕੀਤਾ ਆਹ ਕੰਮ
