ਕਪੂਰਥਲਾ : ਕਪੂਰਥਲਾ ਜ਼ਿਲ੍ਹੇ ਦੇ ਪਿੰਡ ਫਜਲਾਬਾਦ ਦੇ ਪੰਚ ਨੂੰ ਨਸ਼ਾ ਵੇਚਣ ਵਾਲਿਆਂ ਨੇ ਇੰਨਾ ਕੁੱਟਿਆ ਕਿ ਉਸ ਦੀ ਅੱਖਾਂ ਦੀ ਰੌਸ਼ਨੀ ਚਲੀ ਗਈ l ਵਾਰਦਾਤ 29 ਜਨਵਰੀ ਦੀ ਹੈ l ਇਹ ਗੁੰਡਾਗਰਦੀ ਪੂਰਾ ਪਿੰਡ ਦੇਖ ਰਿਹਾ ਸੀ ਪਰ ਕਿਸੀ ਦੀ ਵੀ ਹਿੰਮਤ ਨਹੀਂ ਪਈ ਕਿ ਹਮਲਾਵਰਾਂ ਨੂੰ ਰੋਕਿਆ ਜਾਵੇ l ਉੱਥੇ ਹੀ ਹਮਲਾਵਰਾਂ ਦੇ ਅੱਗੇ ਧੀ ਹੱਥ ਜੋੜਦੀ ਰਹੀ ਪਰ ਸ਼ਰੇਆਮ ਮੁਲਜ਼ਮ ਕੁੱਟਦੇ ਰਹੇ l ਬਾਅਦ ਵਿੱਚ ਪੰਜ ਨਰਿੰਦਰ ਸਿੰਘ ਅਤੇ ਉਸ ਦੇ ਮੁੰਡੇ ਨੂੰ ਗੰਭੀਰ ਹਾਲਤ ਵਿੱਚ ਸਿਵਿਲ ਹਸਪਤਾਲ ਵਿੱਚ ਦਾਖਲ ਕਰਵਾਇਆ l ਪੁਲਿਸ ਨੇ 7 ਦੇ ਖਿਲਾਫ ਹੱਤਿਆ ਦਾ ਮਾਮਲਾ ਦਰਜ ਕੀਤਾ ਹੈ l ਹੁਣ ਤੱਕ ਕੋਈ ਗ੍ਰਿਫਤਾਰੀ ਨਹੀਂ ਹੋਈ ਹੈ l
ਪੰਚ ਨਰਿੰਦਰ ਸਿੰਘ ਨੇ ਦੱਸਿਆ ਕਿ ਉਹ 29 ਜਨਵਰੀ ਨੂੰ ਪਿੰਡ ਦੇਸਲ ਵਿੱਚ ਆਪਣੇ ਵਾਲਾਂ ਦੀ ਕਟਿੰਗ ਕਰਵਾਉਣ ਰੁਕਿਆ ਸੀ l ਦੁਕਾਨ ਦੇ ਨਾਲ ਸ਼ਰਾਬ ਦਾ ਠੇਕਾ ਸੀ, ਜਿੱਥੇ ਉਸ ਦੇ ਪਿੰਡ ਦੇ ਹੀ ਸ਼ੰਕਰ ਪੁੱਤਰ ਧਰਮ ਅਤੇ ਇੱਕ ਹੋਰ ਮੁੰਡਾ ਨਾਈ ਦੀ ਦੁਕਾਨ ‘ਤੇ ਆ ਕੇ ਗਾਲਾਂ ਕੱਢਣ ਲੱਗ ਗਿਆ l ਰਸਤੇ ਵਿੱਚ ਦੋਨਾਂ ਮੁੰਡਿਆਂ ਨੇ ਉਸ ਨੂੰ ਘੇਰ ਕੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ l
ਪੰਚ ਨੇ ਦੱਸਿਆ ਕਿ ਉਹ ਘਰ ਵੱਲ ਆਇਆ ਤਾਂ ਉਸ ਦਾ ਮੁੰਡਾ ਅਰਜਨ ਅਤੇ ਪਤਨੀ ਖੜ੍ਹੇ ਸਨ l ਸੱਤ, ਅੱਠ ਮੁੰਡਿਆਂ ਨੇ ਤਲਵਾਰਾਂ ਨਾਲ ਉਸ ‘ਤੇ ਅਤੇ ਉਸ ਦੇ ਮੁੰਡੇ ‘ਤੇ ਹਮਲਾ ਕਰ ਦਿੱਤਾ l ਪਿਤਾ ਅਤੇ ਭਾਈ ਨੂੰ ਖੂਨ ਨਾਲ ਲੱਥਪੱਥ ਦੇਖ ਕੇ ਪੰਚ ਦੀ ਧੀ ਘਬਰਾ ਗਈ ਅਤੇ ਹਮਲਾਵਰਾਂ ਦੇ ਅੱਗੇ ਹੱਥ ਜੋੜ ਕੇ ਉਨ੍ਹਾਂ ਨੂੰ ਛੱਡਣ ਦੀਆਂ ਮਿੰਨਤਾਂ ਕਰਨ ਲੱਗੀ l ਇਸ ‘ਤੇ ਹਮਲਾਵਰਾਂ ਨੇ ਕੁੜੀ ਨੂੰ ਕਿਹਾ ਕਿ ਜਿੰਨੀ ਵਾਰ ਉਨ੍ਹਾਂ ਦੇ ਪੈਰ ਫੜ ਕੇ ਮਾਫੀ ਮੰਗੇਗੀ, ਉਸ ਦੇ ਪਿਤਾ ‘ਤੇ ਉਨੇ ਹੀ ਤਲਵਾਰਾਂ ਦੇ ਵਾਰ ਘੱਟ ਕਰਨਗੇ l ਬਾਅਦ ਵਿੱਚ ਅਧਮਰਾ ਕਰਨ ‘ਤੇ ਸਾਰੇ ਸ਼ਰੇਆਮ ਭੱਜ ਗਏ l ਅਸਲ ਵਿੱਚ ਨਰਿੰਦਰ ਹਮੇਸ਼ਾ ਇਲਾਕੇ ਦੇ ਨੌਜਵਾਨਾਂ ਨੂੰ ਨਸ਼ਾ ਵੇਚਣ ਅਤੇ ਕਰਨ ਤੋਂ ਰੋਕਦਾ ਸੀ l ਇਸ ਲਈ ਤਸਕਰ ਇਸ ਤੋਂ ਦੁਸ਼ਮਣੀ ਰੱਖਦੇ ਸਨ l
ਫੱਤੂਢੀਂਗਾ ਪੁਲਿਸ ਨੇ 7 ਲੋਕਾਂ ਸ਼ੰਕਰ, ਮੰਗਲ ਸਿੰਘ, ਧਰਮ ਸਿੰਘ, ਲਖਵਿੰਦਰ ਸਿੰਘ, ਸਵਰਨ ਸਿੰਘ, ਪੱਡਾ ਅਤੇ ਇੱਕ ਅਣਪਛਾਤੇ ਦੇ ਖਿਲਾਫ ਇਰਾਦਾ ਏ ਕਤਲ ਅਤੇ ਹੋਰ ਧਾਰਾਵਾਂ ਦੇ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ l ਉੱਥੇ ਹੀ ਸੁਲਤਾਨਪੁਰ ਲੋਧੀ ਦੇ ਡੀਐਸਪੀ ਸਰਵਣ ਸਿੰਘ ਬੱਲ ਨੇ ਕਿਹਾ ਕਿ ਪੁਲਿਸ ਦੀ ਟੀਮਾਂ ਮੁਲਜ਼ਮਾਂ ਦੇ ਘਰ ‘ਤੇ ਛਾਪੇਮਾਰੀ ਕਰ ਰਹੀਆਂ ਹਨ l ਉੱਧਰ, ਡਾਕਟਰਾਂ ਦਾ ਕਹਿਣਾ ਹੈ ਕਿ ਅੱਖਾਂ ਦੀ ਜਾਂਚ ਕਰ ਕੇ ਜਲਦੀ ਆਪਰੇਸ਼ਨ ਕੀਤਾ ਜਾਵੇਗਾ l
ਨਸ਼ਾ ਤਸਕਰ ਦੇ ਖਿਲਾਫ ਅਵਾਜ਼ ਚੁੱਕੀ ਤਾਂ ਪੰਚ ‘ਤੇ ਤਲਵਾਰਾਂ ਨਾਲ ਕੀਤਾ ਹਮਲਾ, ਇੰਨਾ ਕੁੱਟਿਆ ਕਿ ਅੱਖਾਂ ਦੀ ਰੌਸ਼ਨੀ ਚਲੀ ਗਈ
