ਡੇਰਾਬੱਸੀ : ਡੇਰਾਬੱਸੀ ਸਥਿਤ ਇੰਡਸ ਇੰਟਰਨੈਸ਼ਨਲ ਹਸਪਤਾਲ ਵਿੱਚ ਹਾਰਟ ਸਰਜਰੀ ਦੇ ਲਈ ਦਾਖਿਲ ਹੋਈ 51 ਸਾਲ ਦੀ ਜਸਜੋਤ ਕੌਰ ਦੀ ਆਪਰੇਸ਼ਨ ਤੋਂ ਪਹਿਲਾਂ ਮੌਤ ਹੋ ਗਈ।ਲਾਸ਼ ਨੂੰ ਹਸਪਤਾਲ ਦੀ ਮੋਰਚਰੀ ਵਿੱਚ ਰਖਵਾ ਦਿੱਤਾ ਗਿਆ।ਘਰਵਾਲੇ ਹਸਪਤਾਲ ਪ੍ਰਬੰਧਨ ‘ਤੇ ਸਹੀ ਇਲਾਜ ਨਾ ਕਰਨ ਦਾ ਇਲਜ਼ਾਮ ਲਾ ਰਹੇ ਸਨ।ਸ਼ੁੱਕਰਵਾਰ ਨੂੰ ਘਰਵਾਲੇ ਜਦ ਲਾਸ਼ ਲੈਣ ਆਏ ਤਾਂ ਦੇਖਿਆ ਕਿ ਮ੍ਰਿਤਕ ਔਰਤ ਦੇ ਬੁੱਲ ਅਤੇ ਕੰਨ ਚੂਹਿਆਂ ਨੇ ਕੱਟ ਖਾਧੇ ਸਨ, ਜਿਸ ਕਾਰਨ ਲਾਸ਼ ਵੀ ਲਹੂਲੂਹਾਣ ਹੋ ਗਈ।ਗੁੱਸੇ ਵਿੱਚ ਘਰਵਾਲਿਆਂ ਨੇ ਹਸਪਤਾਲ ਵਿੱਚ ਖੂਬ ਹੰਗਾਮਾ ਕੀਤਾ।
ਉਨ੍ਹਾਂ ਨੇ ਲਾਪਰਵਾਹੀ ਦੇ ਲਈ ਨਾ ਸਿਰਫ ਹਸਪਤਾਲ ਮੈਨੇਜਮੈਂਟ ਨੂੰ ਦੋਸ਼ੀ ਠਹਿਰਾਇਆ, ਬਲਕਿ ਉਨ੍ਹਾਂ ਤੇ ਡੈਡ ਬਾਡੀ ਨਾਲ ਛੇੜਛਾੜ ਕਰਨ ਦਾ ਵੀ ਇਲਜ਼ਾਮ ਲਾਇਆ।ਘਰਵਾਲਿਆਂ ਨੇ ਪੁਲਿਸ ਨੂੰ ਸਿਕਾਇਤ ਦਿੱਤੀ।ਤਹਿਸੀਲਦਾਰ ਦੀ ਮੌਜੂਦਗੀ ਵਿੱਚ ਡੈਡਬਾਡੀ ਨੂੰ ਡੇਰਾਬੱਸੀ ਸਿਵਿਲ ਹਸਪਤਾਲ ਵਿੱਚ ਸਿਫਟ ਕਰ ਤਿੰਨ ਡਾਕਟਰਜ਼ ਦਾ ਪੈਨਲ ਬਣਾ ਕੇ ਪੋਸਟਮਾਰਟਮ ਕੀਤਾ ਗਿਆ।ਇਸ ਦੇ ਬਾਅਦ ਲਾਸ਼ ਨੂੰ ਅੰਤਿਮ ਸੰਸਕਾਰ ਦੇ ਲਈ ਪੰਚਕੂਲਾ ਲੈ ਜਾਇਆ ਗਿਆ।ਪੰਚਕੂਲਾ ਸੈਕਟਰ 26 ਦੇ ਰਹਿਣ ਵਾਲੇ ਰਿਟਾਇਰਡ ਕਰਨਲ ਅਮਰਜੀਤ ਸਿੰਘ ਨੇ ਦੱਸਿਆ ਕਿ ਪਤਨੀ ਜਸਜੋਤ ਕੌਰ ਨੂੰ ਹਾਰਟ ਸਰਜਰੀ ਦੇ ਲਈ 29 ਜੁਲਾਈ ਦੀ ਸ਼ਾਮ ਨੂੰ ਇੰਡਸ ਇੰਟਰਨੈਸ਼ਨਲ ਹਸਪਤਾਲ ਵਿੱਚ ਦਾਖਿਲ ਕਰਵਾਇਆ।ਇੱਥੇ ਡਾਕਟਰ ਬੰਸਲ ਔਰਤ ਦਾ ਆਪਰੇਸ਼ਨ ਕਰਨ ਵਾਲੇ ਸਨ ਪਰ ਵੀਰਵਾਰ ਸਵੇਰੇ 7 ਵੱਜ ਕੇ 40 ਮਿੰਟ ਤੇ ਦੱਸਿਆ ਕਿ ਜਸਜੋਤ ਕੌਰ ਦੀ ਮੌਤ ਹੋ ਗਈ ਹੈ।ਅਮਰਜੀਤ ਦੇ ਅਨੁਸਾਰ ਪਤਨੀ ਦੀ ਹਾਲਤ ਅਜਿਹੀ ਨਹੀਂ ਸੀ ਕਿ ਉਹ ਇਕਾਇਕ ਦਮ ਤੋੜ ਜਾਵੇ।ਇਲਾਜ ਵਿੱਚ ਕਿਸੀ ਚੂਕ ਦੀ ਵਜ੍ਹਾ ਨਾਲ ਮੌਤ ਹੋਈ ਹੈ।
ਅਮਰਜੀਤ ਨੇ ਕਿਹਾ ਕਿ ਜਦ ਲਾਸ਼ ਮੋਰਚਰੀ ਵਿੱਚ ਰਖਵਾਈ ਗਈ ਤਾਂ ਠੀਕ ਸੀ।ਸ਼ੁੱਕਰਵਾਰ ਦੁਪਹਿਰ ਕਰੀਬ ਡੇਢ ਵਜੇ ਜਦ ਡੈਡਬਾਡੀ ਉਨ੍ਹਾਂ ਦੇ ਹਵਾਲੇ ਕਰਨ ਲੱਗੇ ਤਾਂ ਉਨ੍ਹਾਂ ਨੇ ਦੇਖਿਆ ਕਿ ਖੂਨ ਰਿਸ ਰਿਹਾ ਸੀ।ਕੱਪੜਾ ਹਟਾ ਕੇ ਦੇਖਿਆ ਤਾਂ ਜਸਜੋਤ ਦਾ ਸੱਜਾ ਕੰਨ ਅਤੇ ਬੁੱਲ ਕੱਟਿਆ ਹੋਇਆ ਸੀ।ਉਹ ਚਿਹਰਾ ਦੇਖ ਕੇ ਡਰ ਗਏ ਅਤੇ ਇੱਕਦਮ ਸਦਮੇ ਵਿੱਚ ਆ ਗਏ।ਹਸਪਤਾਲ ਪ੍ਰਬੰਧਕਾਂ ਨੇ ਜਵਾਬ ਦਿੱਤਾ ਕਿ ਚੂਹਿਆਂ ਦੇ ਦੰਦੀਆਂ ਵੱਢ ਕੇ ਖਾਣ ਨਾਲ ਬਾਡੀ ਡੈਮੇਜ ਹੋਣ ਲੱਗਦੀ ਹੈ।ਅਮਰਜੀਤ ਨੇ ਕਿਹਾ ਕਿ ਉਨ੍ਹਾਂ ਨੇ ਲਾਸ਼ ਮੋਰਚਰੀ ਵਿੱਚ ਰਖਵਾਉਣ ਲਈ 3500 ਰੁਪਏ ਫੀਸ ਵੀ ਦਿੱਤੀ ਸੀ।ਬਾਡੀ ਨੂੰ ਫਰੀਜ਼ਰ ਵਿੱਚ ਸਹੀ ਟੈਂਪਰੇਚਰ ਵਿੱਚ ਨਹੀਂ ਰੱਖਿਆ ਗਿਆ, ਜਿਸ ਕਾਰਨ ਚੂਹੇ ਸਰਗਰਮ ਹੋਏ।ਕਾਫੀ ਦੇਰ ਤੱਕ ਹੰਗਾਮੇ ਦੇ ਬਾਅਦ ਪੁਲਿਸ ਮੌਕੇ ਤੇ ਪਹੁੰਚੀ।ਇਸ ਦੇ ਬਾਅਦ ਸਥਾਨਕ ਤਸੀਲਦਾਰ ਨਵਪ੍ਰੀਤ ਸਿੰਘ ਗਿੱਲ ਨੂੰ ਵੀ ਬੁਲਾਇਆ ਗਿਆ।ਨਵਪ੍ਰੀਤ ਵਿੱਲ ਨੇ ਹਸਪਤਾਲ ਪ੍ਰਬੰਧਕਾਂ ਨਾਲ ਪੁੱਛਗਿਛ ਕੀਤੀ ਤਾਂ ਮੈਡੀਕਲ ਡਾਇਰੈਕਟਰ ਸੁਰਿੰਦਰ ਬੇਦੀ ਨੇ ਦੱਸਿਆ ਕਿ ਮੁਰਦਘਾਟ ਵਿੱਚ ਚੂਹੇ ਹੋ ਸਕਦੇ ਹਨ।ਉਨ੍ਹਾਂ ਦੇ ਦੰਦੀਆਂ ਵੱਢ ਵੱਢ ਖਾਣ ਨਾਲ ਬਾਡੀ ਡੈਮੇਜ ਹੋਈ ਲੱਗਦੀ ਹੈ।ਬੇਦੀ ਨੇ ਕਿਹਾ ਕਿ ਉਹ ਵੀ ਇਸ ਘਟਨਾ ਦੀ ਆਪਣੇ ਵੱਲੋਂ ਜਾਂਚ ਕਰਵਾਉਣਗੇ।ਉਨ੍ਹਾਂ ਨੇ ਕਿਹਾ ਕਿ ਇਸ ਘਟਨਾ ਤੇ ਉਨ੍ਹਾਂ ਨੂੰ ਬਹੁਤ ਦੁਖ ਹੈ।ਹਰ ਪ੍ਰਕਾਰ ਦੀ ਜਾਂਚ ਵਿੱਚ ਪੁਲਿਸ ਦਾ ਸਹਿਯੋਗ ਦੇਣ ਦੇ ਲਈ ਤਿਆਰ ਹਨ।ਉਨ੍ਹਾਂ ਨੇ ਕਿਹਾ ਕਿ ਉਹ ਆਪਣੇ ਵੱਲੋਂ ਇਸ ਮਾਮਲੇ ਵਿੱਚ ਜਾਂਚ ਕਰਨਗੇ ਕਿ ਅਜਿਹਾ ਕਿਉਂ ਹੋਇਆ।
