ਲੁਧਿਆਣਾ : ਮਸਕਟ ਵਿੱਚ ਫਸੀਆਂ 104 ਔਰਤਾਂ ਨੂੰ ਲਿਆਉਣ ‘ਤੇ ਲਗਭਗ 4 ਕਰੋੜ ਰੁਪਏ ਖਰਚ ਹੋਣਗੇ l ਇਹ ਪੂਰਾ ਖਰਚ ਮੇਰੀ ਟਰੱਸਟ ਸਰੱਬਤ ਦਾ ਭਲਾ ਵੱਲੋਂ ਕੀਤਾ ਜਾਵੇਗਾ l ਅਸੀਂ ਕੇਂਦਰ ਸਰਕਾਰ ਨੂੰ ਇਸ ਮਾਮਲੇ ‘ਤੇ ਧਿਆਨ ਕੇਂਦਰਿਤ ਕਰਨ ਦੇ ਲਈ ਕਿਹਾ ਹੈ, ਤਾਂ ਕਿ ਉਨ੍ਹਾਂ ਬੱਚੀਆਂ ਨੂੰ ਭਾਰਤ ਲਿਆਇਆ ਜਾਵੇ l ਇਹ ਗੱਲਾਂ ਸਮਾਜਸੇਵੀ ਐਸਪੀ ਓਬਰਾਏ ਨੇ ਕਹੀਆਂ ਹਨ l ਉਹ ਮੰਗਲਵਾਰ ਨੂੰ ਲੁਧਿਆਣਾ ਵਿੱਚ ਗੁਰਦੁਆਰਾ ਦੁੱਖ ਨਿਵਾਰਣ ਸਾਹਿਬ ਵਿੱਚ ਮੱਥੇ ਟੇਕਣ ਪਹੁੰਚੇ ਸਨ l ਉਨ੍ਹਾਂ ਦੇ ਨਾਲ ਸੰਸਦ ਹੰਸਰਾਜ ਵੀ ਆਏ ਸਨ l
ਓਬਰਾਏ ਨੇ ਕਿਹਾ ਕਿ ਅਰਬ ਦੇਸ਼ਾਂ ਵਿੱਚ ਭਾਰੀ ਸੰਖਿਆ ਵਿੱਚ ਲੋਕ ਫਸੇ ਹੋਏ ਹਨ l ਕੁਝ ਦਿਨ ਪਹਿਲਾਂ ਉਨ੍ਹਾਂ ਦੇ ਕੋਲ 30 ਨੋਜਵਾਨ ਆਏ ਸਨ, ਜਿਨ੍ਹਾਂ ਦੇ ਕੋਲ ਖਾਣ ਤੱਕ ਦੇ ਪੈਸੇ ਨਹੀਂ ਸਨ l ਉਨ੍ਹਾਂ ਦੀ ਟਰੱਸਟ ਨੇ ਸਾਰੇ ਨੌਜਵਾਨਾਂ ਨੂੰ ਆਪਣੇ ਕੋਲ ਰੱਖਿਆ ਹੈ l ਇਸ ਵਿੱਚ 8 ਨੌਜਵਾਨਾਂ ਨੂੰ ਸਕੁਸ਼ਲ ਵਾਪਸ ਲੈ ਆਏ ਹਨ l ਹੋਰਾਂ ਨੂੰ ਵੀ ਅਗਲੇ ਕੁਝ ਦਿਨਾਂ ਵਿੱਚ ਭਾਰਤ ਲਿਆਂਦਾ ਜਾਵੇਗਾ l ਪੰਜਾਬੀਆਂ ਵਿੱਚ ਵਿਦੇਸ਼ ਜਾਣ ਦੇ ਲਈ ਵੱਧ ਰਹੇ ਕ੍ਰੇਜ਼ ‘ਤੇ ਓਬਰਾਏ ਨੇ ਕਿਹਾ ਕਿ ਇਸ ਸਮੇਂ ਬੇਰੁਜ਼ਗਾਰੀ ਕਾਫੀ ਹੈ, ਰੋਜ਼ਗਾਰ ਦੀ ਤਲਾਸ਼ ਵਿੱਚ ਨੌਜਵਾਨ ਵਿਦੇਸ਼ਾਂ ਦਾ ਰੁਖ ਕਰ ਰਹੇ ਹਨ l ਇੱਥੇ ਦੇ ਏਜੰਟ ਉਨ੍ਹਾਂ ਨੂੰ ਆਪਣੀ ਠੱਗੀ ਦਾ ਸ਼ਿਕਾਰ ਬਣਾ ਰਹੇ ਹਨ l
ਮਸਕਟ ਵਿੱਚ ਫਸੀਆਂ 104 ਔਰਤਾਂ ਨੂੰ ਲਿਆਉਣ ‘ਤੇ 4 ਕਰੋੜ ਰੁਪਏ ਖਰਚ ਹੋਣਗੇ
